அப்டி போடு!

பத்து ஆசைகள்!

2009-11-07T08:54:00.000-08:00

1. அலுவலகத்துக்கருகே வீடு (அ) வீட்டுக்கருகில் அலுவலகம் (நடக்குமா?!).
2. 'சின்னச் சின்ன ஆசை' போல ஒரு பாட்டெழுதி பிரபலமாக வேண்டும் (அப்புறம் பாட்டே எழுதக்கூடாது!).
3. 'மாமி'யுடன் (மட்டும்) முழு நாள் இருக்க வேண்டும் (சிவா/விஷ்ணு-வை என்ன பண்றது?!).
4. மனதுக்குப் பிடித்த தோழியுடன் மாலை தேநீர் அருந்த வேண்டும் (வருவாளா?!).
5. தனியாக ஒரே நாள் உயர் ரக ஸ்டார் ஹோட்டலில் 'ஹாயாக' இருக்க வேண்டும் (அட போய்யா!).
6. திருவல்லிக்கேணி பார்த்தசாரதி பெருமாள் ஆலயத்தின் அர்ச்சகராய் மாற வேண்டும் (மீசை வெச்ச பெருமாளை பாத்துகிட்டே இருக்கலாமே?!).
7. டிரைவரோடு கார் வாங்க வேண்டும் (ரொம்ப ஓவரா தெர்ல?!).
8. நண்பர்கள் ஐவரோடு அரை மணியாவது கழிக்க வேண்டும் (ஹ¤ம்...அந்த நாள் எந்த நாளோ?!).
9. ரஜினி சாரோடு ஒரு போட்டோ எடுத்துக் கொள்ள வேண்டும் (2 தடவை பாத்தும் மிஸ் பண்ணியாச்சு!).
10. வட இந்தியாவைச் சுற்றி வர வேண்டும் (முடியுமா?!).

முக்கிய பின்குறிப்பு:
எல்லாவற்றையும் தனித்தனியாகப் படியுங்கள்.
முக்கியமாக 4,5 - எதேச்சையாக இரண்டும் அடுத்தடுத்து வருகின்றன. மற்றபடி வேறு எதுவுமில்லை ஐயா!

தீபாவளி வாழ்த்துக்கள்!

2009-10-16T12:13:00.000-07:00

2 States - The story of my marriage - Chetan Bhagat

2009-10-11T05:15:00.000-07:00

Dear Chetan,

I happened to read your ‘2 States’.

This ‘fiction’ reminded me two things

‘Singam Aiyengaar Peran’ (Grandson of Singam Aiyengaar) – This novel is penned b by Sujata in Tamil almost 15 years ago.
Jodi (Pair) – This is a Tamil movie produced in the year 1999 that dwells on groom staying in bride’s place and vice versa to earn their acceptance.

I could not stop crying after reading

‘Forgiveness’ uttered by Guruji Pondicherry
Efforts taken by Krish’s father on Krish’s marriage and dialogues between father/son after his return to Delhi

You tried to re-create the magic what you did in the first two (deliberately I missed the third one!). But, I was little disappointed after reading this novel probably because nothing is offered new.

Yes. Your punch liners all through this piece made me to smile/laugh and made the reading enjoyable and not allowed me to keep it down. That is where your success lies!

And Tam Brahms will take everything on their stride! Be it digging or praising! You should have done it more!!

Regards,
(Mis)Chief Editor
(in your language, Tamil Brahmin!)

2009-10-03T11:16:00.000-07:00

பாபா பற்றி எழுதியது (ஆகஸ்ட் ௨00௨)

