அப்டி போடு!

நண்பன்...!

2012-01-16T05:35:00.000+05:30

குரல் பதிவு:-) என் பார்வையில் நண்பன்.... by Mis-Chief Editor

பரதேசியின் டைரிக் குறிப்பு - 36

2011-12-24T05:52:00.000+05:30

இன்று திரு எம் ஜி ஆர் அவர்களது நினைவு தினம் (24.12.2011)

எம்.ஜி.ஆர். பிக்சர்ஸ் சார்பில் 1968 ஆம் ஆண்டு துவக்கப்பட்ட படம் "அடிமைப்பெண்" இந்தப் படத்தின் படப்பிடிப்பு ஜெய்ப்பூரில் "25 நாட்கள்" நடந்தது. மிகப் பிரமாண்டமான ஜெய்ப்பூர் அரண்மனை மற்றும் பல இடங்களில் மக்கள் திலகம் எம்.ஜி.ஆர். ஜெயலலிதா நடித்த காட்சிகள் படமாக்கப்பட்டது.

அந்த சமயம் ராஜஸ்தான் முதலமைச்சராக இருந்த மேகன்லால் சுகாதியா, மக்கள் திலகம் அவர்களையும், ஜானகி அம்மா அவர்களையும் அழைத்து, தன் மாளிகையில் அருமையான விருந்து கொடுத்தார். மக்கள் திலகம் எம்.ஜி.ஆர் அவர்கள் விருந்தைச் சாப்பிட்டு விட்டு, விடை பெறும் போது, முதல்வர் சுகாதியா அவர்கள் மக்கள் திலகத்திற்குப் பரிசாக, ஒரு தொப்பியை, ஒரு சிறிய பெட்டிக்குள் வைத்துக் கொடுத்தார்.

அதை பெற்றுக் கொண்ட மக்கள் திலகம் அவர்கள். உடனே 'இது என்ன பரிசு?' என்று கேட்டார். அதற்கு முதல்வர் அவர்கள் பெட்டியை திறந்து பாருங்கள் என்றதும், பெட்டியைத் திறந்து பார்த்த மக்கள் திலகத்திற்கு ஆச்சரியமாக இருந்தது. அதற்குள் இருந்த தொப்பியை பார்த்தார் உடனே அந்த தொப்பியை எடுத்து புரட்டிப் புரட்டி பார்த்தார்.

அடுத்த நிமிடம் சுகாதியாவிடமே கொடுத்து, 'என் தலையில் நீங்களே வைத்து விடுங்கள்' என்றதும், உடனே தொப்பியை தலையில் வைத்துவிட்டு, மக்கள் திலகம் எம்.ஜி.ஆர். அவர்களிடம் 'இப்பொழுது நீங்கள் மிகவும் அழகாக இருக்கிறீர்கள்' என்றதும் மக்கள் திலகம் அவர்களுக்கு மிகவும் மகிழ்ச்சி ஆகிவிட்டது. முதல்வருக்கு நன்றி கூறிவிட்டு, புறப்பட்டார்.

காரில் போய்க் கொண்டு இருக்கும்போது ஜானகி அம்மாவிடம், 'என்ன ஜானு, தொப்பி எனக்கு நன்றாக உள்ளதா?' என்று கேட்டதும், ஜானகி அம்மையார் 'ஒரு மாநில முதல் அமைச்சர் அவரே உங்கள் அழகை புகழ்ந்துள்ளார் இதற்கு மேல் நான் வேறு சொல்ல வேண்டுமா? சரி, இப்போது, நீங்கள் பாக்கெட்டில் வைத்து இருக்கும் கறுப்பு கண்ணாடியை எடுத்து போட்டுக் கொள்ளுங்கள் இன்னும் மிக அழகாக இருப்பீர்கள்' என்றதும், உடனே கண்ணாடியை எடுத்து போட்டுக் கொண்டார். அப்பொழுது ஜானகி அம்மா மிகப் பெருமையுடன் 'அழகுக்கு மேல் அழகு, அதோடு ஒரு அந்தஸ்து, இனிமேல், நீங்கள் எங்கே சென்றாலும், இப்படியே செல்லுங்கள்'. சரி ஓ.கே. தேங்க்ஸ் என்றார் மக்கள் திலகம்.

அடுத்த நாள் காலையில், வேட்டி, ஜிப்பா, கண்ணாடி தொப்பியுடன் சென்றார். "அடிமைப்பெண்" படப்பிடிப்பிற்கு புதிய இடம் பார்ப்பதற்காக செல்லும் போது அங்கே டைரக்டர் கே. சங்கர், கேமராமேன் ராமமூர்த்தி புகைப்பட நிபுணர் ஸ்டில்ஸ் நாகராஜராவ், அலுவலக நிர்வாகி ஆர்.எம். வீரப்பன் ஆகிய நால்வருக்கும் ஒரே ஆச்சரியம் 'என்ன இப்படி திடீரென்று தொப்பி வெச்சுக்கிட்டீங்க?' என்று டைரக்டர் சங்கர் கேட்க, கல கல வென்று சிரித்த மக்கள் திலகம் 'எப்படி இருக்கு?' என்று கேட்க 'ஆஹா! மிகவும் பிரமாதமா இருக்கிறது. இதையே நீங்கள் தொடர்ந்து கடைப்படித்தால் மிகவும் நன்றாக இருக்கும்' என்று நால்வரும் கூறினர்.

நம் மக்கள் திலகம் அவர்கள் தொப்பி அணிந்து பல கோணங்களில் புகைப்படம் எடுத்துப் பார்த்தார் நன்றாகவே இருந்தது ஆகவே, அவர்கள் நால்வரும் கூறியது உண்மை என்பதை அறிந்த மக்கள் திலகம் அவர்கள் தொடர்ந்து தொப்பி அணிந்து வெளியே செல்ல, அதுவே அவருடைய கட்டாய வழக்கமாகிவிட்டது.

தொப்பி அணிவதற்கு முன்பு, மக்கள் திலகம் அவர்கள். கறுப்புக் கண்ணாடி மட்டும் அணிந்து செல்லும் வழக்கம் இருந்தது. பின்பு கறுப்புக் கண்ணாடியோடு, தொப்பியும் அணிந்து மக்கள் திலகம் இருப்பதைக் காண்பவர்கள். அவர் அழகு கூடியது கண்டு, சொக்கிப் போனார்கள்.

-வள்ளல் எம்.ஜி. ஆர். வாழ்க்கை வரலாறு

பரதேசியின் டைரிக் குறிப்பு - 35

2011-12-17T22:42:00.000+05:30

வாள் தடங்கண் மாதே!

ஆதியும் அந்தமும் இல்லா

அரும்பெருஞ்சோதியை

யாம்பாடக் கேட்டேயும்

வளருதியோ?!

நின்செவிதான் வன்செவியோ..?!

ஒளிபொருந்திய நீண்ட கண்ணையுடைய பெண்ணே, முதலும் முடிவுமில்லாத, காண்டற்கரிய பெருமையுடைய ஒளியானவனை நாங்கள் பாடுதலைக் கேட்டும், நீ (இன்னும்) துயில்கின்றனையோ? உன் செவிதான், சொல்லுவதைக் கேளாத வலிய செவியோ?

'தினமணி'யில் திருவெம்பாவை முதல் பாசுரத்தை மேற்கூறிய விளக்கத்தோடு அளித்திருக்கிறார்கள்.

மார்கழி மாதம் இந்த வருடம் அமெரிக்காவில்.

முந்தைய இரவு நண்பரிடம் மனுப்போட்டு வைத்திருந்தேன் கோயிலுக்குக் காலையிலேயே சென்று விடவேண்டுமென. பிவாகி இந்து ஆலயம் எட்டரை மணிக்குத் திறப்பதாகவும், போய் விடலாம் என்றதில் உற்சாகம் தொற்றிக்கொண்டது.

காலையில் வழக்கம் போல் 6 மணிக்கு முழிப்பு வந்துவிட்டது. குளித்துவிட்டு, இணையத்தின் தயவில் திருப்பாவை/திருவெம்பாவை முதல் பாடலைக் கேட்டு விட்டு நண்பருக்குப் போன் செய்தேன். எட்டரைக்கு தயாராய் இருக்கச் சொன்னார். (அப்படியென்றால் நிச்சயம் ஒன்பது மணிக்கு வந்து விடுவார்!). ஒன்பதடித்து ஐந்து நிமிடங்களுக்கு போன் வந்தது!

வெளியில் வந்தால் 'முதல் பனி' சாலையெங்கும் வெண்மையை நிறைத்திருந்தது. மார்கழி என்றால் பனிதானே?! இரவு முழுதும் பனி பெய்திருக்க வேண்டும். மரங்களில், சாலையில், வாகனங்களில் பனி இறைத்திருந்தது. (ஐந்து வருடங்களுக்குப் பிறகு, பணியின் காரணம் கொண்டு பனி தரிசனம்).

'பிச்சைப் பாத்திரம் ஏந்தி வந்தேன்', 'முகுந்தா முகுந்தா', பாடல்களை கேட்டுக் கொண்டே பிவாகி கோயிலுக்கு வந்துவிட்டோம்.

மயிற்பீலி சூடி நிற்கும் மன்னவனே!

மங்கைக்கு என்றும் நீயே மணவாளனே!

எனும் வரிகளைக் கேட்ட போது 'சூடிக் கொடுத்த சுடர்க்கொடி' நினைவுக்கு வந்தாள்!

நம்மூர் கோயில்களைப் போல கூட்டம் எந்நேரமும் அம்முவது இல்லை. சுவாமி விச்ராந்தியாய் நம் வருகைக்காகவே காத்திருக்கிறார் போலும். விநாயகரில் துவங்கி, சிவன், கிருஷ்ணன், துர்க்கா, ராமர், விஷ்ணு, பாலாஜி, மகாலட்சுமி, சத்யநாராயணா, அனுமன், நவக்ரகங்கள் ஆலயத்தை அலங்கரிப்பது விசேஷம்.

ஏகாந்த தரிசனம் செய்துவிட்டு, சந்நிதியை விட்டு வெளியில் வந்தால்... இரணடு தட்டுகளில் (மாத்திரம்) கொஞ்சூண்டு வெண் பொங்கல் பிரசாதம் இருந்தது (முந்திரியோடு!). எடுத்து வாயில் போட்டுக்கொண்ட போது 'அடடா!'.

மார்கழி நன்றாகவே தொடங்கிவிட்டது.

பரதேசியின் டைரிக் குறிப்பு - 34

2011-12-17T00:22:00.000+05:30

மார்கழி மாதத்தை கொண்டாடக் கற்றுக் கொடுத்தது அப்பாதான்.

காலையில் நாலரை மணிக்கு எழுந்து, குளித்து விட்டு (பெரும்பாலும் குளிர்ந்த நீர், வெந்நீர் இல்லை!) ஆசாரோத்தமாக சாளகிராமம் கொண்டு 'சிவ பூஜை' செய்வார். இந்தப் பூஜையில் கவனமும், பக்தியும் நிறைந்து இருக்கும். நைவேத்யம் போது அம்மா தயார் செய்த சர்க்கரை / வெண் பொங்கல் சுடச் சுட தயாராய் இருக்கும். தீபம் காட்டி அவர் அடிக்கும் மணியின் ஓசையில் தெய்வீகம் வீடு முழுதும் விரவி இருக்கும்.

பஞ்ச கச்சம், அங்கவஸ்திரம் சகிதம் திருவல்லிக்கேணி பெரிய தெரு பிள்ளையார் கோயிலுக்குப் போவார். அம்மாவும் கூடப் போவாள். முடித்து விட்டு, ஸ்ரீ ராகவேந்திரர் மடம், அப்படியே நடந்தால் பார்த்தசாரதி கோயில் வந்துவிடும்! கண் குளிர 'மீசை வெச்ச பெருமாள்'-ஐத் தரிசனம் செய்வார். வீடு வந்து காஃபி அருந்துபோது மணி ஆறரைதான் ஆகியிருக்கும்!

எங்களை எழுந்து கொள்ளச் சொல்லி என்றும் கட்டாயப் படுத்தியதில்லை. இருந்தாலும் பல தினங்களில் எழுந்திருந்து அவரோடு போயிருக்கிறேன்.

'மார்கழித் திங்கள்-ஐ மதி நிறைந்த நன்னாட்களாய்' மாற்றிய பெருமை என் அப்பாவிற்கு உண்டு.

பரதேசியின் டைரிக் குறிப்பு - 33

2011-12-15T10:54:00.001+05:30

நேற்று என் அப்பாவின் பதினாறாவது ஆண்டு நினைவு தினம்.

பத்து வருடங்கள் கழித்து பிறந்ததால் என்னவோ என் மீது படு பாசமாய் இருந்தார் என் அப்பா. இன்று வரை என் தம்பிக்கும், தங்கைக்கும் அதனால் என் மேல் கொஞ்சம் 'காண்டு'!

அவரை மாதிரி இருக்க முயற்சி செய்கிறேன் என்றெல்லாம் பொய் சொல்லப் போவதில்லை. அது முடியாது, நடக்காது என்பதை ஒப்புக் கொள்ளும் துணிச்சல், வெட்கம் இல்லாமல் வந்து விட்டது.

யாருக்கும் தாய் / தந்தையை அகாலத்தில் இழக்கும் துர்பாக்கியம் வரவே கூடாது. அதனால் இந்த நாளில் அப்பாவிடம் யாசிப்பது ஒன்றுதான் 'எல்லா அப்பாக்களையும், அம்மாக்களையும் அவா புள்ளைங்களோட ரொம்ப நாள் நோய் நொடி இல்லாம வாழ வைப்பா !'

'லோகா ஸமஸ்தா ஸுகினோ பவந்து' - என் அப்பாவுக்கு பிடிச்ச வரிகளைத்தான் நான் யாசிக்கிறேன். யோசிக்காமல் என் அப்பா ஆசீர்வதிப்பார்!

ரஜினி டூயட்ஸ் - VII

2011-12-15T09:55:00.000+05:30

ரஜினி டூயட்ஸ் - 19

'சோலோ' எஸ் பி பி-யாய்ப் போனாலும், இரணடு டூயட்கள் முத்துக்கள் அல்லவா? ஆனாலும், 'காதலின் தீபத்தில்' மங்கிப் போன 'என் வாழ்விலே வரும் அன்பே வா'-வுக்கே என் ஓட்டு. இளையராஜாவின் பசுமையான இசையில், ரஜினி மாதவி இணைப்பில் முதன் முதலாய் அமைந்த சூப்பர் காதல் பாட்டு....பஞ்சு சார் வரிகளில்...

ரஜினி டூயட்ஸ் - 20

இதை, இதை எப்படி மிஸ் பண்ணேன்??! பாட்டைக் கேட்பதில், பார்ப்பதில் அவ்வளவு சுகம். ரஜினி / சிலுக்கு ஐட்டம் நெம்பர் இல்லாத அற்புத டூயட். இளையராஜா இசையும், எஸ் பி பி / ஜானகியம்மா வாய்ஸும், சிலுக்கின் presence-ம் அடடா...மேல 'பேசக் கூடாது'!! ரஜினிக்கு 'அடுத்த வாரிசு' உண்டா என்ன?! அது சரி, பாட்டு எழுதினது யாருங்க?

ரஜினி டூயட்ஸ் - 21

மகேந்திரன் சார் இயக்கம், இளையராஜா இசை, ரேவதி நடிப்பு இவர்களோடு சேர்ந்த ரஜினி காந்தம்! பாட்டுக்கு என்னால எதுவுமே எழுத முடியாது...அதற்கும் அப்பால் அமைந்த அருமைப் பாட்டு...தலைவர் வாசம் வீசும் 'தாழம்பூ' பாட்டு...

-தொடரும்

ரஜினி டூயட்ஸ் - VI

2011-12-15T00:00:00.000+05:30

ரஜினி டூயட்ஸ் - 16

படத்தில் மூன்று அற்புதமான டூயட் பாடல்கள். எதைத் தொடுப்பது, எதை விடுவது? ரஜினி சார்/ராதா நடித்த, எஸ் பி பி இசையமைத்து, ஜானகி அம்மாவுடன் பாடிய மூன்று பாட்டுக்களில் நான் தெரிவு செய்யும் பாட்டு 'அடடா இதுதான் சுகமோ' பாட்டில் அமைந்த இயற்கை சூழல், கேஷுவலாய் வரும் 'துடிக்கும் கரங்கள்' ரஜினி/ராதா கூடுதல் பலம். பாட்டு எழுதியது? - சொன்னால் உதவியாய் இருக்கும்.

ரஜினி டூயட்ஸ் - 17

இந்தப் படத்திலும் மூன்று சூப்பர் ஹிட் டூயட் பாடல்கள். 'பூமாலை', 'ராத்திரியில் பூத்திருக்கும் தாமரையை' விட 'அடுக்கு மல்லிகை'தான் எனக்குப் புடிக்கிது! ஆந்திர கொடுக்காய் வரும் ரஜினி, ஆந்திர ஊறுகாவாய் சில்க்...அப்புறமென்ன மஜாதானே...இளையராஜா இசையில், எஸ் பி பி/ஜானகியம்மா குரல்களில், இளமை வாலி வரிகளில் 'தங்க மகன்' ஜ்வலிக்கும் பாடல் இதோ...!

ரஜினி டூயட்ஸ் - 18

மீண்டும் ராதா/ரஜினி! இசைஞானி இசையில், எஸ் பி பி / ஜானகியம்மா குரல்களில் மற்றுமொரு மென்மையான, அருமையான பாடல். வாலி அய்யா 'புகுந்து விளையாடியிருக்கும் பாடல் இது. ரஜினி / ராதா உடைகள், ஜோடிப் பொருத்தம் கச்சிதம். ஊட்டி/கொடை-யில் எடுக்கப்பட்ட சூழலின் ஒளிப்பதிவு உயர் தரம்.