- "அம்மா" ஆட்சியில் பாபா ரிலீஸ்
- பாடல் வரிகளில் "பெரியார்/ராஜாஜி" வந்ததை ஒட்டி தி.க. கோர்ட்டில் மனு தாக்கல். ரஜினி சரண்டர். பாடல் வரிகள் "கட்"!
- பாமக தலைவர் ராமதாஸ் பூம்புகார் மாநாட்டில் ரஜினியை எதிர்த்து பேச்சு. பாபா எங்கு திரையிட்டாலும் பாமக அதை எதிர்க்கும்!
- ஆகஸ்ட் இரண்டாம் வாரம் வரும் அனைத்துப் பத்திரிகை அட்டைகளிலும் "பாபா" அலங்கரிப்பு.
- ஆகஸ்ட் 15 அன்று அஷ்டமி என்பதால், 14 அன்று இரவே அனைத்து தியேட்டர்களிலும் சிறப்புக் காட்சிகள்.
- சத்யம் தியேட்டரில் ரஜினியின் ஆன்மிக குரு சச்சிதானந்த சுவாமிகள் பாபா படத்தைத் துவக்கி வைத்தார். கமல்/விஜயகாந்த் ஆப்செண்ட்! ரஜினி அப்செட்!
- ஆல்பட் தியேட்டர் வாசலில் "காளிகாம்பாள்" முழு உருவ கட் அவுட்.
- திருட்டு விசிடியை அழிக்க அங்கங்கே உள்ள லோக்கல் தியேட்டர்களில் பாபா ரிலீஸ்! உ-ம் வில்லிவாக்கம் ராயல், கொளத்தூர் குமரன், அம்பத்தூர் ராக்கி, கோயம்பேடு ரோகிணி!
- முதல் நாள் உதயம் தியேட்டரில் தொடர்ச்சியாக எட்டுக் காட்சிகள்!- "2000 ரூபாய் வரை கறுப்பில் முதல் நாள் டிக்கெட் போயிற்று!" காதில் விழுந்த செய்தி.
- ஜெயங்கொண்டான் தியேட்டரில் பாபா படச்சுருள் கொள்ளை. தியேட்டர் திரை கிழிப்பு. பாமக வெறிச்செயல்!
-விழுப்புரம், திருவள்ளூர் நகரங்களில் பாபா பார்க்க பாமக முட்டுக்கட்டை!
-ரஜினி ரசிகர் பாபா ரிலீஸ’ன் போது தனது மகளை ஆஸ்பத்திரியில் ரிலீஸ் செய்தார்!மருத்துவரை வற்புறுத்தி ஒரு மாதத்திற்கு முன்பாக குழந்தை ரிலீஸ்!
-ரயிலில் பிரசவ வலி எடுத்து ஆகஸ்ட் 15 அன்று பிறந்த குழந்தைக்கு "பாபா" என்று பெயர் சூட்டப்பட்டது!
-பெங்களூர் ஊர்வசி தியேட்டரில் முண்டியடித்து "பாபா" பார்க்க முயன்ற ரசிகர் ஒருவர் கூட்ட நெரிசலில் பரிதாபமாக உயிரிழப்பு!
-சேலத்தில் லிட்டர் லிட்டராக பாபா கட் அவுட்டுக்கு பாலாபிஷேகம்
- "டாக்டர் அய்யாவை சட்டபூர்வமாக சந்திப்பேன். மக்கள் கவலையின்றி திரையரங்குக்குச் சென்று போலீஸ் பாதுகாப்புடன் பார்க்கலாம்" ரஜினி கடிதம்.
-பாமக ராமதாஸ் திடீர் பல்டி "நோ மோர் வயலன்ஸ். பாபா படம் அனைவரும் பார்க்கலாம்!"
-ரஜினி குரு சச்சிதானந்த சுவாமிகள் திடீர் மரணம்.
-பாபா பக்கம், பாபா போட்டோஸ் என ஜால்ரா அடித்து வந்த ஆனந்த விகடன் பாபாவுக்கு அளித்த மதிப்பெண்கள் 39!

படத்தில் தேடினாலும் கிடைக்காத சுவாரஸ்யம் வெளியில் கொட்டிக் கிடக்கிறது! நீங்கள் மேலே படித்தது அதில் ஒரு சிறு துளி !

கமல் பேசிப்பேசியே "ஆளவந்தான்" அழிந்தது! ரஜினி பேசாமலேயே "பாபா" அழிந்தது!

இரு மெகா நாயகர்களையும் "சோதா" நாயகர்களாக ஆக்கிய பெருமை இயக்குனர் சுரேஷ்கிருஷ்ணாவையே சேரும்!

மொத்ததில் பாபா தியேட்டரில் "போர்"பா! வெளியிலோ போர்ப்பா!

2009-10-01T11:58:00.000-07:00

'மௌனகீதங்கள்' திரைப்படத்தில் வரும் தந்தை-5 வயது மகன் உரையாடலைக் படியுங்கள்.
தந்தை முகத்தையே பிறந்ததில் இருந்து பார்த்திராத மகனிடம்

தந்தை: நாந்தாண்டா உன் அப்பா
மகன்: எப்படி நம்பறது?!
தந்தை (போட்டோவைக் காட்டி) உங்கம்மாவைக் கட்டிப் புடிச்சிட்டு இருக்கேன் பாரு! அதனால நாந்தாண்டா உன் அப்பா
மகன்: நான் கூட அம்மாவ அப்டிக் கட்டிப் புடிக்கிறேன்!
தந்தை: இது வேற கட்டிப் புடிக்கறதுடா!
மகன்: அது என்ன வேற?!
தந்தை: அத வெளக்கி சொல்றதுக்கு ஒரு மணி நேரம் ஆகுமே!
மகன்: அதுக்கெல்லாம் டைம் இல்லே! போயிட்டு வா நாளைக்குப் பாக்கலாம்!

அந்நாளைய பாக்யராஜின் குறும்புத்தனத்தை ரசிக்காமல் இருக்க முடியவில்லை!

2009-09-26T04:47:00.000-07:00

'ஆயுத' பூஜை மற்றும் விஜயதசமியை முன்னிட்டு......

courtesy: flickr.com

2009-09-25T22:07:00.000-07:00

சிலரைத் திட்டும்போது 'போக்கிரிப் பயலே' எனக் கடிந்து வசை கூறுவர்.

போக்கிலி என்பதே போக்கிரி ஆகிவிட்டது. அது பேச்சில் ஏற்பட்ட திரிபு; தப்பு. போக்கிடம் இல்லாதவன், புகலிடமின்றிப் போனவன், தீங்கு செய்யவும் திருடவும் முரட்டுத்தனம் செய்யவும் துணிந்ததால், போக்கிலி, ஒரு கலகக்காரனைக் குறிக்கலானது; தீயவனைச் சுட்டியது.

அனாதையை 'ஏதிலி' என்பார்கள். 'ஏதுமிலித் தனியனேற்கே' என்பார் மாணிக்கவாசகர். போக்கிலிகளும், ஏதிலிகளும் இல்லா நாடே நல்ல நாடாகும்.