-தொடரும்

ரஜினி டூயட்ஸ் - V

2011-12-14T05:37:00.003+05:30

ரஜினி டூயட்ஸ் - 13

ஏ வி எம் செட். எம் எஸ் வி இசை. கண்ணதாசன் பாடல். எஸ் பி பி / சுசீலாம்மா குரல்கள். இளமை சொட்டும் ஸ்ரீதேவி. 'விடிய விடிய சொல்லித் தருவேன்' என்கிறார் போக்கிரி ராஜா! கூடை அழகு பக்கத்தில் இருந்தாலும் கண்ணியமாய்க் காதல் செய்யும் ரஜினி சார், உங்களைப் பாராட்ட வார்த்தை இல்லை. என்றும் இளமை ததும்பும் பாடல்...இதற்கு மேல் என்ன சொல்ல?!

ரஜினி டூயட்ஸ் - 14

இளமை சொட்டும் ஸ்ரீதேவி. ஆனால், இந்த முறை அவுட்டோர், இளையராஜா இசை. வாலி வரிகள். எஸ் பி பி, எஸ் ஜானகி கொஞ்சும் குரல்கள். 'தனிக்காட்டு ராஜா'வாய் ஸ்ரீதேவியை ஆளும் ரஜினி சார்! இசை நம்மை தாலாட்டும், ரஜினி / ஸ்ரீதேவி நெருக்கத்தில் வீசும் 'சந்தனக் காற்று'...சூப்பர் சந்தோஷப் பாட்டு!

ரஜினி டூயட்ஸ் - 15

மென்மையா இதுவரைக்கும் பாத்த ரஜினி டூயட்ஸ் இப்போ சடார்னு லேன் மாறி 'குத்துப் பாட்டு'க்குப் போவுது...! ரஜினி சார், ராதாவோட போட்ட 'குத்து' பலருக்கும் தெரியாத பாட்டு. 'உரிமைக்குரல் எம் ஜி ஆர்' கட்டு போல 'வேட்டி கட்டி' ராதாவோட வரிந்து கட்டி தலைவர் ஆடும், வாலி அய்யா லைன்ஸ்-க்கு 'ஒரே மீனிங்'தான்!

-தொடரும்

ரஜினி, பிறந்த நாள் வாழ்த்துக்கள்!

2011-12-12T06:21:00.003+05:30

குரல் பதிவு:-)

ரஜினி, பிறந்த நாள் வாழ்த்துக்கள்! by Mis-Chief Editor

பாரதி பிறந்த நாள் - 11 திசம்பர்

2011-12-11T19:51:00.000+05:30

குரல் பதிவு:-)

பாரதி பிறந்த நாள் - 26 by Mis-Chief Editor

ரஜினி டூயட்ஸ் - IV

2011-12-11T07:05:00.004+05:30

Pic Courtesy : http://bestpicturefun.blogspot.com

ரஜினி டூயட்ஸ் - 10

காஷ்மீரப் பின்னணியில் ரஜினி பாடிய ஒரு டூயட் நமக்கெல்லாம் தெரியும். இன்னொண்ணு? அதாம்பா இது-னு சொல்லி நான் ஏமாத்த மாட்டேன்...ரஜினி / ஸ்ரீப்ரியா ஜோடி, மெல்லிசை மன்னர் இசை, கண்ணதாசன் பாட்டு, எஸ் பி பி, வாணி ஜெயராம் பாடிய பொல்லாதவன் படம், 'அதோ வாராண்டி, வாராண்டி வில்லேந்தி ஒருத்தன்'....பாடலில் காடு, மலை, நதி, ரோடு, குதிரை என எல்லாவற்றிலும் முத்திரை பதிக்கும், லெதர் ஜாகெட்/பான்ட் போட்டு அசத்தும், ரஜினி சாரைப் பார்த்துக்கொண்டே இருக்கலாம்....!

ரஜினி டூயட்ஸ் - 11

புதிதாய்க் கல்யாணம் ஆகி, தேனிலவு கொண்டாடும் தம்பதியினரை நம் முன்னே நிறுத்தும் பாடல். இசைஞானி(ஒரு மாறுதலுக்காக) / ஜானகியம்மா குரல்களில், பஞ்சு சார் எழுத்தில், கழுகு படத்தில் 'பொன் ஓவியம்' பாடல்...ரஜினி/ரதி அப்படி ஒரு ஜோடிப் பொருத்தம் பாட்டில் தெரியும்...தலைவர் முதலிரவைக் கூட 'இஷ்டைல்'-ஆ கொண்டாடுவார் போல...! அத்தனை இளமை!! பேருந்தில் எடுக்கப்பட்ட பொன் ஓவியம் எங்காத்து மாமிக்கு கூட புடிச்ச பாட்டாக்கும்...!

ரஜினி டூயட்ஸ் - 12

வரும் பாட்டுக்கு அறிமுகம் தேவைதானா? இசைஞானி, யேசுதாஸ், ஜானகியம்மா, கண்ணதாசன், ரஜினி, மேனகை என எல்லோருமே மென்மையாய் அடக்கி வாசித்தாலும், பாட்டு இன்றும் பட்டைய கெளப்புது! 'ராமனின் மோகனம்' பாட்டு, ரஜினி சார் எட்ட நின்று காதல் யாசிக்கும் பாட்டு, 'நெற்றிக்கண்' பெசல் பாட்டு!

-தொடரும்

ரஜினி டூயட்ஸ் - III

2011-12-11T04:36:00.005+05:30

Pic Courtesy: http://rkamalart.blogspot.com

ரஜினி டூயட்ஸ் - 7

இந்தப் பாட்டும் பசுமையான பாட்டுதான். ஆறிலிருந்து அறுபது வரை ரசிக்கும் பாட்டுதான். இளையராஜா / கண்ணதாசன் / எஸ் பி பி/ஜானகி இணைப்பில் ரஜினி/சங்கீதா பாடும் காதல் பாட்டுதான். செட், ஜிகினா, பள பள உடைகள் கூடிய டிப்பிகல் எஸ் பி எம் பாட்டு. ரஜினி சார் 'கொஞ்சம்' வித்யாசம் காட்டிருப்பார் இந்த பாட்டுல, என்னவா? கண்டுபிடிங்களேன்...!

ரஜினி டூயட்ஸ் - 8

ரஜினி / ஸ்ரீப்ரியா ஜோடி போட்டு நடித்த 'நதியோரம்' பாட்டு உங்களுக்குத் தெரியுமா? இசைஞானியின் மெலடிகளில் நிச்சயம் வந்து விழும் பாட்டு 'நதியோரம்'. ரஜினி 'இஷ்டைல் / டிரஸ்' எல்லாமே பிரமாதமாய் இருக்கும். கொஞ்சம் நெருக்கமாய், கதாநாயகியை இறுக்கமாய்க் கட்டிப் பிடிக்கும் பாடல்! அன்னை ஒரு ஆலயம் படத்தில், வாலி வரிகளில், நடுவே வரும் 'லு லு லு'வில் ..'நதியோரம்'...அபாரம்!

ரஜினி டூயட்ஸ் - 9

உரசினாலே இன்பம்தானே...! அதுவும் மனதிற்குப் பிடித்தவளோடு உரசுவது என்றால்? இன்பத்திற்குக் கேட்கவா வேண்டும்...தலைவர் / ரதி இருவரும் 'உரசி'கொண்ட பாடலை அவ்வளவு சீக்கிரம் மறந்து விட முடியுமா...? ஓரக்கண்ணால் பார்ப்பது, தலையைக் கோதிக்கொள்வது, ஆடுவது என எல்லாவற்றிலும் ரஜினி சாரின் மானரிசம் அதிகம் கொண்ட பாடல்! 'அன்புக்கு நான் அடிமை' படத்தில், எஸ் பி பி / சுசீலாம்மா குரல்களில், இசைஞானி இசையில், வாலி வரிகளில், 'ரஜினி சார் டூயட்டை இன்னிக்கெல்லாம் கேட்டுண்டே இருக்கலாமே?!'

-தொடரும்

ரஜினி டூயட்ஸ் - II

2011-12-10T10:01:00.005+05:30

ரஜினி டூயட்ஸ் - 4

'நேரம் வந்தாச்சு, நல்ல யோகம் வந்தாச்சு' - இல்லையா பின்னே? எம் ஜி ஆருக்கு திருப்பு முனை கொடுத்த தேவரின் பார்வை ரஜினி பக்கம் திரும்பியாச்சு...! 'தாய் மீது சத்தியம்' படத்தில், வித்தியாச ஹேர் ஸ்டைல்-ல், ரஜினி சார் பட்டிக்காட்டு உடையில் (ஆரஞ்சு வண்ணம்!), ஸ்ரீப்ரியாவுடன் பாடி ஆடும் சூப்பர் ஹிட் பாடல். பாமரருக்கும் புரியும்படியான எளிமையான வரிகளில் மா ரா பரணி எழுதியிருக்கும் பாடல். சங்கர் கணேஷ் இசையமைத்து, டி எம் எஸ் அய்யா/ சுசீலாம்மா பாடிய 'ட்ரியோ' பாடல் இதோ!

''நேரம் வந்தாச்சு, நல்ல யோகம் வந்தாச்சு' பாடலைக் கேட்க இங்கே சொடுக்கவும்.

ரஜினி டூயட்ஸ் - 5

வெளிநாட்டில் எடுக்கப்பட்ட ரஜினி டூயட் பாடல்களில் நிச்சயம் 'ப்ரியா'வுக்கு இடம் உண்டு. 'என் உயிர் நீதானே' பாடலில்', யேசுதாஸ், ஜெஸ்ஸி, பஞ்சு ஸார் வரிகள், இழையோடும் இசை ஞானியின் இசை, படமாக்கப்பட்ட சூழல் என மென்மைக்கு முதலிடம். ரஜினி நடை, உடை, பாவனை - ஆண்மை, கம்பீரம் - தெரியும். பாட்டைப் பார்த்தபின் 'என் உயிர் நீதானே' என ரஜினி சாரைப் பார்த்து நாமும் பாடத் துவங்கி விடுவோம்!

ரஜினி டூயட்ஸ் - 6

இந்தப் பாடலைக் கேட்டவுடன் எனக்கு நினைவுக்கு வந்தவர் இருவர்.... முதல்வர்....திரு மலேசியா வாசுதேவன் அவர்கள் (என்ன ஒரு ஓபனிங்!) இரண்டாமவர்...திரு ரஜினிகாந்த் அவர்கள் (மனநிலை பிறழ்ந்து, சரியான பின் நடித்த முதல் படம் இது).

திரு மலேசியா அவர்கள் பாடிய 'அருமை' வெகு ஜனப் பாடல்களின் 'மைல்கல்' பாடல்..கூட எஸ் ஜானகி...கேட்பதற்கு இனிமையோ இனிமை....! ரஜினி, ஸ்ரீதேவி கலக்கல் டூயட்ஸ்-ல் 'ஆகாய ganges'-க்கு நிச்சயம் இடமுண்டு!

-தொடரும்

ரஜினி டூயட்ஸ் - I

2011-12-10T07:20:00.006+05:30

ரஜினி சாரோட பொறந்த நாளை முன்னிட்டு...starting today, till monday...அவரோட டூயட் சாங்ஸ் பாப்போமா?!

Picture Courtesy: http://vijayart.blogspot.com

ரஜினி டூயட்ஸ் - 1

எஸ் பி பி பாடிய இந்த பாட்டு பல பேருக்கு தெரிந்திருக்க வாய்ப்பில்லை. தலைவர்-க்கு அவர் பாஷையில் சொல்லப்போனால் 'ட்ட்டர்னிங் பாய்ன்ட்' கொடுத்த படம். ரஜினி அரிதாக வேட்டி கட்டிக் கொண்டு, தூரத்தில் நாயகி இருக்க பாடும் சில பாடல்களில் முதன்மையானது. கடோசியில் ஒன்றாகக் குளித்தாலும் ரஜினி காதலில் கூட கண்ணியம் காட்டி, முதுகு மட்டும் தேய்த்து விட்டு, கன்னத்தோடு கன்னம் வைத்து, நாயகியைத் தூக்கிக்கொள்வார்! 'புவனா ஒரு கேள்விக்குறி' படத்தில், இசைஞானி இசையில், பஞ்சு ஸார் வரிகளில் வரும் 'விழியிலே கலந்தது' பாட்டு, பாருங்களேன்... உங்களுக்கு சட்டெனப் பிடித்து போகும்!

ரஜினி டூயட்ஸ் - 2

மியுசிகல் ஃபிலிம். படத்தில் பாட்டுக்கள் நெறைய இருந்தாலும் ரஜினி சாருக்கு ஒதுக்கப்பட்டது ஒண்ணு சோலோ, ஒண்ணு டூயட் - ரெண்டு பாட்டுகள் என்றாலும் 'தலைவர்' பின்னி பெடலெடுத்தார். எஸ் பி பி வாய்ஸ்ல, ரஜினி சாரோட / கீதாவோட இளம் வயசுல, கவியரசு எழுதி, மெல்லிசை மன்னர் இசையமைத்த பாட்டு 'நம்ம ஊரு சிங்காரி'யை 'நினைத்தாலே இனிக்காதா?!

பி.கு - தலைவரால நகைச்சுவை பண்ண முடியும்னு காட்டின மொத படம் இதான்!

ரஜினி டூயட்ஸ் - 3

எஸ் பி பி, எஸ் ஜானகி அவர்கள் பாடின பாட்டு இது. ரஜினி ஸார் ரொம்பவே முயற்சி எடுத்துக்கிட்டு பண்ண பாட்டுன்னும் சொல்லலாம். மூவ்மெண்ட்ஸ் ரொம்பவே வித்தியாசமா இருக்கும், ஸாரோட 'இஷ்டைல்' ரொம்பவே அதிகமா இருக்கும், அப்பப்போ ஃபரீஸ் ஆகி அப்டியே நிற்பதும் சூப்பர்! இளமை ததும்பும் ரஜினியோட நாயகி பிரமீளா. வி குமார் அவர்கள் இசையில், வாலி அய்யா எழுதிய பாடல் 'மதனோத்சவம் ரதியோடுதான்' ரொம்பவே அட்டஹாசம்.

-தொடரும்

போராளி

2011-12-05T10:47:00.000+05:30

குரல் பதிவு:-)

போராளி - என் பார்வை by Mis-Chief Editor

டர்ட்டி பிக்சர்

2011-12-04T10:16:00.003+05:30

குரல் பதிவு :-)

டர்ட்டி பிக்சர் by Mis-Chief Editor

மயக்கம் என்ன?

2011-12-02T10:51:00.006+05:30

என் பார்வை - மயக்கம் என்ன? by Mis-Chief Editor

Irish Maths Test!

2011-12-01T09:11:00.002+05:30

A Irishman wants a job, but the foreman won't hire him until he passes a little math test.

Here is your first question, the foreman said. "Without using numbers, represent the number 9."

"Without numbers?" The Irishman says? "Dat is easy." And proceeds to draw three trees.

"What's this?" the boss asks.

"Have you ain't got no brain? Tree and tree plus tree makes 9" says the Irishman.

"Fair enough," says the boss. "Here's your second question. Use the same rules, but this time the number is 99."

The Irishman stares into space for a while, then picks up the picture that he has just drawn and makes a smudge on each tree... "Ere you go."

The boss scratches his head and says, "How on earth do you get that to represent 99?"

"Each of da trees is dirty now. So, it's dirty tree, and dirty tree, plus dirty tree. Dat makes 99."

The boss is getting worried that he's going to actually have to hire this Irishman, so he says, "All right, last question. Same rules again, but represent the number 100."

The Irishman stares into space some more, then he picks up the picture again and makes a little mark at the base of each tree and says, "Ere you go. One hundred."

The boss looks at the attempt. "You must be nuts if you think that represents a hundred!"

The Irishman leans forward and points to the marks at the base of each tree and whispers, "A little dog come along and poop by each tree.
So now you got dirty tree and a turd, dirty tree and a turd, and dirty tree and a turd, which makes ONE HUNDRED!"

The Irishman is now head of Qantas!

பரதேசி டைரிக் குறிப்பு - 34

2011-11-15T06:46:00.006+05:30

மென்மைக் குரலோன் யேசுதாஸ் அவர்கள் பாடத் துவங்கி ஐம்பது ஆண்டுகள் ஆகி விட்டன. என்னால் முடிந்த காணிக்கை இது.

யேசுதாஸ் அவர்களின் குரல் தனித்துவம் வாய்ந்தது. இன்றும் இளமையுடன், பொலிவுடன் திகழ்வதற்குக் காரணம் முறையான சங்கீதப் பயிற்சி என்பதை மறக்கவும் முடியாது; மறுக்கவும் இயலாது. ஆக்ரோஷத்துடன் அவருடைய 'தர்பார்' துவங்குகிறது!

எம் எஸ் வி இசையில், யேசுதாஸ் மெல்லிய மெட்டுடன் துவங்கி, அற்புதமான கருத்துகளை எளிமைத் தமிழில் போகிற போக்கில் சொல்லி, கண்ணதாசனின் வரிகளைச் சிந்திக்கவைத்து...அம்மாடி! இன்றும் பசுமையாய் நம் நினைவில் 'தெய்வம் தந்த வீடு வீதியிருக்கு!'

இளையராஜா இசை, பாலு மகேந்திரா ஒளிப்பதிவு, யேசுதாஸ் அவர்களின் 'பொன் நிலாவே' பாட்டு - இப்படிப் பாட எஸ் பி பி வேண்டாம், என்னாலும் முடியும் என் உரக்க உரைத்த - ஆர்ப்பாட்ட மெலடி பாடல்! எழுதியது வைரமுத்து என்று நினைத்தால் ... தப்பு .. கங்கை அமரன்!

பாடல் 'ரீச்' என்றளவில், இன்றும் எல்லோராலும் ரசிக்கப்பட்டு வரும், 'அம்மா' பாடலை பாடியது அட நம்ம யேசுதாஸ் - என்றுமே 'மேன்மை குரலுக்கு' மன்னன்தானே...!

ஏ ஆர் ஆர் இசை, வைரமுத்து வரிகளில் 'பச்சைக் கிளிகள்' யேசுதாஸ் அவர்களின் அற்புதக் குரலில் எப்போது கேட்டாலும் 'ஆனந்த'ம்தானே!

கடோசி - 1

மொழியுடன் ஒன்றிப் போய், இப்படியும் பாட முடியுமா என என்னை வியக்க வைத்த பாடல். சிட்சோர் படத்தில், இயற்கையாய் அமைத்த சூழலில், ரவீந்திர ஜெயின் எழுத்தில், இசையில் யேசுதாஸ் 'என்றும் பசுமை'ப் பாடல் இதோ!

யேசுதாஸ் அவர்கள் நீடு வாழ இறைவனைப் பிரார்த்தனை செய்கிறேன்!

பரதேசியின் டைரிக் குறிப்பு - 33

2011-11-13T09:06:00.005+05:30

டி ஆர் காதல் சோகப் பாடல்களைப் பற்றி....

காதலின் சோகத்தை இப்படியும் சொல்ல முடியுமா? தோல்வியை இப்படியும் விவரிக்க இயலுமா? அதுவும் முதல் படத்தில்? எஸ் பி பி அவர்களின் குரல் அழுத்தத்தில் 'குழந்தை பாடும் தாலாட்டு' ; 'இரக்கமில்லா பெண்ணை எண்ணி உலகை நான் வெறுக்கிறேன்' - காதலுக்குப் பொருத்தமான வரி எழுதிய டி ஆர், இன்று தொலைந்து போனது ரொம்பவே அநியாயம்.

'சாந்தி' என்கிற வார்த்தையை வைத்து பல விதமாய் அர்த்தம் வரும்படி எழுத முடியுமா...? டி எம் எஸ் அவர்கள் குரலில் 'அமைதிக்கு மறு பெயர் சாந்தி' என்கிற டி ஆர் வரிகள் 'காதலின் ஆழத்தையும், அர்த்தத்தையும், தோல்வியையும்' சொல்லுவது நெறைய பேருக்குத் தெரிந்திருக்காது.

டி ஆர் அவர்களின் பலம் பாடகர்களைத் தெரிவு செய்வது. 'வைகைக் கரை காற்றே நில்லு' பாடலுக்கு யேசுதாஸ் அவர்களின் குரல் கனப் பொருத்தம். 'காற்றே பூங்காற்றே, என் கண்மணி அவளைக் கண்டால் நீயும்' வரிகளில் இசையும், குரலும் இழையோடும் அற்புதம், 'காதலில் வாழ்ந்த கன்னி மனம், காவலின் வாடையில் கன்னி விடும்' எனும்போது நம் மனதை என்னென்னவோ செய்கிறது.

'பூக்களைத்தான் பறிக்காதீங்க, காதலைத்தான் முறிக்காதீங்க' என அறவுரையுடன் துவங்கும் பாடல் 'மனசுக்குள் காதலை வெச்சான், மனுசந்தான் அதனை பிரிச்சான்' எனத் தெளிவாகச் சொல்லும் 'சங்கர் கணேஷ்' பாடும் பாடல் இதோ...

'பொன்னான மனசே...பூவான மனசே...வெக்காத பொண்ணு மேல ஆசை...' எனத் துவங்கும் காதல் சோகப் பாடலில் முழுக்க முழுக்க யதார்த்தம். 'காதல் என் காதல், அது காதல் இல்ல' என மயக்கம் என்ன படத்தில் வரும் பாடலுக்கு வித்து இந்தப் பாடல் எனத் 'தெகிரியமாய்'ச் சொல்லலாம். டி ஆர் பாடியிருப்பது அழகு...மெல்லிய சோகத்தில் 'அன்று கையதானே கழுவு என்றாள், இன்று காதல் இல்லை அழுவு என்றாள்' எனப் பாடும்போது நமக்கும் வலிக்கத்தான் செய்கிறது.

என்றும் கமல்!

2011-11-07T08:58:00.005+05:30

இளமை ததும்பும் பாடலோடு கமலின் பிறந்த நாளைத் துவங்குவோம்.

ராங் நம்பரைக்கூட கனெக்ட் /'கணக்' பண்ணும் வாய்ப்பு, கமலைத் தவிர யாருக்குக் கிடைக்கும்? மன்மத லீலையைத் துவக்கி, மன்மத அம்புடன் இன்றும் தொடரும் ஹாசன் நீடு வாழ, பிறந்த நாள் வாழ்த்துக்கள்...

பெண்ணைப் பெற்ற எந்த அப்பனுக்கும் வரக்கூடாத கொடுமை இது....கமல் ஸார் அவர்களின் நடிப்பு 'மகாநதி' போல வெளிப்படும் இந்தக் காட்சி...பிறந்த நாள் காணிக்கை...!

கமல் என்கிற நாயகனின குறிப்பிடத்தக்க பரிமாணம் 'நகைச்சுவை'. இன்றும் மனதில் நிற்கும் 'மைக்கேல்...' படத்தில் கமல்/ஊர்வசி/நாகேஷ்/டெல்லி கணேஷ்/லக்ஷ்மிம்மா நடத்தும் 'முதல் இரவு' அட்டஹாஸ்யம்...ஹாசனின் பிறந்த நாள் அன்று உங்களுக்கு!

கடோசியா நம்ம 'சப்பக்/பச்சக்' பெசல் இல்லேன்னா எப்படி??! வந்துக்கிட்டே இருக்கு...காதல் நாயகன் கமலுக்கு 'ரதி' கிடைத்து விட்டால்...விடுவாரா என்ன??! 'பேரின்பமே நீதானம்மா, அதை நீ என்னிடம் தந்தால் என்ன?' என ஒட்டிக்கொண்டு விடவே மாட்டாரே?!

நம்மை பலவகையில் மகிழ்விக்கும் கமல்ஜி அவர்களுக்கு இனிய பிறந்த நாள் வாழ்த்துக்கள்...!

பரதேசியின் டைரிக் குறிப்பு - 32

2011-11-05T05:58:00.021+05:30

பத்மராஜன் என்பவரைப் பற்றி இன்றைய இளைஞர்களுக்கு தெரிய அதிகம் வாய்ப்பில்லை. ஆனால், அன்றைய இளைஞர்களுக்கு இப்படித்தான் தெரியும்!

இவர் திரைக்கதை எழுதிய ஐ.வி. சசி இயக்கிய இதா இவிடே வரு,வாடகைக்கு ஒரு இதயம், பரதன் இயக்கத்தில் உருவான ரதி நிர்வேதம், மற்றும் சத்திரத்தில் ஒரு ராத்திரி, தகரா, போன்ற படங்கள் மலையாள கவர்ச்சிபடங்களாக வெளியாகி தமிழகத்தில் வெற்றிகரமாக ஒடின. ஆனால் அந்தப் படங்களைக் காண வந்தவர்களில் எத்தனை பேர் அதை இயக்கியவர் பரதன் எழுதியவர் பத்மராஜன் என்று தெரிந்திருப்பார்கள். படம் பார்க்க வந்தவர்களின் நோக்கம் வேறு இல்லையா?

பத்மராஜன், பரதன் மீது படிந்துள்ள இந்தக் கவர்ச்சி படிமம் அவர்களாலே விரும்பி உண்டாக்கி கொண்டவை. அதன்முன்பு வரை மெலோடிராமா மட்டுமே சினிமா என்று நம்பி வந்த மக்களை தன் பக்கம் கவனம் கொள்ள செய்ய வேண்டும் என்பதற்காகவே இது போன்ற பாலியல் சார்ந்த படங்களை உருவாக்கினார்கள் என்று என் மலையாள நண்பர்கள் சொல்கிறார்கள். இந்த படங்களின் வருகை மலையாள சினிமாவை அதிர்ச்சிக்கு உள்ளாக்கியது நிஜமே.

என்று துவங்கிய திரு எஸ் ராமகிருஷ்ணன் அடுத்த பத்தியில் பத்மராஜனை அடையாளம் காட்டி விடுகிறார்.

ஆனால் இவை மட்டுமே பரதன் பத்மராஜனின் அடையாளங்கள் இல்லை. அவர்கள் இருவருமே சிறந்த இயக்குனர்களாக பல முக்கிய படங்களை உருவாக்கியிருக்கிறார்கள். அது போலவே பத்மராஜனின் முக்கிய திரைக்கதைகளை சிறப்பாக படமாக்கியது பரதனே.அவர்கள் கூட்டணி மலையாள சினிமாவில் புதிய அலையை உருவாக்கியது.

பத்மராஜன் சிறந்த எழுத்தாளர். சாஹித்ய அகாடெமி விருது பெற்றவர். திருச்சூர் வானொலி நிலையத்தில் பணி புரிந்தவர். சினிமாவின் மீது கொண்ட தீராக் காதலின் விளைவாய், பணியிலிருந்து விலகி, திரைக்கதை ஆசிரியராய் அறிமுகமாகி, இயக்குனராய் தன்னை உயர்த்திக்கொண்டு மலையாள சினிமாவை புரட்டிப் போட்டவர். புதிய கோண இயக்குனர்களான சிபி மலையில், பரதன், சத்யன் அந்திக்காடு, லோஹிதா தாஸ் போன்றோருக்கு முன்னோடி. நாற்பதுகளில் பத்மராஜன் மறைந்தது மலையாள சினிமாவின் துரதிர்ஷ்டம்.

பத்மராஜன் இயக்கத்தில் பெரிதும் பேசப்பட்ட படங்களில் ஒன்று 'மூன்னாம் பக்கம்' (மூன்றாவது நாள்). திலகன், ஜெயராம், சோமன் நடித்து, இசைஞானி அவர்கள் இசையில் 1988-ல் வெளிவந்து, காமர்ஷியலாயும் வெற்றி பெற்ற படம்.

படத்தைப் பற்றி விரிவாய் எழுதுவதாய் திரு ஜி ஆர் ஷங்கர் உறுதி அளித்திருப்பதால் மூன்று விசேஷங்களைப் பற்றி மட்டும்..

இசைஞானி - பாயசத்தின் முந்திரி, திராக்ஷை, ஏலக்காய் போல இசைஞானி அவர்களின் இசை படம் முழுவதும் சுவையாய் இருக்கிறது. சந்தோசம், சோகம், ஏக்கம், பரிதவிப்பு, பதைபபு, நகைச்சுவை, களியாட்டம் என மாஸ்ட்ரோ இசை / பின்னணி இசையில் புகுந்து விளையாடியிருக்கிறார். சாம்பிள் பாட்டு இதோ

திலகன் - திலகனை 'சத்ரியன்' அரசியல்வாதியாய், 'சாணக்யன்' முதல் அமைச்சராய் மட்டுமே தமிழ் சினிமா அறிந்திருக்கும். முதியவராய் அறிமுகமாகி, மகன் இழந்த சோகத்தை மறைத்துக்கொண்டு, பேரன் மேல் பாசத்தைப் பொழிந்து, அவன் நண்பர்களுடன் சகஜமாய் உரையாடி, இழப்பை ஏற்றுக்கொண்டு / கொள்ள முடியாமல் தத்தளித்து...திலகன் நடிப்பு அமர்க்களம் / அசத்தல்.

பத்மராஜன் - கதை / திரைக்கதை-ல் எவ்வித சமரசமும் செய்து கொள்ளாது இயக்கி இருப்பது பேரும் பலம். இறுதி அரை மணியில் சோகம் கப்பிக் கிடந்தாலும் நம்மால் திலகன் குடும்பத்தின் துக்கத்தை உணர முடிகிறது. 'பலிச்சோறு' கொடுக்கும் கடோசிக் காட்சி 'சொடேர்' என நம்மை அறைந்து, உறைய வைக்கிறது.

'மூன்னாம் பக்கம்' தென்றலாய் தாலாட்டும், புயலாய் புரட்டி எடுக்கும், பாசத்தை உணர்ந்த / இழப்பை அனுபவித்த ஒவ்வொருவருக்கும் எளிதாய் இணைத்துக் கொள்ளவும் முடியும்.

படத்தைப் பார்ப்பதற்கு இங்கே சொடுக்கவும்.

இவர்கள் இல்லாமல் என்னால் இதை எழுதி இருக்க முடியாது....

திரு ஜி ஆர் ஷங்கர் - பத்மராஜனை அறிமுகப்படுத்தியதற்கு

திரு எஸ் ராமகிருஷ்ணன் - பத்மராஜனைப் பற்றிய சுவாரஸ்யப் பதிவிற்கு

விக்கி - பத்மராஜன், மூன்னாம் பக்கம் பற்றிய விவரங்களுக்கு

பரதேசி டைரிக் குறிப்பு - 31

2011-11-04T08:57:00.004+05:30

இன்று பலரும் ஏளனமாய்ப் பார்க்கும் டி ஆர், 'அன்று' தேர்ந்த இசையமைப்பாளர், பாடலாசிரியர், பாடகர் என்பது எத்துணை பேருக்குத் தெரியும்....? அவரும், பாலு சாரும் சேர்ந்தால்...நிச்சயம் 'ஹிட்'தான்...!

'வாசமில்லா மலரிது' என்று துவங்கும் டி ஆர் / பாலு கூட்டணி என்றும் பசுமை / இளமை / இனிமை. பாலு 'அடக்கி' வாசித்த பாடல் என்று வைத்துக்கொண்டாலும், டி ஆரின் இசை / வரிகள் நம்மை ஈர்த்து, ('மாதங்களை எண்ண பனிரெண்டு வரலாம், உனக்கேன் ஆசை மேலொன்று கூட்ட?' ) , 'ஒன்ஸ் மோர்' கேட்கத் தூண்டும்...!

இரவில் விளக்கணைத்து, கேட்கக் கூடிய பாடல்களில் நிச்சயம் இந்தப் பாடல் உண்டு. 'மூங்கிலிலே பாட்டிசைக்கும் காற்றலையை தூது விட்டேன்' என்று எழுதியவனின் ரசனை எத்துணை உயர் ரகமாய் இருந்திருக்க வேண்டும்? இதை பாலுவிடம் கொடுத்தால்? 'பின்னி பெடல்' எடுத்து விட மாட்டாரா? கேளுங்கள்...இரவில் விளக்கணைத்து, முடிந்தவர்கள் உங்கள் மனதிற்கு இனியவரையும் அணைத்துக்கொண்டு கேளுங்கள்...

டி ஆர் / பாலு 'அதகளம்' செய்த பாடல் இது. துள்ளல் இசைக்கு ஈடு கொடுக்கும் வகையில் பாலு பாடியிருப்பதை வரிகளில் எழுதிவிட முடியுமா? பாட்டைக் கேட்கக் கேட்க, பார்க்கப் பார்க்க, நம்மை அறியாமல் மனது லேசாவதை உணர முடியும்...ஜானகியம்மா, சரிதா added advantage...

'தக்கத் தகதிமி' என்று பாட்டு நடுவில் வந்தாலே 'கிளாசிக்கல்'பாட்டுப்பா!' என எண்ணும் சாதாரண மனித ரகம் நான். 'சலங்கையிட்டாள் ஒரு மாது' பாடலில் பெண்ணை மிக அழகாக வர்ணித்து எழுதியதை, பாலு தமக்கே உரிய கம்பீரத்தோடு பாடியதை மறக்க முடியுமா...பாடல் வரிக்கு ஏற்றார்போல அறிமுக நாயகி 'அமலா' நாட்டியம் ஆடியதைத்தான் மறக்க முடியுமா? பிடியுங்கள், 'கிளாசிக்கல் சாங்' டி ஆர் / பாலு கூட்டணியில்...!

ஏழாம் அறிவு - 2

2011-10-28T06:57:00.013+05:30

ஏழாம் அறிவு 'போதிதர்மன்' அறிமுகத்தோடு துவங்குகிறது.

முதல் அரை மணியில், 1600௦ ஆண்டுகள் பின்னோக்கிப் போய் 'போதி வர்மன்' சரித்திரம் முழுவதுமாய் எழுதப்படுகிறது. பல்லவ சாம்ராஜ்யம், சீனப் பயணம், மக்கள் மனதில் இடம் பிடித்தல், மருத்துவம், களரி என சீனத்தில் போதி வர்மனின் சாம்ராஜ்யம் விரிவடைவதை விஸ்தாரமாக பின்னணிக் குரலோடு காட்டப்படுகிறது. படம்தான் பார்க்கிறோமா, இல்லை நியூஸ் ரீலா என்கிற அளவிற்கு உச்சரிப்பு. முழுவதுமாய், போதி வர்மன் மறைவு வரை படம் பிடித்துவிட்டு நிகழ் காலத்துக்குத் திரும்பி, இன்றைய தமிழ் சமுதாயத்திற்கு ஆவேசக் கேள்வி தொடுக்கப்படுகிறது 'உங்களுக்கு போதி வர்மன் தெரியுமா?' youngisthan 'தொங்கிஸ்தான்' ஆகி 'தெரியாதுப்பா' என்கிறது!