-பிழை திருத்தும் மனப்பழக்கம், தமிழண்ணல், மீனாட்சி பதிப்பகம்

2009-09-24T11:16:00.000-07:00

M R ராதாயணம் - நடிகவேள் எம் ஆர் ராதா அவர்கள் வாழ்வின் சுவாரஸ்ய நிகழ்வுகளை விரிவாகச் சொல்கிறது.

நாடகக்காரனாய்த் துவங்கிய ராதாவின் பயணம், அரசியல் ஈடுபாடு, பகுத்தறிவு கொள்கை, சினிமா என விரிவது இயல்பான அற்புதம். ஔவையாருக்காக ஒரு லட்சம் கேட்ட கே பி சுந்தராம்பாள் பாதிப்பில் 'ஒரு லட்சத்து இருபத்தையாயிரம் கொடு' என ரத்தக்கண்ணீர் தயாரிப்பாளரிடம் ராதா கேட்பது குழந்தைத்தனம் என்றால், சாப்பாடு எடுத்து வர சிவாஜியிடம் 'இம்பாலா' கேட்க, சிவாஜி மறுக்க, மறுநாளே இம்பாலா வாங்கி 'வைக்கோல் அடைப்பது' டிபிகல் ராதா ரவுசு! அதுவும் எம் ஜி ஆரைச் சுட்ட பின் தனிமைப்படுத்தப்பட்ட ராதாவை, ராதாதான் காப்பாற்றிக் கொள்ள வேண்டியிருக்கிறது! ராதாவைப் பற்றியது என்றால் சுவாரஸ்யத்திற்கு, சர்ச்சைக்கு பஞ்சமா என்ன? அ நூலிலிருந்து சில பகுதிகள் இதோ!

'நானும் ஒரு பெண்' படத்தில் ரங்காராவ் முக்கிய பாத்திரத்தில் நடித்தார். அவரும் ராதா போல் ஒரு சீனியர். அவரிடம் பேசவும் எல்லோரும் பயப்படுவார்கள். ஆனால் அப்போது ரங்காராவ் ஒழுங்காக படப்பிடிப்புக்கு வராமல் தொந்தரவு கொடுத்துக் கொண்டிருந்தார்.

காலையில் ஷ¤ட்டிங் ஆரம்பிக்கும். ஒன்பது மணிக்கே ராதா வந்துவிடுவார். ஆனால் ரங்காராவ் பதினோரு மணிக்கு சாவகாசமாக வருவார். மதியம் ஒரு மணிக்கு வீட்டுக்குச் சாப்பிடக் கிளம்பி விடுவார். சில சமயங்களில் மாலை மீண்டும் வருவார். பல சமயங்களில் மது அருந்திவிட்டு வீட்டிலேயே இருந்துவிடுவார். இது பல நாட்கள் தொடர்ந்தது. டைரக்டர் உட்பட யாராலும் அவரை கேள்வி கேட்க முடியவில்லை.

ராதா கூடிய மட்டும் பொறுமையாக இருந்தார். அவரது கால்ஷீட் வீணாகிக் கொண்டே போனது. அடுத்த நாள் செட்டில் ராதா காத்திருந்தார். பத்தரை மணிக்கு உள்ளே நுழைந்தார் ரங்காராவ்.

'ராதாண்ணே வணக்கம்' என்றார் அவர்.

உடனே ராதா கஜபதி (ராதாவின் மேக்கப் மேன்) யிடம் 'பாருய்யா, படத்துல நான் கெட்டவன் வேஷம் போடுறேன். ஒன்பது மணிக்கே வந்து காத்துக்கிட்டிருக்கேன். படத்துல இவரு நல்லவன் வேஷம் போடுறாரு, வர்ற நேரத்தைப் பார்த்தியா?' - பஞ்ச் டயலாக் ஒன்றைச் சொன்னார்.

ரங்காராவின் முகம் சுருங்கிப் போனது. மேக்-அப் ரூமுக்குச் சென்ற அவர், கஜபதியை அழைத்தார். 'இந்தப் படம் முடியற வரைக்கும் தயாரிப்பாளர்கிட்ட சொல்லி, மதியான கொஞ்ச நேரம் நான் படுக்கறதுக்கு ஏற்பாடு செஞ்சு கொடுக்கணும்' என்றார்.

ஏற்பாடு செய்யப்பட்டது. ராதாவும் ரங்காராவும் மதியம் ஒன்று முதல் மூன்று வரை ரெஸ்ட் எடுத்துடுவிட்டு, மூன்று மணிக்கு வரும் டிகிரி காபியைக் குடித்துவிட்டு நடிப்பைப் தொடர்ந்தார்கள். படப்பிடிப்பும் சீக்கிரம் முடிந்தது.

ராதா நாடகத் துறையில் நுழைந்த காலத்தில் மைக் எல்லாம் கிடையாது. கடைசி வரிசையில் உட்கார்ந்திருக்கும் ரசிகனுக்கும் கேட்கும் வகையில் தொண்டை கிழிய கத்தித்தான் பேச வேண்டியிருக்கும். எனவே, ஒவ்வொரு இரவும் நாடகம் முடிந்தபிறகு ராதா, மேக்கப் அறைக்குள் வருவார். ஒரு பெரிய குண்டா அவருக்காகக் காத்திருக்கும். வாயை மட்டும் நீரால் துடைத்து விட்டு உட்காருவார்.