இந்தியா வளர்ச்சி பிடிக்காத சீனா 'டாங் லீ' என்கிற நாசகாரனின் தலைமையில், இந்தியாவை அழிக்க 'ஆபரேஷன் ரெட்' என்கிற போர்வையில் அனுப்புகிறது. டாங் லீ-க்கு கொடுக்கப்பட்ட வேலை ஒரு இளம் ஆராய்ச்சியாளினி-ஐ அழித்துவிட்டு, இந்தியாவை 'நோய்'லிட்டு, சீனா-விடம் கையேந்த வைப்பதுதான்! டாங் லீ லேசுப்பட்டவனில்லை என்பதை ஐந்து நிமிடங்களில் காட்டி விடுகிறார் இயக்குனர். டாங் லீ இந்தியாவை அழித்தானா, ஆராய்ச்சியாளினி-ஐக் கொன்றானா, போதி வர்மரின் மிச்ச வம்சத்தைக் களைந்தானா என்பதுதான் கதை.

கதைக்குள் Genetic Engineering, hypnotising, mind reading / controlling என்கிற concept-கள் அற்புதமாய்ப் பொருந்துகின்றன. ஆனால், இயக்குனருக்கு ஏற்பட்ட சிறு குழப்பத்தில், மெய்ன் கதைக்கு வருவதற்குள் இடைவேளை மணி அடித்து விடுகிறார்கள்.

போதி வர்மனாய் மிளிர்கிற சூர்யா, அர்விந்தனாய் வரும்போது 'பாத்திரப் படைப்பின்' காரணமாய் ரசிக்க முடியவில்லை. சராசரி நாயகன் போல காதல் வசப்படுவதும், பின்னாடியே போவதும், ஜோராய் கடலில் நனைந்து டூயட் பாடுவதும், காதல் இல்லை என்றவுடன், 'லேஸ் சிப்ஸ் பாக்கெட்' கிடைக்காத குழந்தை அழுவது போல சாந்தமாய், ஒரு ஓரமாய் நின்று 'சோக'ப் பாட்டு பாடுவதும் ரொம்பவே தாங்கல! படம் நெடுக வில்லனுக்கும், நாயகிக்கும் ஃபுல் ஸ்கோப்பு கொடுத்துவிட்டு, இறுதிக்காட்சியில் 'slog overs' ஆட்டம் ஆடியிருக்கிறார்.

ஸ்ருதி ஹாசன் நாயகி. சும்மா சொல்லக்கூடாது 'செம வெய்ட்' அறிவியல் ஆராய்ச்சியாளினி பாத்திரத்தை வாரிசு நாயகி எதார்த்தமாய்ச் செய்துவிட்டுப் போவது புதுசு. தமிழ் சினிமா நாயகிகளை 'கொஞ்ச நாளாய்' உள்ளுக்குள்ளும் 'அதிகம்' வைத்து (அதாம்பா, தலைக்குள் இருக்கறதைச் சொன்னேன்!) உலாவ விடுவதில் மகிழ்ச்சி. கமல் ஸார் பொண்ணு சரி, அதுக்காக அவரை மாதிரியே 'அதிகம்' பேசணுமா?! அந்தக் காலத்துல அப்பா பாம்பே / ஆந்திர போயிட்டு, அப்பாலிகா தமிழ்-ல செட்டில் ஆனாப்போல, அம்மணியும் இந்தி/தெலுகு பருப்பு வேகாமல் தமிழுக்குத் தவ்வி இருக்கிறது. தமிழ், ஹாசனிடம் கொஞ்சம் தள்ளாடுகிறது! தமிழை 'இம்மாதிரி உச்சரிப்பவர்களிடமிருந்து' யார் காப்பற்றுவார்கள் அய்யா?

ஸ்டண்ட் இயக்குனர், நடிகர் Johnny Tri Nguyen கண்கள், நடை, பாடி லாங்குவேஜ் என ஆரம்பமே அசத்தல். சீனர்களுக்கே உரித்தான சிறிய கண்களாயிருந்தாலும், மனிதரின் பார்வை ஊடுருவி பயம் கொள்ள வைக்கிறது. இடைவேளைக்குப் பின் இவரது ராஜ்யம்தான். நாயகனைப் பின்னோக்கி, பயப்படுத்தும் பாத்திரத்தில் ஜமாய்த்திருக்கிறார். இறுதிக்காட்சிகளில் சூர்யாவுடன் மோதும்போது பொறி பறக்கிறது.

ஹாரிஸ் ஜெயராஜ் அவர்களின் பாட்டுக்கள் படத்திலிருந்து ஒட்டாமல் 'தனித்து' இருப்பது மற்றுமொரு பலவீனம். பின்னணி இசை, ஸாரி, அது பற்றிய பேச்சே வேண்டாம்! வில்லனுக்குக் கொடுக்கப்பட்ட BGM-ஐக் கேட்கும்போது 'ச்சே', காதலன் படத்தில் ரகுவரன் எட்டிப் பார்க்கும்போதெல்லாம் ரெஹ்மான் எப்படிக் கொடுத்திருப்பார்?!

எடிட்டிங், ஒளிப்பதிவு, ஸ்டண்ட் என எல்லாம் 'ஒரு படி' மேல்தான். வித்தியாசமான சண்டை காட்சிகள், எடுக்கப்பட்ட விதம், தொடுக்கப்பட்ட விதம் என அனைத்திலும் நேர்த்தி.

பாத்திரப் படைப்புகள், கதைக் களம் நன்றாயிருந்தாலும் படம் பார்த்துவிட்டு வெளியே வரும்போது அவ்வளவு திருப்தியாயில்லை. தனது இரண்டாவது படத்திலேயே 'gun-காந்த்'-ஐ 'cum-காந்த்' ஆக்கியவர், பாழாய்ப் போன கமர்ஷியல் சினிமாச் சூழலில் சிக்கி, கதையிலிருந்து பிறழ்ந்து, காதல், பாட்டு எனத் தடுமாறிப் போனது ஏனோ? கடைசி வரை நாயகிக்கு நாயகன் மேல் காதலா என இயக்குனருக்கும் புரியவில்லை, நமக்கும்!

தமிழ் நாட்டில் இருப்பவர்க்கு 'போதி தர்மனும் தெரியவில்லை, 'அண்ணா பல்கலைக்கழகம்' ஐம்பது ஏக்கர் பரப்பளவும் தெரியவில்லை' - படத்தில் வரும் வசனங்கள் இவை! போதிய அங்கீகாரம் கிடைக்கவில்லையே தமிழுக்கு என்கிற ஆதங்கம் சரி, ஆனால் இதையே தெலுகுவில் டப்பிங் செய்து வெளியிடும்போது...?!! இந்த உண்மையை மக்கள் புரிந்து கொள்வார்கள் என்பதைக் கூடவா மறந்து விட்டார்கள்?

கதைக் களம் அருமை (ஈ என்கிற படம் இதையே நேர்க்கோட்டில் சொல்லும்!), நடிகர்கள் தேர்வு அருமை, technical crew அருமை, தயாரிப்பாளர் அருமை...இவ்வளவு இருந்தும் படம் கொஞ்சம் சுமார்தான்! எக்கச்சக்க எதிர்பார்ப்பில் வெளியாகி இருக்கும் 'ஏழாம் அறிவு' இதனாலேயே 'பெட்டிக்குள்' உடனே பதுங்கி விடும் அபாயமிருக்கிறது.

கடோசி - 1

கதையைக் கமர்ஷியல் நோக்கோடு கொண்டு போவதில் 'ஷங்கர்' தான் பெரீய ஆள் என்பது மீண்டும் நிரூபணம் ஆகி இருக்கிறது. இந்த ரேஸில் 'கே வி ஆனந்த்' பாஸாவதும் 'நோட் டவுன் யுவர் ஹானர்!'

கடோசி - 2

தீபாவளிக்கு வரும் படங்கள் சில சமயம் 'கில்லி' அடிப்பதும்...சில சமயம் 'கிலி' தருவதும் சகஜம். கமலுக்கு ஒரு 'ஆளவந்தான்' போல சூர்யாவுக்கு 'ஏழாம் அறிவு' ? ஒரே சுவாரஸ்யம் இரண்டிலும் கமலின் 'பங்கு' உண்டு என்பதுதான்!

கடோசி - 3

'ஏழாம் அறிவு சுமாரா இருக்கப்போய், மக்கள் வேலாயுதத்தை ஹிட்-ஆக்கிடுவாங்க பாரேன்' என்றான் என் தம்பி...தீர்க்கதரிசிடா நீ!

ஏழாம் அறிவு - 1

2011-10-27T11:50:00.005+05:30

பிடித்த மூன்று
-நாயகன், நாயகி, வில்லன் மூவரையும் சமமாய்ப் படைத்திருப்பது
-போதிவர்மன் என்கிற சரித்திரத்தை நமக்கு அறிமுகப்படுத்தியிருப்பது
-இறுதி சண்டைக் காட்சி

'நன்றாய் இருந்திருக்கலாமே' மூன்று
-செருகப்பட்ட பாடல்கள் (ரமணா-வில் செய்ததைச் செய்யாமல் போனது)
-முதல் அரை மணிக்குப் பின்னால் யூகிக்கக் கூடிய திரைக் கதை
-கமர்ஷியல் / முயற்சி சினிமா இரண்டையும் முடிச்சு போட யத்தனத்திருப்பது

விரிவான 'அறிவு' தொடரும்...!

பரதேசி டைரிக் குறிப்பு - 30

2011-10-24T02:00:00.018+05:30

பதிவிற்கான வித்து எதில் துவங்குகிறது? எது நம்மை எழுதத் தூண்டுகிறது? அபத்தங்களைப் படித்து வாய்விட்டு சிரித்தேன். உதாரணம் : “நட்பைக் கூட கற்பைப் போல எண்ணுவேன் - வாலி”என்கிற வரிகளில் முரண்பட்டதால் இந்தப் பதிவு...

எடுத்துக்கொண்டிருக்கிற தலைப்பை விவரிக்க, விவாதிக்கக் கூடிய அளவிற்கு எனக்கு பக்குவம் போதாது. குச்சிகளைச் சேகரித்து கூடு கட்டும் குருவி போல, பல பேரறிஞர்களின் பார்வைகளை இங்கு உலவ விட்டு, உங்களைச் சிந்திக்க செய்வதே என் நோக்கம். இதனால் கட்டுரை போன்று அமைந்து விடக்கூடிய அபாயம் உண்டு. அதனால், முடிந்த வரை படிக்கும்படி தரும் ஒரு முயற்சியும் கூட உண்டு.

விக்கி பார்வையில்...

கற்பு என்பது ஒரு திருமணம் ஆன பெண் அவளது கணவனைத் தவிர வேறு யாருடனும் உடலுறவு கொள்ளாத நிலையைக் குறிக்கும்.

தமிழ் இலக்கியத்திலும் சூழலில் கற்பு வலியுறுத்தப்படுகிறது. மணவிலக்கு மறுமணம், விதவை மணம், திருமணத்துக்கு முன் அல்லது அப்பாலான பாலியல் நடத்தைகள் போன்ற சமூக கூறுகள் கற்பு என்பதை கேள்விக்குட்படுத்தியிருக்கின்றன.

திருவள்ளுவர் பார்வையில்...

திருவள்ளுவர் பெண்களுக்கு வரையறுக்கப்பட்ட கற்புக்கோட்டைப் பதிவு செய்துள்ளார். குடும்பத்தில் இல்லத்தில் உள்ள பெண்களுக்கு மரபுகளை வலியுறுத்தி உள்ளதைக் குறள்வழிக் காண முடிகிறது. திருவள்ளுவர் காட்டும் பெண்மை மரபைப் பின்பற்றும் பெண்மையாகவே அமைந்துள்ளது.

வள்ளுவர் மட்டும்தான் கற்பு என்பது பெண்களுக்கானது மட்டும்தான். கற்புடைய பெண்கள் கடவுளுக்கு நிகரானவர்கள் என்று கூறியிருக்கிறார்.

பெண்ணிற் பெருந்தக்க யாவுள கற்பென்னும்

திண்மை யுண்டாகப் பெறின் ---(குறள் 54 )

இல்வாழ்வில் கற்பு என்னும் உறுதிநிலை இருக்கப் பெற்றால் அம் மனைவியை விட வேறு செல்வம் கிடையாது.

தற்காத்துத் தற்கொண்டாற் பேணித் தகைசான்ற

சொற்காத்துச் சோர்விலாள் பெண் - - - (குறள் 56)

கற்புநெறியில் தன்னையும் காத்துக் கொண்டு, தன் கணவனையும் காப்பாற்றித் தகுதியமைந்த புகழையும் காத்து, உறுதி தளராமல் வாழ்கின்றவளே பெண்.

தெய்வம் தொழாஅள் கொழுநன் தொழுதெழுவாள்

பெய்யெனப் பெய்யும் மழை - - - (குறள் 55)

கடவுளை வழிபடாது கணவனைத் தொழும் பெண் பெய் எனக் கூறின் மழை பெய்யும் என்பது கற்பு பற்றிய நடைமுறை விளக்கம்.

இதைப் பற்றிய ஈ வெ ரா அவர்களுடைய கருத்து

குறளில் வாழ்க்கைத் துணை நலத்தைப் பற்றிச் சொல்ல வந்த அத்தியாயத்திலும், பெண்வழிச் சேரல் என்பதைப் பற்றிச் சொல்ல வந்த அத்தியாயத்திலும், மற்றும் சில தனி இடங்களிலும் பெண்கள் விஷயத்தில் மிக்க அடிமைத் தன்மையும், தாழ்ந்த தன்மையையும் புகுத்தப்பட்டிருப்பதாகவே எண்ணக்கிடக்கின்றன. தெய்வத்தைத் தொழாமல் கொழுநனாகிய தன் தலைவனைத் தொழுகின்றவள் மழையைப் பெய் என்றால் பெய்யும் என்றும், "தன்னைக் கொண்டவன்" என்றும் இம்மாதிரியான பல அடிமைக்குகந்த கருத்துக்கள் கொண்ட வாசகங்கள் காணப்படுகின்றன. இவ்விஷயத்தில் மாறுபட்ட அபிப்பிராயம் கொள்ளுவோர் மேற்கண்ட இரண்டு அத்தியாயங்களையும் 20 குறளையும் உரைகளைக் கவனியாமல் மூலத்தை மாத்திரம் கவனிக்கும்படி வேண்டுகிறேன். அப்படிப்பார்த்த பிறகு இந்த இரண்டு அதிகாரங்களும் அதாவது, "வாழ்க்கைத் துணைநலம்" அதிகாரமும், "பெண்வழிச் சேரல்" அதிகாரமும் குற்றமற்றது என்பதாக யார் வந்து எவ்வளவு தூரம் வாதிப்பதானாலும் கடைசியாக, திருவள்ளுவர் ஒரு ஆணாயில்லாமல் பெண்ணாயிருந்து இக்குறளை எழுதியிருப்பாரானால் இம்மாதிரிக் கருத்துக்களைக் காட்டியிருப்பாரா? என்பதையாவது கவனிக்கும்படி வேண்டிக் கொள்ளுகிறேன்.

பாரதி பார்வையில்...

“கற்பென்று சொல்ல வந்தார் இரு

கட்சிக்கும் அஃதைப் பொதுவில் வைப்போம்"

என்றார் புரட்சிக் கவிஞர் பாரதி.

கற்பு என்பது பெண்ணுக்கானது மட்டுமல்ல. மாறாக, இருவருக்குமானதுதான் என்பது பாரதியின் வாதம். பாரதி,

ஈ வெ ரா இருவருமே ஆண், பெண் என்ற இரு இனத்தவருக்குமே சமமான நீதியைப் போதிக்கின்றனர்.

இதைப் பற்றிய ஈ வெ ரா அவர்களுடைய கருத்து

உண்மையாகப் பெண் விடுதலை வேண்டுமானால், ஒரு பிறப்புக்கொரு நீதி வழங்கும் நிர்ப்பந்தக் கற்பு முறை ஒழிந்து, இருபிறப்பிற்கும் சமமான சுயேச்சைக் கற்பு முறை ஏற்பட வேண்டும். கற்புக்காகப் பிரியமற்ற இடத்தைக் கட்டி அழுதுகொண்டிருக்கச் செய்யும்படியான நிர்ப்பந்தக் கல்யாணங்கள் ஒழிய வேண்டும். கற்புக்காக புருஷனின் மிருகச் செயலைப் பொறுத்துக் கொண்டிருக்க வேண்டும் என்கின்ற கொடுமையான மதங்கள் சட்டங்கள் மாயவேண்டும். கற்புக்காக மனத்துள் தோன்றும் உண்மை அன்பை, காதலை மறைத்துக் கொண்டு காதலும், அன்பும் இல்லாதவனுடன் இருக்க வேண்டும் என்கின்ற சமூகக் கொடுமையும் அழிய வேண்டும்.

எடுத்துக்கொண்ட தலைப்பு எனை 'மூச்சு' வாங்க வைத்ததில், கொஞ்சம் ஆசுவாசப் படுத்திக்கொண்டு பின்னால் தொடர்கிறேன்...!

ஒரு முக்கியமான 'கடோசி' குறிப்பு...

அவ்வையார் பார்வையில்...

“கற்பெனப் படுவது சொற்றிறம்பாமை’ என்றார் அவ்வையார். அவ்வையார் கற்பு என்று நாம் கருதிக்கொண்டிருக்கும் கருத்தையே விடுத்து கற்பு என்பதற்குப் புதிதான பொருளையே தருகிறார். கற்பு என்பது வாக்கு தவறாமை; சொன்ன சொல்லை மாற்றிப் பேசாமை என்று விளக்கம் கொடுக்கிறார்.