குண்டாவில் பாதி அளவுக்குப் பழைய சோறு, மீதி அளவுக்கு சிறு வெங்காயம் நிரம்பியிருக்கும். அவ்வளவையும் மிச்சம் வைக்காமல் சாப்பிடுவார். மற்றவர்கள் என்றால் நள்ளிரவில் பழையதும் சின்ன வெங்காயமும் சாப்பிட்டால் ஜன்னி வந்து விடும். ஆனால் மேடையில் தன் சக்தியை எல்லாம் பிரயோகித்து நடித்துவிட்டு வந்த பின் அந்த உணவு ராதாவுக்குத் தேவையானதாகவே இருந்தது. அவரது குழுவிலிருந்த சிறுவர்களுக்கு, ராதாவுக்காக வெங்காயம் உரிப்பதுவும் முக்கியமான வேலையாக இருந்தது.

இயக்குனர் ப நீலகண்டன், சுடப்பட்ட எம் ஜி ஆரை காண வந்திருந்தார். வழி தெரியாமல் ராதாவின் அறைக்குச் சென்றுவிட்டார்.

ராதா தனக்கே உரித்தான பாணியில் 'வாய்யா! நீலகண்டா! ராமச்சந்திரனைச் சுட்டேன். அவனும் சாவலை. என்னைச் சுட்டுகிட்டேன். நானும் சாவலை. என்னய்யா துப்பாக்கி கண்டுபிடிக்கிறானுங்க? இந்தத் துப்பாக்கியை வெச்சுகிட்டுத்தான் சைனாக்காரனை ஓட்டப்போறாங்களாம?!'

நீலகண்டன் பதறிப்போய் அங்கிருந்து வெளியேறினார்!

எம் ஆர் ராதாயணம் - முகில் - ரூ 80 - கிழக்கு பதிப்பகம்

2009-09-24T10:48:00.000-07:00

2009-09-23T09:55:00.000-07:00

பழங்காலப் படங்களைப் பார்த்து 'என் பார்வை'யில் அலசுவதே 'திரும்பிப் பார்'!! பாழாய்ப்போன தமிழ் சினிமா செண்டிமெண்டான 'வெற்றி'யோடு துவங்குகிறேன்!!!

திரைப்படம் வெற்றி

வெளியீடு 1984

தயாரிப்பு பி எஸ் வி பிக்சர்ஸ்

இசை சங்கர் கணேஷ்

இயக்கம் எஸ் ஏ சந்திரசேகரன்

நடிப்பு விஜயகாந்த் , விஜி, எம் என் நம்பியார், பி எஸ் வீரப்பா, மகேந்திரன் மற்றும் இளைய தளபதி விஜய்

நன்றி மோசெர் பேர் டி வி டி ரூபாய் 45

அப்பாவைக் கொன்றவனை பழி வாங்குவது, காலேஜில் சண்டை, கதாநாயகியைக் கடத்திக்கொண்டு போய் duet பாடுவது, அனுராதாவின் belly(?!) dance, பழங்காலத்து வில்லன்கள் கத்தி சண்டை, என 80களுக்கு உண்டான அனைத்து மசாலா items நிறைந்த படம்.

விஜயகாந்த் இளமையாக இருக்கிறார். கண்கள் சிவப்பாகவே இருக்கின்றன. மேக்கப் போட்டிருப்பது நன்றாக தெரிகிறது. துடிப்பாக சண்டை போடுகிறார்.

விஜி...பெயரைப் போல வருகையும் நடிப்பும் சுருக்.
மகேந்திரன் எரிச்சல். கமிஷனராக வரும் நம்பியார் வீண்.

பழைய்ய trademark சிரிப்போடு வில்லனாய் அறிமுகமாகும் வீரப்பா செய்வதெல்லாம் காமெடியாயிருக்கிறது. அது சரி வில்லன் என்றால் அரை குறை ஆடை பெண்களின் தோள் மேல் கை போட்டுக் கொண்டு வருவதில் என்ன logicடா சாமி?!

சங்கர் கணேஷ் இசையில் 'ஊரெங்கும் கல்யாண ஊர்கோலங்கள்', 'காவல் புரிந்தவன்' பாடல்கள் நன்றாக இருக்கின்றன. 'ஆத்தி, ஆத்தி' பாட்டில் 'ஆளானாலும் ஆளு, இவ அழுத்தமான ஆளு' அப்படியே காப்பி அடிக்கப்பட்டிருக்கிறது. இயக்குநரின் மைத்துனர் என்பதால் S N சுரேந்திரனுக்கு அடித்தது chance!

S A சந்திரசேகரின் மற்றுமொரு 'சட்ட' படம். இடைவேளை வரை ஓரளவிற்கு உட்கார வைத்தவர், பின்பகுதியில் ஓட ஓட விரட்டுகிறார். தாங்க முடியலை!

பின்குறிப்பு:
1. விஜய்தான் குட்டி விஜயகாந்த்! அப்பா எரிவதைப் பார்க்கும்போது இன்றைய இளைய தளபதி விஜய் போல் வீறு கொண்டெழுந்து, 'குருவி' சுடுவது போல சுட்டுவிடுவாரோ என்கிற பயத்தைத் தவிர்க்க முடியவில்லை!
2. எதிர்பாராத வகையில் படம் வெற்றிகரமாக ஓடி விஜயகாந்த்/சந்திரசேகர் மார்கெட் உசந்ததாம்!

2009-09-21T10:59:00.000-07:00

2009-09-21T09:57:00.000-07:00

பல நாட்களாகப் பார்த்து மட்டுமே ரசித்து வந்த மய்யா'ஸ்-க்கு குடும்பத்துடன் சிற்றுண்டி உண்ணச் சென்றேன்.

ஜயநகர் 4வது ப்ளாக் காவல் நிலையம் மற்றும் பிள்ளையார் கோயில் அருகில் அமைந்துள்ள மய்யா'ஸ், எம் டி ஆர் என்கிற பாரம்பரிய உணவகத்தைச் சேர்ந்தது. காலை 7-11 சிற்றுண்டி, மதியம் 12-2.30 சாப்பாடு, மாலை 3-5 நொறுவல், இரவு 6-8 இரவுச் சாப்பாடு, திங்கள்தோறும் விடுமுறை என அட்டவணை போட்டு வைத்தாலும் கூட்டத்திற்குக் குறைவே இல்லை.
முதல் தளத்திற்குச் சென்றவுடன், பெயர்/எண்ணிக்கை குறித்துக்கொள்ளப்பட்டு , இடப்பட்ட நாற்காலிகளில் அமர்த்தி வைக்கப்பட்டோம்.

பத்து நிமிட காத்திருத்தலுக்குப் பின் உள்ளே அனுமதிக்கப்பட்டவுடன் 'என்ன ஆர்டர் ஸார்?' டிபிகல் ஸௌத் இண்டியனாய் 'இட்லி, வடை, சாதா தோசை, மசாலா தோசை' எனக் கூறிவிட்டு அங்கிருந்த தொலைக்காட்சியில் லயித்தோம். 'எது எது செய்யக்கூடாது? செய்யலாம்' என H1N1 அறவுரைகள் நிகழ்ந்து கொண்டிருந்தன.

சுற்றி நொக்கியதில், சமையலறை பளிச்சென கண்ணாடியினூடே தெரிந்தது. பேரர்கள் மிகவும் மும்முரமாய் இருக்க, அந்த இடமே ஒரு துரித கதியில் இயங்கிக்கொண்டிருந்தது. இதற்குள் 1 இட்லி, 1 வடை வந்துவிட்டது!

இட்லி, தொட்டுக்கொள்ள க்ரீன் சட்னி (சிவா பாஷையில்!) மற்றும் சற்றே இனிப்பான சாம்பார்; தவிர 'இத்துணூண்டு கப்'-ல் நெய்! (அப்டி போடு!) இந்த கப் எல்லா ஐட்டங்களும் இலவச இணைப்பு போல!

நன்றாக ஒரு 'பிடி' பிடித்தபின், 1/2 கா·பி சொன்னோம். வெள்ளி முலாம் பூசப்பட்ட (அல்லது வெள்ளி?!) டம்ளர்கள் வந்தன. அருமையான அரை கா·பி குடித்தது, முழு ·பில்டர் கா·பி எ·பெக்ட்-ஐத் தந்துவிட்டது!

பில்-ஐப் பார்த்த 'மாமி' அவ்வளவு சுரத்தாயில்லை!
1 இட்லி, 1 வடை 35

1 மசாலா தோசை 35

1 சாதா தோசை 30

1 கா·பி 15
அதிசயமாய், க்ரெடிட் கார்ட் வாங்கிக்கொள்கிறார்கள்!

கீழ்த் தளத்தில் இனிப்பு மற்றும் நொறுவல் ஐட்டங்கள் சற்றே தூக்கிய விலையில் கிடைக்கின்றன. இது தவிர பு·பே ப்ரேக்பாஸ்ட் 125-க்கு ஐஸ்க்ரீமுடன் கிடைக்கிறது (ஞாயிறு மட்டும் 150!).

இரண்டாவது தளத்தில் '·பைன் டைனிங்' என்கிறார்கள். என்னவென்று இன்னொரு முறை பார்த்துத் தெரிந்து கொள்ள வேண்டும்!

வலது பக்கத்தில் கா·பி கவுண்டர் தனியாக (ரொம்ப நெரிசலுடன்!) ஓடிக்கொண்டிருக்கிறது!

மொத்தத்தில், கையேந்தாமல், கால் ஊன்றாமல், அவதிப்படாமல், அமைதியாகவும், ருசித்தும், ரசித்தும் சாப்பிட்ட மிக சுகமான அனுபவம் மய்யா'ஸ்.

2009-09-21T07:46:00.000-07:00

தமிழ் சினிமாவின் போக்கை ஆராய்பவர்கள் சகலகலா வல்லவன் தமிழ் சினிமாவின் போக்கை மாற்றி அமைத்தது என்று சொல்வார்கள்....

இப்போது அயன் மாற்றுகிறதே. அந்த மாதிரி படங்களை எடுத்துகிட்டுத்தான் இருப்பார்கள். நான் ஒரு தடவைதான் செய்தேன். ரஜினிகாந்தின் முழு கேரியரும் அதுதானே? ஆரம்பத்திலிருந்து இன்று வரைக்கும் எங்கேயோ கேட்ட குரல், முள்ளும் மலரும் தவிர அவர் செய்து கொண்டிருக்கிற அத்தனையும் அதுதானே. பக்கத்தில் ஒருத்தர் தன் வாழ்க்கையையே அதுவாக வைத்துக் கொண்டிருக்கிறாரே, அதைப் பற்றி முதலில் பேசுவோம். பிறகு சகலகலா வல்லவன் பற்றி பேசலாம்.