இது எனக்கு ஆச்சர்யம் தான்...எனக்குத் தெரியாத அவ்வை மூதாட்டியின் வரிகள் இவை. ஆழமான வரிகளும் கூட. கவிஞர் வாலி அவர்கள் எழுதியதை அவ்வையாரின் பார்வையில் பார்க்கும்போது பொருந்தக்கூடியதாயும், ஏற்புடையதாயும் உள்ளன.

ஆக, போகிற போக்கில், பொத்தாம் பொதுவாய் எதையும் சொல்லிவிட்டு போவது ஆழ்ந்த அறிவாளர்களுக்கு அழகல்ல. எது அபத்தம்? வரியா, எழுதியவரா, பொருளா, நட்பா, கற்பா, எண்ணுதலா இல்லை இருபது வருடங்களா? எழுதியவருக்கும், பின்னூட்டம் போட்டவருக்கு இவைகளை விவாதிக்க இயலாது...'கற்பு என்றால் என்ன?' பற்றிய கேள்விக் கணை மட்டுமே என் முன் தொடுக்க முடிந்தது வருந்தத்தக்க விஷயம்.

இப்படி ஒரு பதிவை எழுதும் துணிவைத் தந்த இவர்களுக்கு என் சிரந்தாழ்ந்த நன்றி...

நான் தமிழன் முகப்புத்தகம் - வள்ளுவரின் பெண்மையும் இக்காலப் பெண்ணியப் பார்வையும். . .

தமிழ் ஓவியா வலைப்பூ - பெரியார் பார்வையில் கற்பு

திரு பெ சக்திவேல் அவர்கள், உதவிப் பேராசிரியர், ஸ்ரீ சங்கரா கலை மற்றும் அறிவியல் கல்லூரி, காஞ்சிபுரம் - தற்காலப் பார்வையில் திருக்குறள்

பரதேசி டைரிக் குறிப்பு - 29

2011-10-21T21:47:00.001+05:30

ஆச்சி...வீக் எண்ட் வந்தாச்சி...சூப்பர் ஸாங்-கோட தொடங்குவோமே... பாட்டோட பெரீய பிளஸ் பாய்ன்ட் அனுஷ்காவோட உயரத்தை சூர்யா சாரோட உயரத்துக்கு மாட்ச் பண்ணதுதான்...இதேல்லாம் பாக்காம , அனுஷ்காவை மட்டும் பாத்துபோட்டு உங்க இதய துடிப்பு 'லப் டப்'னு எகிறிகிச்சின்னா நான் பொறுப்பில்லை...:-)

இந்தப் பாட்டை நம்ம 'வாலி' ஸார்தான் எழுதிருக்கார்னு ரொம்ப நாளா நெனச்சிக்கிட்டு இருந்தேன்... அப்புறம்தான் தெரிஞ்சிது நம்ம தம்பி பா விஜய் தான் எழுதிருக்குதுன்னு... அடடா...என்ன லைன்ஸ்...லிரிக்ஸ் அப்டியே மீசிக்கோட நம்மள எங்கியோ கொண்டு போவுது...இந்தப் பாட்டுக்காகவே நம்ம விஜய் தம்பிய ஏத்துக்கலாம்னு தோணுது...நம்ம வீக் எண்டோட ரெண்டாவது சாங்...என்சாய் பண்ணுங்க...!

எல்லாருக்குமே பிடிச்ச பாட்டு...நம்ம 'தல'க்கும் 'த்ரிசா'வுக்கும் அப்படி ஒரு ஹிஸ்டரி, இல்லப்பா பிசிக்ஸ்..சேச்சே...எதோ ஒரு சப்ஜக்ட்..மென்மையான, ஆழமான வரிகளைக் கொண்ட பாடலை இரவில் விளக்கணைத்துக் கேட்டுப் பாருங்கள், முடிந்தவர்கள் கட்டிக் கொண்டு பாருங்கள்...அவ்வளவு இனிமை...ஒரு ஒத்துமை இருக்கு எனக்கும் பாட்டுக்கும் 'அக்கம் பக்கம் யாருமில்லை!' -

பரதேசியின் டைரிக் குறிப்பு - 28

2011-10-20T08:40:00.015+05:30

நமக்குத் தலைவலி வருகிறது - சூடான காஃபி, தேனீர், எலுமிச்சைத் தேநீர், மாத்திரை, குளிர்ந்த காற்று - கொண்டு விலக்க முயற்சி செய்கிறோம். வலி நீங்கிய பின் இதமாய் உணர்கிறோம். ஆனால், அடிக்கடி வலி வந்தால்...பொறுக்க முடியாமல் போனால்? ஆம். மருத்துவரிடம் நம்மை ஒப்படைத்து, நன்றாகப் பரிசோதனை செய்யச்சொல்லி, அவர் தரும் ஆலோசனைகளின் பேரில் பத்தியமோ, மாத்திரையோ உட்கொண்டு, சிகிச்சை மூலம் நோயைப் போக்கிக்கொள்கிறோம்.

'அக உலக (inner self) உண்மைகள்' உணர்தல் கூட. வெறும் நூல்களைப் படிப்பதனாலோ, சில பாசுரங்களை இசைப்பதனாலோ, சிலர் பேசுவதைக் கேட்பதனாலோ அறிந்துவிட முடியாது. இவற்றை அனுபவித்து அறிந்த, ஆன்மாவை உணர்ந்த, இறைவனை நேரில் கண்ட 'குரு' என்கிற மருத்துவராலேயே தெளிய வைக்கப்பட்டு, குணப்படுத்த முடியும். , ஆக, ஆன்மீக வாழ்க்கைக்கு, அக வாழ்க்கைக்கு, அழிக்க முடியா அடையாளம் 'குரு'.

தேர்வு எழுதுபவனின் மன நிலை எப்படி இருக்கும்? ஆழ்ந்த அறிவு, அமைதி, சுறுசுறுப்பு, இலக்கை எட்டும் வைராக்கியம், மணித்துளிகளுக்குள் முடிக்க வேண்டிய சாதுரியம் - தேவைதானே?

இதையே வாழ்க்கைக்கும் ஒப்பிடலாம். 'காலாவதி தேதி' தெரியாது பிறந்து விட்டோம். உலகச் சூழலில் சிக்கி, மையப் பொருளை மறந்து, இலக்கறியாது வாழ்வதா வாழ்க்கை? ஆன்மீக வாழ்க்கைக்கான இலக்கை அடைய முயற்சிக்க வேண்டாமா? அதற்கான தேடுதலைத் துவங்க வேண்டாமா? 'தகுந்த குரு' இல்லை எனும் போது மனம் பதற வேண்டாமா?

'குரு' எல்லா மதத்திற்கும் உரியவர், அதற்கும் அப்பாற்பட்டவர். உலக வாழ்க்கைக்கு மேலான உயரிய வாழ்வு / ஆன்மீக வாழ்வுக்கான முதல் தேவை 'தகுந்த குரு'. குருவிடமிருந்து பெற்ற உண்மைகளை, நன்கு ஆராய்ந்து, உணர்ந்து நமதாக்கிக் கொள்ள வேண்டும்.

சென்னை பெங்களுரு பயணம் செல்ல - பேருந்து, கார், ரயில், விமானம் - பல வழிகள் உள்ளன. எதுவாயிருந்தாலும் இலக்கை அடைய 'ஓட்டுனரின்' உதவி தேவையாயிருக்கிறது. ஓட்டுனர் சரியில்லை என்றால் இலக்கைத் தொட நேரம் அதிகமாகலாம். தொட இயலாமலேயே போகலாம். அதனால், தகுந்த குருவை கவனத்துடன் தேர்ந்தெடுப்பது மிக மிக அவசியம். தெரிவு செய்த பின் ஓட்டுனர் மீது நம்பிக்கை வைத்து, அவர் கையில் வாகனத்தைக் கொடுப்பது போல, குருவை அறிந்த பின் நம்பிக்கையுடன் - எவ்வித ஐயமும் இன்றி - நம்மை ஒப்படைத்து விடவேண்டும்.

முடியுமா நம்மால்?

கட உபநிடதம் (ஸ்ரீ ராமகிருஷ்ண மடம் வெளியீடு) - 'அக'த்தை அறிந்து கொள்ள முதலில் குருவை தேடு; பின் அவரை நாடு; நம்பிக்கை வை; உணர்ந்து கொள்; ஆன்மாவை அறிந்து கொள் - என இதைத்தான் கூறுகிறது.

கடோசி - 1
என்னடா 'பக்தி கஃபே'வை 'அப்டி போடு' ஆக்கி புட்டானேன்னு பாக்கறீயளா? பரதேசியோட தாட்ஸ் அப்டி தான் போவும்னு நெனக்க வேண்டாம். கொஞ்சம் இப்டியும் யோசிப்போமேன்னு நெனச்சு போட்ட பதிவு தான் இது! இதுக்கு தோதா 3 நிமிஷ கீதைப் பாடம் போடுறேன்...

கவியரசர் நினைவு தினம்!

2011-10-17T17:19:00.000+05:30

கண்ணனைக் கன்னியாக்கியவன்...

கேளாமல் காதலைத் தர வைத்தவன்....

திருப்பித் தர முடியாத செல்வத்தை இறைத்தவன்...

பாட்டுக்கு மெட்டா, இல்லை மெட்டுக்கு பாட்டா...?

கோப்பையை நிறைத்து வாழ்க்கையைத் தொலைத்தவன்...

சதுரங்கம்

2011-10-13T08:48:00.007+05:30

ப திருப்பதிசாமி என்கிற புலனாய்வுப் பத்திரிகையாளர்-ஆய் அறிமுகமாகி, எல்லோரையும் தோலுரித்துக் காட்டுகிறார் 'திசைகள்' ஸ்ரீகாந்த். அங்கங்கே தென்படும் சோனியா-வைக் காதலிக்கிறார். திருமணம் கூடி வரும் நேரத்தில், சோனியா கடத்தப்பட, 'இடைவேளை' விட்டு ஸ்ரீகாந்தின் தேடும் படலம் துவங்குகிறது. கண்டுபிடித்தாரா என்பதுதான் கதை.

சதுரங்கத்தின் மிகப் பெரிய பலம் நேர்க்கோட்டில் செல்லும் கதை. இயல்பாய் அறிமுகமாகி, இயல்பாய் காதலைச் சொல்லி, இயல்பாய் நெருக்கமாகும் காதல். படத்தின் கடைசி அரை மணி தவிர, நுனி இருக்கையில், உட்கார்ந்து நகத்தைக் கடிக்க வைக்கும் சஸ்பென்ஸ்.

மிகப் பெரிய பலவீனம் - அறிமுகக் காட்சி / எல்லா மசாலாக்களும், எதிர்பார்க்கக் கூடிய முடிவும், பூச் சுற்றல்களும் நிறைந்த - பலத்தையெல்லாம் தூக்கிச் சாப்பிடும் கடைசி முப்பது நிமிடங்கள்.

கரு பழனியப்பனின் வசனங்கள் எளிமையாகவும், வலிமையாகவும் இருப்பது சிறப்பு. வித்யாசாகர் இசை அற்புதம்.

கடைசி அரை மணியைத் தவிர்த்தால் சதுரங்கம் 'செம' ரகம்!

கடோசி 1

ப திருப்பதிசாமி ஆனந்த விகடனில் 'இளைஞர் பத்திரிகையாளர்'-ஆக அறிமுகமாகி, ஜூவி-யில் பின்னாளில் பிரபலமான புலனாய்வுப் பத்திரிகையாளனாக மின்னியவர். தெலுகு சூப் ஹிட் ஆசாத்' (வேலாயுதம், அதேதான்!) இயக்கியவரை, காப்டன் தமிழுக்கு கூட்டியாந்து 'நரசிமமா' (சிமமா, சிமமா, நரசிம்மா பாட்டு வருமே அதேதான்!)வை இயக்க வைத்தார். இஷா கோபிகருடன் கிசு-கிசுக்கப்பட்ட நேரத்தில், துரதிர்ஷ்டவசமாக மிக இள வயதில் விபத்தில் காலமானார் திருப்பதிசாமி.

அமித்ஜி!

2011-10-11T21:49:00.001+05:30

அமித்ஜி, பிறந்த நாள் வாழ்த்துக்கள்...!

தங்களின் குரல் வளம் அடடா...வார்த்தைகளில் வருணிக்க இயலாதது...! தங்களுடைய முத்திரை வசனங்கள் சிலவற்றின் தொகுப்பு.

என்னதான் நீங்கள் அம்மணியோடு 'அழுகுணி' ஆட்டம் ஆடினாலும், 'அமித்ஜி' என்பதால் மன்னித்து, ஏற்றுக்கொண்டு ரசிக்கவும் முடிகிறது...!

தங்களுக்கு நீண்ட ஆயளைத் தந்து, தேக ஆரோக்யத்தைத் தந்து, எங்களை என்றென்றும் மகிழ்விக்குமாறு எல்லாம் வல்ல இறைவனை வேண்டிக்கொள்கிறேன்.

கடோசி - 1

Budda hoga tera baap - அமித்ஜி நடித்து, தெலுகு இயக்குனர் பூரி ஜகன்னாத் (போக்கிரி புகழ்) அவர்கள் இயக்கிய படம். கதைதான் கொஞ்சம் வித்தியாசம்(?!) - 'எதிரிகளிடமிருந்து' காப்பாற்றுவது, 'ஹேமமாலினி' மற்றும் 'சைடில் ரவீணா டாண்டன்' ஜோடி, காதலைச் சேர்த்து வைப்பது, எதிரிகளைத் துவம்சம் செய்வது - என எண்பதுகளின் மசாலா அத்தனையும் மகனாகச் செய்ததை, பத்துகளில் அப்பாவாக அமித்ஜி செய்யும் 'அதகளம்' ! இரணடு மணி நேர டைம் பாஸ்! மூளையைக் கழற்றி விட்டுப் பார்த்தால் satisfaction guaranteed!

RIP - Jagjit Singh

2011-10-11T04:49:00.004+05:30

வாகை சூடவா

2011-10-09T09:46:00.011+05:30

வாகை சூடவா பார்த்துவிட்டு கொஞ்ச நேரம் உட்கார்ந்து கொண்டிருந்தேன்...

ஜெஃப்ரி ஆர்ச்சர் அவர்களின் சிறுகதையான 'அல கார்ட்டே' அநேகமாக எல்லோரும் படித்திருப்பீர்கள். அப்பா சொன்னதைக் கேட்டு, வேண்டா வெறுப்பாக ஒரு வருட ஒப்பந்தந்த்தில் ஹோட்டல்-ல் மகன் வேலைக்குச் சேருவதும், பின்பு ஈடுபாடு கொண்டு மிகப் பெரிய செஃப் / செய்ன் ஹோட்டல்ஸ் முதலாளி ஆவதுமான அருமையான நடை கொண்ட கதை.

இதே மாதிரிதான் கதையின் நாயகன், தந்தைக்கு வேண்டி, 'அரை' மனதுடன், 6 மாதத்திற்குக் 'கிராம சேவை'க்கான ஆர்டரைச் சுமந்து கொண்டு, செங்கல் சூளை செய்யும் 'கண்டெடுத்தான் காடு' கிராமச் சிறார்களுக்குப் பாடம் சொல்லும் வாத்தியாராக வருகிறான். பள்ளிக்கூடத்திற்கு 'பசங்க' வந்தார்களா, பாடம் சொல்லிக் கொடுத்தானா, அப்பாவின் கனவான 'சர்க்கார் வேலை'யில் சேர்ந்தானா என்பதுதான் கதை. 1966 வருடத்திய நிகழ்வுகள் என்பது கூடுதல் சுவாரசியம்.

'ஏண்டா வேலை விஷயமா யாரையோ பாக்கபோறேன்னிட்டு படம் பாக்க போயிருக்கே?' என அம்மாவின் கேள்விக்கு 'இல்லம்மா, வாத்தியார் படம்னு சொன்னாங்களா, நாம வாத்தியார் வேலைக்குதானே போகப்போறோம், பயன்பட்டாலும் பயன்படுமே, அப்பிடின்னு போனேன் ' எனக் குறும்புடன் துவங்குகிறது விமலின் பயணம். எடுத்துக்கொண்ட பாத்திரத்தின் கனம் குறையாமல் கையாண்ட மனிதருக்கு ஒரு சபாஷ். ஏற்கெனவே குறிப்பிட்டது போல, விமலின் மானரிசம்-களில் எண்பதுகளின் 'பாக்யராஜ்' ரீவைன்ட் ஆகி கண்ணுக்குத் தெரிவது நிஜம், கலகலப்பு.

மலையாள இறக்குமதி இனியா மனதை நிறைத்துவிட்டு போகிறார். நாயகனுக்கு ஈடான பாத்திரத்தில் நாயகியை உலாவ விடுவது வரவேற்கத்தக்கது. 'நான் பேச நினைப்பதெல்லாம்' பாடலை இயக்குனர் 'சேர்த்த' இடத்தில் அம்மணியின் நடிப்பு தெரிகிறது.

'முருங்கை'யோடு என்ட்ரி ஆனாலும் பாக்யராஜ் பாத்திரப் படைப்பு இதம். தம்பி ராமையா 'கணக்கு' பண்ணியே மாட்டிக்கொள்வது கல கல. இவர்களோடு 'பசங்க' போட்டி போட்டு நடிச்சிருக்காங்கடோய்!