-கலைஞன் கமலஹாசன் அவர்கள் பேட்டியிலிருந்து, த சண்டே இந்தியன், மாதமிருமுறை

2009-09-20T01:29:00.000-07:00

தானாக ஆட்டம் போட வைக்கும் மற்றுமொரு கன்னடப் பாடல் இதோ...
ஹ¤டுகி ஹ¤டுகி நின்ன கண்டாகா

2009-09-18T23:28:00.000-07:00

'தப்புங்கிறது மத்தவங்க சொல்லித் தெரியறதில்லேம்மா. நம்ம மனசுக்குத் தப்புன்னு தெரிஞ்சா, தப்புதான். நம்ம மனசுக்குத் தப்பு இல்லன்னு தெரிஞ்சால் தப்பு இல்லதான்'

-முடிவு (சிறுகதை), ட்விஸ்ட் கதைகள், ரா கி ரங்கராஜன், அல்லயன்ஸ் பதிப்பகம்

2009-09-18T23:03:00.000-07:00

சமீபத்தில் நான் படித்த சிறந்த விமர்சனம் திரு ப்ரகாஷ் அவர்கள் எழுதிய 'உன்னைப் போல் ஒருவன்'.

இதைப் படித்தவுடன், நான் எழுதியது...

அய்யா! தங்களின் பதிவைக் கண்டேன்.அருமையாக எழுதியிருக்கிறீர்கள்.

படம் நெடுகிலும் கூண்டில் அடைபட்ட வேங்கையாய் உறுமும் 'மாரார்' நமக்குப் புதுசு. கமிஷனர் 'மாரார்' முன்னிலையில் 'common man' கொஞ்சம் 'stupid'-ஆகத்தான் படத்தில் தெரிகிறார். மோகன்லாலின் மற்றுமொரு பரிணாமத்தை வெளிப்படுத்தி, தன்னை மேம்படுத்திக் கொண்ட கலைஞன் கமலஹாசன் அவர்களுக்கு ஒரு சபாஷ்!

சற்றே கூன் விழுந்த தோற்றம். கறுப்பும் வெளுப்புமாய் தலை. நேர்த்தியான மீசை. சராசரி மனிதன் போடும் கண்ணாடி. கண்களில் அப்படி ஒரு தீட்சண்யம். தோற்றத்தில் முதுமை இருந்தாலும், பேச்சில் 'தோற்றுப் போன/கையாலாகாத' வருத்தம் + 'என்னாலும் முடியும்' கோபம். இப்படி ஒரு பாத்திரத்தை நஸ்ருதீன் ஷா ஏற்றுச் செய்ததை கமலஹாசன் ஏன் செய்ய வேண்டும்? செய்யத்தான் முடியுமா? என்கிற கேள்விக்கு ஒரே பதில்தான் இருக்க முடியும்.

நல்ல விஷயங்களை எத்தனை முறை வேண்டுமானாலும் 'மாசு குறையாமல்' ஜனங்களுக்கு எடுத்துச்செல்ல / எடுத்துச்சொல்ல வேண்டும் என்கிற வெறி.

பொன்விழா நாயகர் வாழ்க பல்லாண்டு!

திரு ப்ரகாஷ் , தங்களுடைய பணி தொடர வாழ்த்துக்கள்!

2009-09-13T10:18:00.000-07:00

எவ்ளோ நாளாச்சு தரமான தமிழ் த்ரில்லர்/க்ரைம் படம் பார்த்து?

நகர குடியிருப்பு ஒன்றில் கொலையான ரம்யா (சிந்து மேனன்) வழக்கில், முன்னாள் காதலர் என்கிற முறையில் அழைக்கப்படுகிறார் ஏஸிபி வாசுதேவன்(ஆதி). பிரிவைத் தாங்க முடியாத துயரத்தில் தகப்பன் (ராஜசேகர்), தங்கை திவ்யா (சரண்யா மோகன்), கணவன் பாலா (நந்தா); நிச்சயம் தற்கொலையாயிருக்க முடியாது என்கிற ஒரே காரணத்தில் வாசு, வழக்கை தூசி தட்டத் துவங்க, அடுக்கடுக்காய் அதே குடியிருப்பில் மரணங்கள் விழத் துவங்குகின்றன. எல்லாவற்றிலும் 'தண்ணீரும் ஈரமும்' பிரதானமாய் இருக்கிறது! யார்தான் செய்திருப்பார்கள்?!

நிச்சயம் இது ஒரு இயக்குனர் படம் என்பதை முதல் பாதியில் அவ்வப்போது பின்னோக்கிப் போகும் 'ரம்யா-வாசு' காதல் காட்சிகளும், பின் பாதியில் ஒரேடியாய்க் காண்பிக்கப்படும் 'ரம்யா-பாலா' தாம்பத்யக் காட்சிகளும் நிரூபணம் செய்கின்றன. 'சென்னையில் ஒரு மழைக்காலம்' சரி, படத்தில் 'சென்னையில் ஒரே மழைக்காலம்' எப்படி ஸார்?! எல்லாக் காட்சிகளிலும் ஈரத்துடன் தொடர்பேற்படுத்த ப்ரயத்தனப்படுவதும் சுவாரஸ்யமே.

ஆதி இயல்பான காவல் அதிகாரியாய் மனதைத் தொடுவதென்னவோ சத்தியமான நிஜம். அதே போல, 'புரியாத புதிர்' ரகுவரனுக்குப் பின், சந்தேகப்படும் கணவன் பாத்திரத்தில் பட்டையைக் கிளப்புகிறார் நந்தா!