பாடல்களும், இசையும் படத்திற்குத் பெருந்துணை. 'செங்க சூளைக்காரா', 'சார சார காத்து', 'தஞ்சாவூரு மாடத்தி' பாடல்கள் நயமாய் இருந்தாலும், 'போறானே, போறானே' பாட்டு இதயத்தைத் தொந்தரவு செய்கிறது. எழுதிய கார்த்திக் நீதா, பாடிய ரஞ்சித் /நேஹா சூப்பர்! இத்தனைக்கும் 'கிப்ரான்'-க்கு முதல் படம்...!

அந்தக் காலத்து கிராமத்தைக் கண் முன் நிறுத்திய சாபு சிரில் சீடருக்கு நன்றிகள் பல. அதே போல படம் பிடித்து நிறுத்திய ஓம் பிரகாஷ், எடிட்டிங் செய்த ராஜ முஹம்மது.

ஷங்கர் போல பல கோடிகள் செலவழித்து சமூகத்திற்கு மெசேஜ் சொல்லலாம். இல்லை இயக்குனர் சற்குணம் போல எடுத்துக் கொண்ட களத்தை விட்டு விலகாமல், இறுதியில் 'பொடேர்' என பொட்டில் அடித்து உண்மையை, நிதர்சனத்தை, மனிதத்தை உணர வைக்கலாம்.

கடோசி -1

படத்தில் ஒரு வசனம் வரும். பசங்களுக்குப் பாடம் கற்றுத் தராமலேயே முதல் மாதச் சம்பளம் வாங்கும் விமலிடம் சித்தர் 'விதைக்கல, அறுக்கறே' என்று சொல்லிவிட்டு நகர்ந்து விடுவார். எவ்வளவு உண்மை? நிதர்சனத்தில் நம்மில் ஒவ்வொருவரும் எவ்வளவு தரம் 'விதைக்காமல்' அறுத்துக்கொண்டிருக்கிறோம்?

கடோசி - 2

படத்தில் வரும் கிராமங்கள் போல இன்றும் இந்தியாவில் பல கிராமங்கள் இருப்பது சடாரென நினைவுக்கு வந்து தாக்கியது! அமெரிக்காவில் உட்கார்ந்துகொண்டு, திருட்டுப் படம் பார்த்துக்கொண்டு, 'எழுத்துச் சொல்'-ல் மட்டுமே வீரனாய் இருக்கிறேனோ?

பரதேசியின் டைரிக் குறிப்பு - 27

2011-10-08T06:06:00.003+05:30

அப்போதெல்லாம் படிப்பதற்கு புத்தகங்கள் வாங்குவது அரிது. அதுவும் லோயர் மிடில் கிளாஸ் சம்பளத்துக்கு வாங்கத்தான் முடியுமா? இல்லை கட்டுப்படியாகுமா?

திடீரெனத் துவங்கிய ஆன்மீகப் பயணத்தில், என் தந்தைக்குப் புத்தகங்கள் தேவைப்பட்டன. வாங்கித் தள்ளினார் கொஞ்சம்; வந்து சேர்ந்தது பரிசாக மிச்சம். அந்தக்காலத்தில் மாமனாருக்கும், மாப்பிள்ளைக்கும் என்ன உடன்பாடோ தெரியாது...புத்தகம் வந்தவுடன், அட்டையிட்டு, அழகாய் பிள்ளையார் சுழியில் துவங்கி, ॥ श्री ॥ தொடர்ந்து, பின்னர் புத்தகத் தலைப்பை அச்சில் வார்த்தாற்போல எழுதுவார் என் பாட்டனார் (தாயின் அப்பா).

ஒட்ட கம் இல்லை; குறைந்த பட்சம் மைதாமாவு கோந்து இல்லை, ஏழைக்கேற்ற 'சோற்றுப் பருக்கை' கூட கிடையாது. அப்பிடியும் கிழியாது, கசங்காது அட்டை கன்னி கழியாத பெண்ணைப் போல இருக்கும்! புத்தகத்திற்குக் கொடுத்த காசை விட அட்டைக்கு அதிகம் செலவழித்திருப்பாரா என்று தெரியவில்லை! ஆனால், தொடர்ந்து 'அட்டை' விஷயத்தில் மாப்பிள்ளைக்கும் (என் அப்பா), அவர் மாமனாருக்கும் நெறைய அண்டர்ஸ்டான்டிங் இருந்தது!

1967 செப்டம்பரில் வெளிவந்த புத்தகம் இது. காலங்கள் உருண்டதாலான தாக்கம் தவிர, புத்தகத்தின் அட்டை அப்படியே இருக்கிறது. புகைப்படத்தைப் பாருங்கள்....ஸப்தரிஷி குடும்பத்தினர் அனைவருக்கும் தெரிந்த விஷயம் இது! இன்றும் இதைப் பொக்கிஷமாக வைத்திருக்கிறேன், அமெரிக்காவிற்குக் கொண்டு வந்திருக்கிறேன்...அட்டைக்காகவும், ஆன்மீகத்திற்காகவும்...!

பரதேசியின் டைரிக் குறிப்பு - 26

2011-10-05T07:35:00.007+05:30

விஜயதசமி பெசல்....

தனியார் தொலைக்காட்சி மாதிரி நம்மால 'உலகத் தொலைக்காட்சிகளில் முதன்முறையாக'னு போட முடியாது!! இருந்தாலும், 'நச்'னு நாலு சீன போட்டா நல்ல இருக்குமேன்னு யோசிச்சேன்... அதால இதோ வருகுது....

ரஜினி சாரோட 'நடிப்பு' சமாசாரம் 1976-ல ஆரம்பிச்சு 1983-ல முடிஞ்சிருச்சுன்னே சொல்லலாம். வித விதமான characters-ல மின்னின அவரு 'கமர்ஷியல்' ஹீரோ ஆனது தமிழ் சினிமாவின் துரதிர்ஷ்டம். அவரும், ஸ்ரீதேவியும் காதலைப் பகிர்ந்துகிறதை நீங்களும் பார்த்து ரசியுங்களேன்...

நம்ம சாதி சனம் என்ன சொல்லும்...நம்ம சாதில இதெல்லாம் வேணாய்யா...நம்ம சாதில பொறந்துபுட்டு இப்டில்லாம் செய்யலாமா...என இன்றும் புலம்பும் மனிதர்கள் நம்மோட இருக்கிறாங்கன்னு நினைக்குறப்போ வேதனையாத்தான் இருக்குது...பொறப்ப தாண்டி இப்போ 'சாதி' வேலைக்குள்ளையும் வந்திருச்சு...'நீ ஐ.டி-யா, பினான்ஸ்-ஆ, மார்கெடிங்-ஆ, பேங்க் மேனேஜர்-ஆ, கன்னடமா, தமிழா, தெலுகு-ஆ, பெங்காலி-ஆ' எனக் கேள்வி போட்டு, ஸ்டேடஸ் பாத்து வெச்சு ஜாயின் ஆகுறதப் பாக்குறப்போ வேதனையாத்தான் இருக்குது...இந்த நல்ல நாள்ல நம்மோட வேத்துமை சுவத்தை உடைச்சிப் போட்டு ஒத்துமையா நின்னு தேர் இழுப்போம் வாங்களேன்...

இது நெசம்மாவே சூப்பர் சீன்...அப்பாவுக்கும், பையனுக்கும் நடக்குற வாக்குவாதம்... அதுவும் எந்த ரேஞ்சுல நடக்குது பாருங்க...இதுக்கு மேல ஏதும் 'பேய'த் தேவையே இல்ல...!

எவ்ளோ இன்டர்வியு பாத்தாலும் இத்தை மறக்க முடியுமா...? நெசம்மாலுமே இப்டி ஒரு பேட்டிய நம்ம சி எம், பி எம் கிட்ட எடுக்க முடியுமா...? அட்லீஸ்ட் ப சி-கிட்ட...?!! அட போப்பா...சிதம்பரம் சாரு வரச் சொல்லிபோட்டு மறந்துருவாரு! எங்க அண்ணாத்தை சொன்னா போல 'மெமோரியே இல்லாத PC-ப்பா அவரு!'

விஜயதசமி வாழ்த்துக்கள்!

பரதேசியின் டைரிக் குறிப்பு - 25

2011-10-03T03:17:00.013+05:30

ஜுலை 1947ல் காந்திஜி கல்கத்தாவிற்கு வந்தார், காரணம் இந்து முஸ்லிம் பிரச்சனை. அவர்களுக்கிடையே ஒற்றுமை ஏற்படுத்த வேண்டும் என்பதற்காக காந்திஜி தீவிரமாக உழைத்தார். ஒரு முஸ்லிம் பெண் வீட்டில் தங்கியிருந்தார். பின்னர் சதீஷ் சந்திரதாஸ் குப்தா என்பவரின் ஆசிரமத்திலும் சில நாட்கள் தங்கியிருந்தார். வங்காளத்தின் பிரதமராக இருந்த சோராவதி என்பவரை அழைத்து தன்னோடு சேர்ந்து ஒற்றுமைக்கு வழிவகுக்க உறுதுணையாக இருக்குமாறு கேட்டுக் கொண்டார். முஸ்லிம்கள் வந்து இந்துக்களைப் பற்றிக் குறை சொல்லிவிட்டுப் போவார்கள். இந்துக்கள் முஸ்லிம்களைப் பற்றி குறை சொல்லிச் செல்வார்கள். காந்திஜி அதையெல்லாம் பொறுமையாகக் கேட்டு அவர்களுக்கு ஆறுதல் கூறுவார். கிட்டத்தட்ட மூன்று நாட்களாக இது தொடர்ந்தது. அவருக்கு ஓய்வே இல்லை.

ஒருநாள் மதிய வேளையில் காந்திஜி இயற்கை உபாதையைக் தணிப்பற்காக கழிவறைக்குச் சென்றிருந்தார். அவர் வரும்போது அவரது செயலாளர் எதிரே சென்று, ‘எனக்கு எந்த வேலையுமில்லை. சும்மாவே இருக்க மிகவும் சிரமமாக இருக்கிறது’ என்றார். உடனே காந்திஜிக்கு கோபம் வந்து விட்டது.

என்னது வேலையில்லையா, எத்தனையோ வேலைகள் இருக்கின்றனவே! இப்போதுதான் நான் கழிவறைக்குப் போய் வந்தேன். போ, அதைப் போய் சுத்தம் செய், போ’ என்று கூறினார். செயலாளரும் உடன் அந்த வேலையைச் செய்யச் சென்றார்.

காந்திஜி அந்த அளவுக்கு சமத்துவம் பேணுபவராக இருந்தார். ஸ்வீப்பர் வந்துதான் அதைச் செய்ய வேண்டும் என்பதில்லை. யார் வேண்டுமானாலும் அதைச் செய்யலாம். அவரே பலமுறை அவ்வாறு பல கழிப்பிடங்களைச் சுத்தம் செய்திருக்கிறார். பலரது கழிவுகளைத் துப்புரவு செய்திருக்கிறார். அவர் ஒரு துப்புரவுத் தொழிலாளியாக பல சேரிப்பகுதிகளுக்குச் சென்று அவ்வேலையை, எந்தவித முகச் சுளிப்பும் இல்லாமல் செய்திருக்கிறார். அதனால் தான் அவர் மகாத்மா.

-http://ramanans.wordpress.com

கடோசி - 1

'மாமூ! உனக்கு வேண்டாதவங்களை நான் 'முடிக்கறேன்'! எனக்கு வேண்டாத அப்பனை நீ முடிச்சிரு' என போகிற போக்கில், பேசுகிற பேச்சில், நெடுஞ்சாலையில் காரில் 'லிப்ட்' கொடுத்த ந(ண்)பர் உங்களிடம் சொன்னால் எப்படி இருக்கும்? ஹிட்ச்காக் 'strangers in the train' பார்த்தது போலத்தான் இருக்கும்! இருந்தாலும் 'ஜிவ்'வெனத் துவங்கும் முதல் 30 நிமிடங்கள் படு சுவாரசியம். நகைச்சுவை கலாட்டாக்கள் இல்லாமல் சீராய்ப் போகும் கதை அழகு. அனுமானிக்ககூடிய படத்தின் பின் பாதி, இறுதிக் காட்சிகள். தமிழ் சினிமா யு டிவி தயாரிப்பின் தயவில், கொஞ்சம் விதயாசக் களத்தில் இறங்குவது ஆறுதல்.

கடோசி - 2

எதிர்ப்பார்த்தபடி வில்லன் ஆட்கள், எதிர்பார்த்தபடி ஹீரோவைப் போட்டுப் பார்க்க நினைப்பது, எதிர்பார்த்தபடி ஹீரோ பந்தாடுவது, எதிர்பார்த்தபடி வறண்ட காமெடி, எதிர்பார்த்தபடி ஹீரோயின் அறிமுகம்....'வெடி' தாங்கலடா ஸாமி! 5 நிமிட்ஸ், அப்பாலிக்கா அபீட்டு!

அது சரி, திருட்டு பிரிண்ட் பாத்து போட்டு இப்டில்லாம் பேசக்கூடாதுங்ணா! என் அண்ணா சொன்னது போல 'விஷால் படம், பெயர் நடுவில் ஒரு 'ட்' விட்டுப் போச்சு!'

பரதேசியின் டைரிக் குறிப்பு - 24

2011-10-02T10:56:00.006+05:30

மலைமகள், அலைமகள், கலைமகள் இணையும் நவராத்திரி துவங்கி நாட்கள் ஆறாகி விட்டன...! இந்தியா முழுதும் களை கட்டியிருக்கும் சந்தோஷ, திருவிழாத் தருணங்கள்....பக்தியும், சக்தியும் பெருக்கெடுத்து ஓடும் நேரமல்லவா?! எல்லோரும் இன்புற்றிருக்க வேண்டிக்கொண்டு...மேலே போவோம்...!

தமிழ் சினிமாவில் அவ்வளவாக கொலுப்பாடல்கள் இல்லை என்றே தோன்றுகிறது.. கொஞ்சம் தேடித் பிடித்த கொலுப் பாடல்களைப் பார்ப்போமா?!

ஆம்...நீங்கள் எதிர்பார்த்த பாட்டுதான் இது...ஆனால் எத்துணை முறை கேட்டாலும் அலுக்காத பாட்டு...

கவிஞருக்குக் கற்பனைகள் ஊறுவதும் ராத்திரி...!
கலைஞரெல்லாம் அரங்கத்திலே சேருவதும் ராத்திரி...!

காளையர்க்கு ஓர் இரவு சிவராத்திரி... - ஆனால்
கன்னியர்க்கு ஒன்பது நாள் நவராத்திரி...!

அருமை...அருமை வரிகளும் இந்தப்பாட்டில்தான்...மங்கையர் திலகம் சாவித்திரி பாட்டாயிற்றே...பாருங்களேன்...!

ஒரு பாட்டில் படத்தின் கதையைச் சொல்லி விட முடியுமா...? பாடலின் வரிகள், படத்தின் நாயகிகள், இணைந்த இசை - இவை யாவும் இயக்குனரின் 'கைப்பொம்மைகள்' தானே?! இரு கோடுகளில் வரும் அழகான, அழுத்தமான பாடலை யாரால்தான் மறக்க இயலும்? - கொலுவுக்கு நடுவே கண்ணீரில் தளும்பி நிற்கும் ஜயந்தி, சௌகார் இருவருக்குமே அந்த 'புன்னகை மன்னன், பூவிழிக் கண்ணன்' சொந்தம்தான் :-)

தாலியிட்டுக் கூட்டிவந்த 'திருமதி'க்கு வெகுவாய் 'மதி' இல்லாது போனால் என்னாகும்? பொம்மை கூட பார்த்துச் சிரிக்கும்...! குருநாதர் வழியில் சிஷ்யன் விசு அவர்கள் எடுத்த 'கொலுப் பாடல்' வரிகளின் வீர்யம் கவிப்பேரரசுக்குச் சொந்தம். சங்கர் கணேஷ் ரெட்டையர் இசையில், வாணி ஜயராம் குரலில் அம்சமாய் இதோ வருகுது...!

கடோசி - 1

சாங்க்ஸ்தான் சூப்பர்-னா, விளம்பரம் அத்த விட ஷோக்கா கீதுபா!

பரதேசியின் டைரிக் குறிப்பு - 23

2011-09-30T05:36:00.007+05:30

சமீபத்திய ஆச்சர்யம்...'மயக்கம் என்ன?' பாடல்கள்...

மாதிரிக்கு ஒன்று, வரிகளுடன்...

பாடல் 'என்னென்ன செய்தோம் இங்கு'

பாடியவர் ஹரிஷ் ராகவேந்திரா

பாடலாசிரியர் நடிகர் தனுஷ்

இசை ஜி வி பிரகாஷ் குமார்

என்னென்ன செய்தோம் இங்கு,

இதுவரை வாழ்விலே

எங்கெங்கு போனோம் வந்தோம் ,

விதி என்னும் பேரிலே ..

காணாத துயரம் கண்ணிலே ..

ஓயாத சலனம் நெஞ்சிலே...

இறைவா, சில நேரம் எண்ணியது உண்டு..

உன்னை தேடி வந்ததும் உண்டு...

சன்னதியில் சலனம் வெல்லுமா ..?

இறைவா ..!

அன்பான புன்னகை செய்வாய்...

அழகான பார்வையில் கொல்வாய்...

நீ என்பது நான் அல்லவா?

விடை சொல்கிறாய்...

கல்லாக இருப்பவன் நீயா?

கண்ணீரை துடைப்பவன் பொய்யா?

உள் நெஞ்சிலே உனை வாங்கினால்

கரை சேர்க்கிறாய்...!

வாழ்கையின் பொருள்தான் என்ன?

வாழ்த்துதான் பாத்தால் என்ன?

கதை சொல்கிறாய்,

பயம் கொல்கிறாய்...

காலை சூரியனின் ஆதிக்கமா ..?

பாடும் பறவைகளும் போதிக்குமா?

காலை சூரியனின் ஆதிக்கமா ..?

பாடும் பறவைகளும் போதிக்குமா?

உனது அரசாங்கம் பெரும் காடு,

உலகம் அதிலே ஒரு சிறு கூடு,

உன்னை அணைத்துக்கொண்டு,

உள்ளம் மருகி நின்றால்

சுடும் தீயும் சுகமாய் தீண்டிடும்!

இறைவா, சில நேரம் எண்ணியது உண்டு

உன்னை தேடி வந்ததும் உண்டு

சன்னதியில் சலனம் வெல்லுமா..?

இறைவா ..!

உள்ளிருக்கும் உன்னை தேடி ,

ஓயாமல் அலைவோர் கோடி

கருவறையா, நீ கடல் அலையா?

மலைகள் ஏறிவரும் ஒரு கூட்டம்,

நதியில் மூழ்கி எழும் பெரும் கூட்டம் ..

மலைகள் ஏறிவரும் ஒரு கூட்டம்,

நதியில் மூழ்கி எழும் பெரும் கூட்டம் ..

என்னில் கடவுள் யார் தேடுகிறோம்

பொய்யாய் அவரின் பின் ஓடுகிறோம் .

கண்ணை பார்க்க வைத்த, கல்லை பேச வைத்த,

பெருந்தாயின் கருணை மறக்கிறோம் ..!

இறைவா, சில நேரம் எண்ணியது உண்டு

உன்னை தேடி வந்ததும் உண்டு

சன்னதியில் சலனம் வெல்லுமா ..?

இறைவா ..!

அன்பான புன்னைகை செய்வாய்,

அழகான பார்வையில் கொல்வாய்,

நீ என்பது நான் அல்லவா ..

விடை சொல்கிறாய்!

கல்லாக இருப்பவன் நீயா?

கண்ணீரை துடைப்பவன் பொய்யா?

உள் நெஞ்சிலே உனை வாங்கினால்

கரை சேர்க்கிறாய்....!

கடோசி 1

இந்தப் படத்தின் மூன்று பாடல்களை தனுஷ் அவர்களும், இரணடு பாடல்கள் செல்வராகவன் அவர்களும் எழுதியிருப்பதாகத் தகவல். எல்லாமே வித்தியாசமாயும், சுவாரஸ்யமாயும் இருப்பது வியப்பு. மாதிரிக்கு இந்த 'பிட்டு' பாட்ட கேளுங்க...தானா சிரிப்பு வரும்...!

ஓட ஓட ஓட தூரம் கொறையல

பாட பாட பாட பாட்டும் முடியல

போக போக போக ஒண்ணும் புரியல

ஆக மொத்தம் ஒண்ணும் விளங்கல!

ப்ரீயா சுத்தும்போது பிகரு இல்லையே...

புடிச்ச பிகரும் இப்போ ப்ரீயா இல்லையே!

....

உலகமே ஸ்பீடா ஓடி போகுது...

என் வண்டி பஞ்சுர் ஆகி நிக்குது!

மொக்க பீஸ்’சு கூட கிண்டல் பண்ணுது..!

சாமி என்ன பங்கம் பண்ணுது..!

கஸ்தூரிராசா செல்வங்களுக்கு வாழ்த்துக்கள்!

பரதேசியின் டைரிக் குறிப்பு - 22

2011-09-27T08:42:00.010+05:30

லோகத்துல ஒரே 'பேர்' இருக்கறவா நெறைய பேர் இருப்பா...! அந்த ஒரே 'பேர்'ல நமக்குத் தெரிஞ்சவா ரெண்டு, மூணு பேர் இருந்தா....அதுவும் நம்மோட well wishers-ஆ இருந்தா....அவாளப் பத்திதான் கொஞ்சம் பாப்போமே...!

அமெரிக்கா வந்த பின்னாடி பொழுதைப் போக்கறது ரொம்ப கஷ்டமா இருந்தது. பொழுதைப் போக்க ஒரு வழி hello fm கேக்கறது. சரியா என் அமெரிக்க டயத்துக்கு, அதாவது சாயரட்சை 6.30 மணிக்கு (இந்திய நேரப்படி விடிய-காலம்பற 5.00 மணிக்கு) டாண்ணு இந்த 'ஜயராமன்' வந்துருவார். அவர் பேச்சுல இருக்குற சாந்தம், அமைதி சொல்லி மாளாதுன்னா! ரெண்டு மணி நேரம் போறதே தெரியாது....ரொம்ப அமைதியா கதை சொல்லுவார், கருத்துக்களை உதிர்ப்பார், நடுவுல ஜோசியரோட ராசி பலனை அலசுவார், திடீர்னு அய்யா ஞானசம்பந்தன்-ஐ கூப்ட்டு கதை சொல்லச் சொல்லுவார்...இதெல்லாம் விட, டெய்லி ஒருத்தரோட கஷ்டத்தைப் படிச்சுட்டு, 'ரெண்டு நிமிஷம் அவாளுக்காக ஜபம் பண்ணலாமே'-ம்பார் பாருங்கோ...உங்களுக்குக் கண்ணுல ஜலம் வந்துரும் போங்கோ...! இந்தியாவுக்குப் போன உடனே...எப்படியாவது இவர பாத்துபிடணும்னு வெச்சுருக்கேன்...! சென்னை-ல இருக்கறவா ரொம்ப கொடுத்து வெச்சுருக்கா...இல்லையா பின்ன..இப்டி ஒரு அம்பி டெய்லி ரேடியோல வந்து பேசறதக் கேக்கறதுக்கு நிச்சயம் போன ஜன்மத்துல புண்ணியம் பண்ணிருக்கணும்...!

அடுத்தவர்...என்னோட 'ஜிகிரி' தோஸ்து... 'நண்பேண்டா' ரகம். இவரும் நானும் ஜனிச்சது ஒரே நாள், ஒரே வருஷம். அவரு காத்தால, நான் ராத்திரி அதான் வித்யாசம். இவரப் பத்தி எழுதி மாளாது. குட்டிகரணம் போட்டு வாழ்க்கைல ஜயிச்சவர் இந்த ஜயராமன் என்கிற ஜே கே. இன்னிக்குக் கூட, ஜாயின்ட் பேமிலில நம்பிக்க வெச்சு, அம்மா/அப்பா/தம்பியோட 'சேர்ந்தே' இருக்கார்னா அது எவ்ளோ பெரிய விஷயம்...? மனுஷர் தமாஷ் பேர்வழி. 'தம்' புடிச்சு டெய்லி கவிதையும் எழுதுவார். ஒரு சின்ன வீக்னெஸ்-ம் உண்டு. சொன்னா அடிக்க வந்துருவார்! சாம்ப்ளுக்கு சில கவிதைகள கொடுத்ருக்கேன்... படிச்சுட்டு...பேஷ் பேஷ் னு சொல்லுவேள் பாருங்கோ...!

1. அந்தரங்கம்

2. எல்லாம் தந்தாயோ?

ரொம்ப முக்கியமானவாளை லாஸ்ட்லதான் அறிமுகப்படுத்துவா... அந்த மாதிரி அறிமுகம்தான் இவருக்கு. என்னோட மாமா (அம்மாவோட அண்ணா)வோட 'பெரிய' மாப்பிள்ளை இவர். இன்டர்வியு-க்கு பெங்களூரு மொதல் மொதல்ல வந்தப்போ, எனக்கு ரொம்ப தெம்பை கொடுத்து...'நீ இங்க வந்துடு...எல்லாம் நான் பாத்துக்கறேன்' சொன்னவர். அதே மாதிரி பாத்துண்டவர், நான் வளந்ததை தன்னோட வளர்ச்சியா நெனச்சு சந்தோஷப்பட்டவர். அவர் ஆத்து பக்கத்துலையே இன்னொரு ஆம் பாத்து குடி வெச்சவர். ரெகுலர் விசிட் அடிச்சு, நோட்டம் விட்டு, கண்ணாலையே எல்லாம் செரியா இருக்கானு கண்டு பிடிச்சுடுவார்...! சூப்பரா சமைப்பார், ஜயநகர் பிள்ளையார் கோவிலுக்கு வாரா வாரம் அட்டடன்ஸ் கொடுப்பார், அப்பப்போ 'நல்ல' ஹோட்டல்களுக்குப் போய் 'நல்ல' ஐட்டமா தேடிப் பாத்து சாப்டுவார்! என்னோட ரெண்டாவது பையன் மேல அபரிமிதமான பிரியம்...இவர் நம்மாத்துக்கு வந்தவுடனே பையனும் 'ஜயராமன் அங்கிள்'னு ஓடி வந்துருவான்...! அவருக்கு நான் ரொம்ப கடன் பட்ருக்கேன்...கடமைபட்ருக்கேன்!

கடோசி - 1

காஞ்சிப் பெரியவாள் Jayaraman-ங்கற பேர 'ஜெயராமன்'னு எழுதப்படாது... ஜயராமன்-னுதான் எழுதணும்னு சொல்லிருக்கா. அதே மாதிரி, 'ஸ்ரீ ராமஜயம்'னு தான் எழுதணும்...'ஸ்ரீ ராம ஜெயம்'னு எழுதப்படாது!! எனக்கு தெரிஞ்ச 'ஜயராமன்'களைப் பத்தி ஒரு சின்னக் குறிப்பு... அவ்ளோதான்... ஏன்னா..இவாளப் பத்தி எழுத பக்கம் போறாது...வார்த்தைகளும் போறாது!

கமலஹாசன் அவர்களின் 'சப்பக்' (அ) 'பச்சக்' பாடல்கள் - 3

2011-09-26T05:53:00.028+05:30

கமல் 'சப்பக்/பச்சக்' பாடல்களுக்கு எவ்வளவு கண்டனங்கள் இருந்தனவோ அந்த அளவுக்கு வாசகர்கள் அந்தப் 'பக்க'த்தை வாசித்துத் தீர்த்தனர்:-) 'தல' படப் பார்வைக்குப் பின் அதிக 'தட்டு'க்கள் 'சப்பக்/பச்சக்' பக்கங்களுக்குத்தான்!

கமல் ஸார் பாடல்களுக்குப் பின் அபரிமிதமான உழைப்பு இருந்திருக்கிறது. ஒரு 'நாயகன்'-ஆக உருவாவதற்கு முன்னால் நிறைய கஷ்டப்பட்டிருக்கிறார். உதவி நடனக் கலைஞனின் பணி அவ்வளவு சுளுவானதல்ல ('நான் ஏன் பிறந்தேன்?' என்கிற எம் ஜி ஆர் படத்தில் அவர் பெயரை (உதவி நடனம்) பார்த்து வியந்து போனேன்!). 'என்றும் கமல்' என்கிற கிழக்குப் புத்தக வெளியீட்டுப் புத்தகத்தைப் படித்து பாருங்கள். கமலின் கடந்த பாதையும், சிந்திய வியர்வையும், உழைத்த உழைப்பும் புரியும்.

1983-ல் கமலின் மூன்று படங்கள் ஓடிய ஓட்டங்கள் சொல்லி மாளாது..... 'கசினோ'வில் 'வாழ்வே மாயம்', 'அலங்கார்'-ல் 'சகலகலா வல்லவன்', 'சுப'த்தில் 'மூன்றாம் பிறை' எனத் தொடர் வெள்ளி விழா படங்கள் அவரது உழைப்புக்குக் கிடைத்த வெற்றி. 'ஸ்ரீதேவி'தான் நாயகி என்பதை மாற்றி 'தாமரை' நாயகன் ஆனதும் இங்குதான்.

'திரும்பிப் பார்க்கிறேன்' பேட்டியில் சாருஹாசன் 'கமலை conscious-ஆக 'playboy' image கொண்டே வளர்த்தோம்...' என்கிறார். இதனாலேயே கமல் பல படங்களில் 'shirt/pant'-ஐக் கழட்டுவது சகஜமானது. இதனாலேயே பாடல்களில் நாயகியுடன் நெருக்கமாய் நடிப்பது இயல்பானது ('காதல் இளவரசன்'-ஐ, 'காதல் மன்னன்'-க்கு பிறகு சுமந்ததும் அசாதாரணம்). நடுவில் சாருவுக்குத் தெரியாமல் ஒத்துக்கொண்டு நடித்த '16 வயதினிலே' கோவண ஸ்டில்லைப் பார்த்துச் சத்தம் போட்டதாகவும், கமல் 'இல்ல...புது டைரக்டர்... நல்ல கதை...படத்தை பாருங்க நல்லா போகும்' என்று சொன்னதாகவும் குறிப்பிடுகிறார்.

சரி 'நாயகன்' ஆயாச்சு...! வாழ்க்கை அப்புறமாவது நன்றாயிருந்ததா? 'ரஜினி' என்கிற மாபெரும் காந்தத்துடன் என்றென்றும் போராட்டம்தானே?! தீபாவளிப் பண்டிகையின் விசேஷங்களில் 'கமல்-ரஜினி' படங்கள் நிச்சயம் உண்டு.

வறுமையின் நிறம் சிவப்பு - பொல்லாதவன் (1980)
தூங்காதே தம்பி தூங்காதே - தங்க மகன் (1983)
எனக்குள் ஒருவன் - நல்லவனுக்கு நல்லவன் (1984)
ஜப்பானில் கல்யாணராமன் - படிக்காதவன் (1985)
புன்னகை மன்னன் - மாவீரன் (1986)
நாயகன் - மனிதன் (1987)
வெற்றி விழா - மாப்பிள்ளை (1989)
குணா - தளபதி (1991)
தேவர் மகன் - பாண்டியன் (1992)
குருதிப் புனல் - முத்து (1995)

கொஞ்சம் யோசித்து, உற்று நோக்கினால்...திட்டமிடுதலும், கூட்டு முயற்சியும், போட்டி மனப்பான்மையைத் தூண்டுதலும், உள்ளில் அடங்கி இருக்கும் வியாபாரத் தந்திரமும் புரியும்.

கமலின் மற்றுமொரு பலம். முயற்சி...இது பலவீனமும் கூட....எப்படி?

ராஜ பார்வை (1981) - பார்வை இல்லாத ஒரு இளைஞனின் காதல் கதை. இன்றைக்கும் கூட நிகழக்கூடிய கதையை கமல் எடுத்தபோது அவருக்கு வயது இருபத்தி ஏழு. Playboy இமேஜால் படம் காணாமல் போனது.

நாயகன் (1987) - 24 வருடங்களுக்கு முன் 'இளைஞன் / நடுத்தரம் / முதிர்ந்தவர்' வேடம் கட்டிய போது கமலுக்கு வயது முப்பது மூன்று!! 'மீசை'யைக் கமல் எடுக்கவே மாட்டார், எடுக்க முடியாது என்கிற பேச்சு பரவி இருந்த கால கட்டத்தில் சட்டென வழித்து பன்முகம் காட்டியதை மறக்க முடியுமா? காப்பி / டீ என்று பேசப்பட்டாலும் நாயகன் இன்றைக்கும் ஒரு trend செட்டர் என்பதை மறுக்க இயலாது. இவ்வளவு உழைப்பிருந்தும், மனிதன் படத்தின் வசூல் முன் நாயகன் அடிபட்டுப் போனது சரித்திரம்.

அபூர்வ சகோதரர்கள் (1989) - நாயகன் படத்திற்குப் பின் இப்படி ஒரு தேக்கம் 'பேர் சொல்லும் பிள்ளை'க்கு வருமா? வந்ததே...! அனைத்தையும் தூக்கிச் சாப்பிட்டது 'அபூர்வ சகோதரர்கள்'. இதன் உழைப்பு இன்றும் ரகசியமாய்...!!

குணா (1991) - மனம் பிறழ்ந்த பாத்திரம், சரியாகச் செதுக்கப்படாமை, படத்தைச் சுற்றிய சில சர்ச்சைகள்...'அபிராமி..அபிராமி' யார் என்கிற கேள்வி இன்றும் உண்டு! அறையும் வன்முறை...அடங்கா வெறி கொண்ட 'குணா' அகப்பட்டுக் கொண்டான் 'தளபதி'-டம்!

இந்தியன் (1996) - 'அன்னா ஹசாரே'வைக் கொண்டாடுபவர்கள் 'இந்தியன்' தாத்தாவை மறந்திருக்க முடியாது. ஷங்கர் இயக்கத்தில் 'அடக்கி' வாசித்த கமலுக்கு வயது நாற்பது!! இன்றைய சூழலில் இந்தப் படத்தின் 'promos' எப்படி இருந்திருக்கும்...? கற்பனையை உங்களிடம் விடுகிறேன்...!

ஆளவந்தான் (2001) - தாயம் (1984) என்கிற கமலின் கதையின் தழுவல். முயற்சிப் படமா / மசாலாப் படமா என்கிற குழப்பத்தில் எல்லோராலும் 'செமத்தியா'க விமர்சனம் செய்யப்பட்ட படம். 'மொட்டை' பாத்திரம் கமலால் மட்டுமே செய்ய முடியக்கூடிய பாத்திரம்.கொஞ்சம் மெனக்கெட்டிருந்தால், புரியும்படி சொல்ல முயற்சி செய்திருந்தால்...அருமையான படமாயிருந்திருக்கும்.!!ஒரே நேரத்தில் பல அரங்குகளில் திரையிடப்பட்டதும் இதுதான்...ஆக, இன்றைய 'பல அரங்குகள் வெளியீடு' திட்டத்தைத் துவக்கி வைத்த பெருமையும் கமலுக்கு உண்டு :-)

வயதுக்கு மீறியதை செய்ய முயன்றதின் விளைவு பெரும்பாலான நேரங்களில் தோல்வியைத் தந்திருக்கிறது..சில பாத்திரங்களை இன்று செய்திருப்பாரேயானால் சிகரங்களை நிச்சயம் தொட்டிருக்க முடியும். தசாவதாரத்தில் செய்திருந்த பத்தில் ஒன்பதை ஏற்கனவே பல படங்களில் செய்து விட்டார் என்பதை நான் எழுதியிருக்கிறேன்.