படத்தின் ஒளிப்பதிவு கூடுதல் பலம். த்ரில்லர் படங்களில் வரும் இசையைப் போல அல்லாமல் கொஞ்சம் அடக்கி வாசித்திருப்பது ஆறுதல். எடிட்டரும் கொஞ்சம் வேலை பண்ணியிருந்தால் படத்தின் நீளத்தைக் குறைத்திருக்க முடியும்.

காதல்/வெயில்/இம்சை அரசன்/அறை எண்/கல்லூரி என்கிற 'வெற்றி' வரிசையில் 'ஈரம்' சேரும்போது நமக்கு "தன்னால் எடுக்கப்பட முடியாத படங்களை வேறு இயக்குநர்(கள்) வைத்து திரு ஷங்கர் எடுக்கிறாரோ?!" என்கிற சந்தேகம் வலுக்கத்தான் செய்கிறது!

எக்ஸ்யூஸ்மீ மிஸ்டர் கந்தசாமி! ஷங்கர் பட்டறையிலிருந்து மற்றுமொரு பட்டை தீட்டப்பட்ட வைரத்திற்கு வழி விடவும்!

2009-09-12T11:35:00.000-07:00

வேர்கள் பற்றி ஏற்கெனவே எழுதியிருக்கிறேன். ஆனந்த விகடன் பொன்விழாவின் சிறந்த சமூக நாவலாக அங்கீகரிக்கப்பட்டு ரூ 20,000 பரிசு பெற்ற புதினம்.

கிருஷ்ணமணி-யில் 'பி.வி.ஆர்' சாயல் தெரிந்தாலும், முத்திரையாய் விழும் எழுத்துக்களால் நம்மை அயர வைக்கிறார். வெங்கடேசன், முத்துசாமி, பேங்கர் சீனு, வித்யாதரன், சியாமளி, பாட்டி, சதீஷ் என வெவ்வேறு பாத்திரங்கள் தங்கள் தனித்தன்மையோடு வலம் வருவதுதான் நாவலின் பலம். ஓரிரு அத்தியாயங்களில் எல்லோரையும் அறிமுகப்படுத்திவிட்டு, அழகாய் உலாவவிட்டு, கச்சிதமாய் முடித்திருப்பது அழகு.

தொடர்கதையை 'பைண்ட்' செய்து படிப்பது வழக்கொழிந்து போன இந்நாளில், கையில் கிட்டிய 'பைண்ட்' புத்தகம் இது! 'மாருதி' ஓவியங்களால் மெருகேறி களை கட்டுகிறது.

வேர்கள், கிருஷ்ணமணி, ஆனந்த விகடன்
(கொசுறு: ஆனந்த விகடனின் விலை 1981-ல் 75 பைசா!)

2009-09-12T11:14:00.000-07:00

உயிர் வரை உன்னோடு எழுதிய பட்டுக்கோட்டை பிரபாகர் 'தொட்டால் தொடரும்' நாவல் மூலம் சிகரம் எட்டியவர். மலிவு விலை மாத க்ரைம் நாவல்களைத் திறம்பட எழுதினாலும் 'காதல்' கதைகளில் அவருக்குத் தனி இடம் உண்டு.

மிக எளிமையான 'காதல் வயப்பட்டு, காலத்தின் கோலத்தால், வேறொருவன் கைபிடித்து, சந்தேகத்துக்கு உட்படும்' ஒரு பெண்ணின் கதை. ஆனால், படிக்கும்போது ஒரு க்ரைம் நாவலின் ஸஸ்பென்ஸ் இருக்கிறது. கதையின் இறுதிப் பகுதி 'சொடேர்' என நிமிர வைக்கிறது.

முடிவு, மேல் ஷாவனிஸம் என பெண்ணியவாதிகள் முத்திரையிட்டாலும், தாம்பத்திய உறவை அறிந்து, உணர்ந்து, அனுபவித்தவர்கள் நிச்சயம் மனதார ஏற்றுக் கொள்வார்கள்.

உயிர்வரை உன்னோடு, பட்டுக்கோட்டை பிரபாகர், பூம்புகார் பதிப்பகம், 1999 வெளியீடு

2009-09-12T10:30:00.000-07:00

9/11 புயலில் 'மறந்து' போன 'எழுச்சி'க் கவிஞனுக்கு

எங்களின் இதய அஞ்சலி!
(மகாகவி பாரதி : திஸம்பர் 11, 1882 - ஸெப்டம்பர் 11, 1921)

2009-09-12T10:04:00.000-07:00

நன்றி: டகிள்

2009-09-09T10:44:00.000-07:00

ஜேப்பியார் பேச்சை கேளுங்க!
சிரிச்சிகிட்டே இருங்க!

நன்றி: snapjudgement

2009-09-06T07:44:00.000-07:00

தாம்பத்யம்கிறது மனுஷ வாழ்க்கையிலேதான், அதைப் புரிஞ்சிக்க சரியான வழி, ஒருத்தரை ஒருத்தர் அனுசரிச்சிண்டு போகணும். ரெண்டு கண்ல எது ஒசத்தி? இதை ஞாபகம் வச்சிக்கோங்க. உடம்புல தெம்பு இருக்கிறவரைக்கும், சுயமா சம்பாதிக்கணும். பணம்தான் வாழ்க்கை இல்லே. ஆனா, அது இல்லாமலும் வாழ்க்கையை நடத்த முடியாது. தர்மமா, நம்ம திறமையால நல்லா சம்பாதிக்கணும். முடிஞ்ச அளவுக்கு மத்தவாளுக்கு உபகாரம் பண்ணணும். நம்ம வம்சத்தோட வேர் இந்த தர்மத்தைத்தான் அடி மண்ணா கௌவிப் பிடிச்சிண்டிருக்கு.

உடம்பால, அதனோட உறவால ஏற்படற பந்தம் மட்டும் ரெண்டு பேரை ரொம்ப நாளைக்கு ஒண்ணாப் பிணைக்காது. உள்ளத்தால, உணர்ச்சியால, புரிஞ்சிக்கிற தன்மையினாலதான் நெருங்கி வர முடியும். இதை நீங்க புரிஞ்சிக்கணும்கிறதுதான் என்னோட ஆசை. பெண் என்கிறவளும் மனுஷ ஜென்மம்தான். அவளுக்கும் உணர்ச்சிகள் இருக்கு. உடம்போட அவஸ்தையைத் தீர்த்துக்கற சாதனம் மட்டும் இல்ல அவ என்கிறதையும் புரிஞ்சுக்கணும்.

ஏழையாகப் பிறப்பது குற்றமல்ல. ஆனால் முயற்சியின்றி, உழைப்பின்றி, திட்டமின்றி ஏழையாக வாழ்வது முட்டாள்தனம்.

புருஷன்கிறவன் தாம்பத்தியத்துக்கு அவசியமாக இருக்கிற ஓர் ஆடவன். ஓர் ஆணுக்கும் பெண்ணுக்கும் உடலுறவினால ஏற்படக்கூடிய பாந்தவ்யம், பிணைப்பு, குழந்தைகள் பிறந்த பிறகுதான் வலுவடையறது. பயலாஜிகல் நெஸஸிடியினால்தான் நாம் இணைய வேண்டியிருக்கு. இதுல பெண்ணுக்கு ஆண் எந்த விதத்திலே உசத்தின்னு எனக்குப் புரியல்லே. கௌரவப் பிரச்னைக்கே இதிலே இடமில்லே. ரெண்டு பேரும் மத்தவங்க கருத்துக்கு மதிப்பு கொடுத்து அனுசரிச்சிண்டு போறதுலதான் சௌஜன்யம் ஏற்பட முடியும்.

ஆணுக்குப் பெண் சற்றுக் குறைவுதான்னு தீர்மானத்தில நீங்க இருக்கீங்க. இது போன தலைமுறையினோட கருத்துன்னு சொல்லி, கடந்து போன காலத்தினோட துணையை நீங்க பார்க்கறீங்க. நம்ம நாட்டிலே அந்நியர்களோட ஆட்சியாலே ஏற்பட்ட அவக்கேடுகளிலே இதுவும் ஒண்ணுன்னு நான் நினைக்கிறேன். வீட்டுப் பெண்களுக்கு உரிய மரியாதையையும் அந்தஸ்தையும் தர மறுக்கிற சமுதாயம் முன்னேற முடியாது. சம உரிமைங்கற பேரில பெண்கள் முறைகேடா நடக்கிறதையும் பண்பு கெட்டு வாழறதையும் நான் ஆதரிக்கலே. நம்ம திருமணச் சடங்கின்போதே நுகத்தடியை மணமக்கள் இரண்டு பேர் கழுத்திலேயும் சில விநாடிகள் வச்சு மந்திரம் ஜெபிக்கிறா. அதை வெறும் சடங்கா நெனக்கக்கூடாது. வாழ்க்கைங்கற வண்டியினோட ஓட்டத்துக்கு வண்டி மாடுகளைப் போல ஒருங்கிணைந்து செயலாற்றணும்கிறதுதான் அதனோட தாத்பர்யம். அந்த மாடுகளிலே எது உயர்த்தி?

கான்பிடன்ஸ் வேணும்தான். அது தொழில் செய்யும்போது. ஆனா ஆசானிடத்திலே?....சந்தேகம் கேட்கலாம். தெளிவு கிடைக்கிற வரைக்கும் அவருடைய அனுபவ அறிவைத் துணையா எடுத்துண்டு வழி நடக்கணும்.

சார்ந்து வாழறதுன்னா என்னடா அம்பி? எனக்குப் புரியல்லே....தாலிகட்டற புருஷனோட வாழறதா? அப்படிப் பார்த்தா இவ(ள்) இருக்கற உத்தியோகத்துல மேலதிகாரியா இருக்கற ஆம்பிளைக்கு இவ பதில் சொல்லும்படியா வராதோ? மனித வாழ்க்கையிலே எல்லாருமே எதையானா சார்ந்துதாண்டா வாழ்ந்தாகணும். எல்லாத்தையும் துறந்துட்டு ஈஸ்வரனோட பாதமே துணைன்னு போறாளே, இந்த மனித வாழ்க்கையை அல்பமா நினைச்சு உதறியெறிஞ்சிட்டு, சத்தியமானதைத் தேடிண்டு போறாளே, அவாளுக்குத்தாண்டா அந்தச் சுதந்திரம். நமக்கெல்லாம் இல்ல.

-வேர்கள், கிருஷ்ணமணி, ஆனந்த விகடன் பொன்விழா (1981) போட்டியில் ரூ 20,000/- பரிசு பெற்ற சமூக நாவல்

2009-09-05T05:30:00.001-07:00

2009-09-03T11:52:00.000-07:00

எனக்குப் பிடித்த கன்னட பாடல்களில் ஒன்று...

நீனே நீனே