கமலின் நகைச்சுவை நம்மை விலா நோகச் சிரிக்க வைத்திருக்கிறது. மீண்டும் கோகிலா, சிம்லா ஸ்பெஷல், எல்லாம் இன்பமயம், மைகேல் மதன காம ராஜன், சிங்காரவேலன், அவ்வை சண்முகி, தெனாலி...என்கிற நீண்ட பட்டியல் கமலின் நகைச்சுவை உணர்வுக்கு ஒரு சான்று.

கமலின் படங்கள் ஆங்கிலப் படங்களின் தழுவல் என்கிற குற்றச்சாட்டு இன்றும் உண்டு. இருந்துவிட்டுப் போகட்டுமே? ஒரு நல்ல படம்தான் நம் தேவை. அதன் மூலம் பற்றிய கவலை நமக்கு வேண்டாம் என்பதே என் கருத்து.

ஆக, 'சப்பக் / பச்சக்' பாடல்கள் கமலுக்கு மட்டுமே உரித்தானவை. அவரால் மட்டுமே செய்ய முடியும், செயல் பட முடியும்...!

கடோசி - 1

" 'சப்பக் / பச்சக்' பாடல் இல்லையா?" என வருந்தும் பிரியர்களுக்காக ஒரு பாடல்!

'சூர சம்ஹாரம்' படத்தில் 'நிரோஷா'வுடன் கொஞ்சிய கமலை அநேகம் பேர் பார்த்திருக்க முடியாது.... கமல் படுத்தும் பாடு...நிரோஷா படும் பாடு....leaving to you...!

எங்கேயும் எப்போதும்

2011-09-23T09:51:00.005+05:30

தமிழ் சினிமாவுக்கு வருடம் 2011 அவ்வளவு ராசியாகத்தான் இல்லை...

-அரசியல்வாதிகளின் பிடியில் சிக்கி அழிந்து போகும் தயாரிப்பாளர் வர்த்தகம்

-ஓடாத படங்கள் கொண்ட வருடத்தின் முன்பாதி...

-மதுரை, அருவாளை விட்டு வெளி வரமுடியாத இயக்குனர்கள்...

-பெரிய நடிகர்களின் இமேஜில் மக்கிப்போகும் கதைகள்...

இதையும் மீறி வந்த படம் 'தெய்வத் திருமகன்(ள்)'. இப்போது 'எங்கேயும் எப்போதும்'.

எங்கேயும் எப்போதும் ஒரு காதல் படம். ஆனால் மற்றப் படங்களில் வரும் காதல் இதில் இல்லை.

எங்கேயும் எப்போதும் ஒரு சோகப் படம். ஆனால் மற்றப் படங்களில் வரும் திணிக்கப்பட்ட சோகம் இதில் இல்லை.

எங்கேயும் எப்போதும் இளைஞர்கள் நடித்த படம். ஆனால் மற்றப் படங்களில் வருவது போல் 'வந்து' போகவில்லை.

பாடல்கள், இசை, ஒளிப்பதிவு, எடிட்டிங் என எல்லோரும் வரிந்து கட்டி களம் இறங்கி அடித்து நொறுக்கி இருக்கிறார்கள். ரொம்ப நாளைக்குப்பின் சென்னை, திருச்சி-ஐக் கண் முன் கொணர்ந்து நிறுத்தியதற்கும், இயல்பான படத்தைத் தந்ததற்கும் இயக்குனர் சரவணனுக்கு நன்றி.

ஒரு விபத்து வாழ்கையை எப்படிப் புரட்டி போடுகிறது....? என்ன பாடத்தைக் கற்றுக்கொடுக்கிறது? எத்துணை சோகத்தைக் கொணர்கிறது? வாகனத்தை ஓட்டும் ஒவ்வொருவரும் இந்தப் படத்தைப் பார்க்கவேண்டும்...கொஞ்சம் கற்றுக்கொள்ளவும் வேண்டும்!

கடோசி - 1

கமர்ஷியல் இயக்குனராய் முத்திரை பதித்திருக்கும் முருகதாஸ் இதில் தயாரிப்பாளராய் உயர்வு பெற்று...அந்தஸ்த்தைத் தக்க வைத்துக்கொண்டுள்ளார்...இணைந்த 'பாக்ஸ் ஸ்டுடியோஸ்' நிறுவனத்தின் துணிச்சலையும் பாராட்டியே ஆக வேண்டும்.

RIP - Mansur Ali Khan Pataudi

2011-09-22T23:51:00.001+05:30

'Tiger' Pataudi was Test cricket's youngest captain © PA Photos

Mansur Ali Khan Pataudi, who overcame an impaired eye to become a visionary and pioneering captain of the Indian Test team, has died in Dehli at the age of 70. He was suffering from interstitial lung disease. He is survived by his wife Sharmila Tagore, his son Saif Ali Khan and his two daughters Soha and Saba Ali Khan. Tagore, Saif and Soha are prominent actors in India's film industry.

Pataudi played 46 Tests between 1961 and 1975 and was arguably India's greatest captain. He was given the leadership in his fourth Test, when he was 21, in Barbados in 1962, because the regular captain Nari Contractor was in hospital after getting hit on the head by Charlie Griffith. Pataudi was the youngest Test captain, a record that stood until 2004. He led India in 40 Tests and had a successful career despite impaired vision in his right eye, which was damaged in a car accident. He also captained Sussex and Oxford University.

India won nine Tests under Pataudi and it was during his tenure that the team began to believe it could succeed. He advocated the multi-spinner strategy because he believed India needed to play to their strengths and used it to achieve their first overseas Test win, in Dunedin in 1968. India went on to record their first away series victory, beating New Zealand 3-1. Pataudi was the Wisden Cricketer of the Year that year.

Pataudi scored 2793 runs at an average of 35 and made six centuries, the biggest of which was an unbeaten 203 against England in Delhi in 1964. However, many rate his 75, scored on one leg with one eye, against Australia in Melbourne in 1967-68 as his finest. Pataudi retired in 1975 after West Indies' tour of India. After retirement, Pataudi served as a match referee between 1993 and 1996, officiating in two Tests and ten ODIs, but largely stayed away from cricket administration.

Pataudi was the ninth and last Nawab of Pataudi until 1971, when the Indian government abolished royal entitlements through the 26th Amendment to the Constitution.He was also the editor of Sportsworld, the now defunct cricket magazine, and a television commentator in the 1980s but gradually withdrew from an active role, though he remained a strong voice in Indian cricket.

Since 2007, bilateral Test series between India and England have been contested for the Pataudi Trophy, named after his family for their contribution to Anglo-Indian cricket. Pataudi's father, Iftikhar Ali Khan, represented both England and India in Tests. Pataudi had taken ill since his return from England this summer after presenting the Pataudi Trophy to Andrew Strauss at the end of the four-Test series.

Pataudi was also a consultant to the BCCI from 2007 and part of the first IPL governing council but refused to continue in the role in October 2010, when the BCCI made significant changes to the league following the sacking of Lalit Modi as its chairman. As the spate of controversies increased, Pataudi was the only member of the governing council to admit the body's culpability, saying it "failed in its role to monitor the IPL's administration and be more questioning of decisions taken." In an forceful speech at the 2010 Raj Singh Dungarpur memorial lecture at the Cricket Club of India, Pataudi had said it was the duty of the BCCI to take moral leadership of the game.

In April this year, Pataudi also took the BCCI to court in April this year, claiming the board had not abided by its contract with him while he was a consultant as well as a member of the IPL governing council.

At the opening ceremony of the 2011 Champions League Twenty20 today, Ravi Shastri called for a minute of silence in honour of Pataudi.

-espncricinfo.com

பரதேசியின் டைரிக் குறிப்பு - 21

2011-09-21T05:58:00.008+05:30

காதல்....இந்த உணர்வை வார்த்தைகளால் விவரித்துவிட முடியுமா?

இது நம்மைத் தாக்கும்போது எப்படி இருக்கும்? மயிலிறகால் வருடுவது, அன்றலர்ந்த மலரைத் தொடுவது, பனித்துளி மிகுந்த புற்களில் நடப்பது, பல்லிடுக்கில் மாட்டிக்கொண்ட உணவுத்துகள் போல? இல்லை த்சுனாமி, பூகம்பம், புயல், மழை...? இல்லை தினமும் குளிப்பது, பல் துலக்குவது, சாப்பிடுவது போல?!

ஆக, அறுதியிட்டு சொல்ல முடியாத எதோ ஒரு அவஸ்தை நிச்சயம் உண்டு... இந்த அவஸ்தைதான் அடிக்கடி சந்திக்க வைக்கும், பேச வைக்கும், தொடர்பு கொள்ள வைக்கும்..சமயத்தில் மூச்சு முட்ட மூழ்க வைத்து வேடிக்கை பார்க்கும்....!

காதல்-ல் 'அதிர்ஷ்டம்' நிச்சயமாக உண்டு....'கொஞ்சம்' அதிர்ஷ்டம் இருந்தால் 'நம்மாளை' பார்த்தவுடனே பல்பு எரியும்...மணி அடிக்கும்...மனசுல தோன்றியதை உடனே சொல்லி சம்மதத்தை வாங்கிவிடலாம்...!

ஆனால், அதிர்ஷ்டம் 'அதிகம்' இருந்தால் ....'நம்மாளு'க்கு நம்மைப் புடிச்சாலும்...நமக்கு நம்மாளைப் புடிச்சாலும்...அப்பா அம்மா ஒத்துக்கிட்டாலும், சேர முடியாமல் போய்விடும்.....! இதில் தோற்றுப்போவது 'காதல்' இல்லை ...'காதலர்கள்' தான் தோற்றுப்போகிறார்கள். 'காதல்' அவர்கள் உள்ளத்தில், உணர்வில் ..இருந்து கொண்டேயிருக்கும்! இப்பவும் 'வார்த்தைகள்-ல விவரிக்க முடியாது'...அதுதான் காதல்!

கடோசி - 1
-நடித்துக் கொடுத்த கலைஞர்கள் கார்த்திக், மம்மூட்டி, ப்ரித்விராஜ், பிரகாஷ்ராஜ், கமல்ஹாசன், ரேவதி, பானுப்ரியா, சொர்ணமால்யா, கௌதமி அவர்களுக்கு எங்கள் மனமார்ந்த நன்றி...
-இசையமைத்த இளையராஜா, மரகதமணி, வித்யாசாகர் ஆகியோருக்கும் நன்றி...
-பாடிப் பரவசப்படுத்திய எஸ் பி பி மற்றும் சந்த்யா அவர்களுக்கு பெசல் டாங்க்ஸ்!

பரதேசியின் டைரிக் குறிப்பு - 20

2011-09-18T22:47:00.006+05:30

'நகைச்சுவை'னா எப்டி இருக்கணும்...?

மனைவி : டின்னர் வேணுமா?

கணவன்: சாய்ஸ் இருக்கா?

மனைவி: ரெண்டு இருக்கு?

கணவன் (சுவாரஸ்யமாய்) : என்ன?

மனைவி: வேணுமா? வேண்டாமா?

நகைச்சுவைன்னா படிச்சா... பார்த்தா... கேட்டா... உடனே...சிரிப்பை வரவழைக்கணும்... வரணும்... அத விட்டுபோட்டு...

சிரிப்பும் மகிழ்ச்சியும் கூடிய உணர்வை தூண்டும் கலைவடிவங்களை நகைச்சுவை எனலாம். நகைச்சுவை மன இறுக்கம் மன உழைச்சல் போன்றவற்றில் இருந்து மீண்டு ஆரோக்கியமான உடல் மன நிலையைப் பேண உதவும்.

இப்டி விக்கி-யெல்லாம் போட்டு (புல்)'அரிப்பு' வந்துரக்கூடாது....!

'டைமிங்' ரொம்ப முக்கியம்...உதாரணம்...

'காதலிக்க நேரமில்லை' படத்தில்...சச்சு சோகமாக உட்கார்ந்திருக்க நாகேஷ் வருவார்.... உரையாடலைக் கவனியுங்கள்..

நா: என்ன சோகமா இருக்கே?

ச: ஒரு வாரத்துக்கு முன்னால நாய் ஒண்ணு வாங்கினேன்...

நா: சரி அதுக்கென்ன...?

ச: சீசர்-னு பேரு கூட வெச்சேன்...ஆனா நேத்திக்கு செத்து போச்சு...!

நா: பேரு வெச்ச சரி...சோறு வெச்சியோ?!

அதே படத்துல வர்ற இந்த பீசைப் பாருங்க....நாகேஷ், சச்சு, பாலையா - இவங்களோட டைமிங் சென்சு...அடேங்கப்பா...!

'தில்லு முல்லு' பண்ணா கம்பியதான் கவுன்ட் பண்ணோணும்...இப்டி வாய் விட்டு சிரிக்க முடியுமா....ரஜினி, தேங்காய், சௌகார் காம்பினேஷன்-ல 'what a family, what a family?'.....பார்த்தா...ஆடிப் போயிரும் ஆடியன்சு..

இங்க்லீபீசு பேசுணும்னு ஆசையாத்தான் கீது...வரமாடேங்குதே! ஆனாலும், விடாப்புடியா தன்னிய பத்தியும், தன தொழில பெருமை பத்தியும், தன்னோட சகாக்களைப் பத்தியும் இங்க்லிபீசு-ல மௌலி-ண்ணா அடிச்சு விடுறாரு பாருங்க....உங்களால சிரிக்காம இருக்கவே முடியாது போங்க...!

பொய்யைச் சொன்னாலும் பொருந்தச் சொல்லோணும்...பொருந்தச் சொன்னாலும் மெய்ண்டைன் பண்ணோணும்..மெய்ண்டைன் பண்ணினாலும் மாட்டிக்காம இருக்கோணும்.... நம்மாளு 'டணால்' சொல்றதும்...அப்புறமா 'பணால்' ஆவறதையும் பாருங்களேன்...!

கடோசி - 1

சமயத்துல ரொம்ப சீரியஸ் மேட்டர் காமெடி ஆவறதும்...காமெடிப் பேச்சு சீரியஸ் ஆவறதும் அரசியல்ல சகசமப்பா! எவ்ளோ பெரிய உணர்ச்சிகர(ண)மான சீனை 'சிவாஜி புள்ள' காமெடியாக்கிய கொடுமைய என்னனு சொல்ல?! அத்தோட 'மேட்டர்'ஐயும் சேத்து நம்மாளுங்க 'சில்பான்ஸ்'பண்ணத பாத்தா....சான்சே இல்லை!!

பரதேசியின் டைரிக் குறிப்பு - 19

2011-09-11T06:16:00.000+05:30

9/11-க்கு உலகம் தலை குனிந்து மௌனம் அனுஷ்டித்து வரும் மதிப்பிற்குரிய இவ்வேளையில்.... இந்திய அன்பர்கள், முக்கியமாக சுதந்திர வேட்கை, தமிழ் பற்று கொண்டவர்கள் அனைவரும் செய்ய வேண்டிய முக்கியமான கடமை ஒன்றுண்டு....

'அது என்ன?' எனக் கேட்கும் அன்பர்களுக்கு அலுக்காமல் பதில் சொல்ல எனக்குப் பொறுமையும் உண்டு.

பதினான்கு ந(ண்)பர்கள் மட்டுமே கலந்து கொண்ட 'கவிதை'யின் மரண நாளை... எல்லோரும் நினைவில் வைத்திருப்பார்கள் என்கிற நம்பிக்கை எனக்கு என்றுமே இருந்ததில்லை.... நம்மையெல்லாம் தட்டி எழுப்பி, தானும் சுதந்திர கனவு கண்டு, காணி நிலம் வேண்டி 'நெஞ்சில் உரமே' இல்லாத மனிதர்களுக்காக வாழ்ந்த முண்டாசுக் கவிஞன் 'சுப்ரமணிய பாரதி' அவர்களின் நினைவு நாள் இன்றுதான்.

கள்ளைக் கடலமு தை - நிகர்

கண்டதொர் பூந்தமிழ்க் கவிசொ லவே

பிள்ளைப் பருவத்தி லே - எனைப்

பேணவந் தாளருள் பூணவந் தாள்.

என்று கலைமகளைப் பேணுவார்....

பத்துப் பனிரண்டு - தென்னைமரம்

பக்கத்திலே வேணும்;- நல்ல

முத்துச்சுடர் போலே - நிலாவொளி

முன்பு வரவேணும்;- அங்குக்

கத்துங் குயிலோசை - சற்றே வந்து

காதிற் படவேணும்;- என்றன்

சித்த மகிழ்ந்திடவே - நன்றாயிளந்

தென்றல் வரவேணும்!

என்று கனவினில் மூழ்கித் திளைத்திடுவார்...

உழவுக்குந் தொழிலுக்கும் வந்தனைசெய்வோம் - வீணில்

உண்டுகளித் திருப்போரை நிந்தனை செய்வோம்

விழலுக்கு நீர்பாய்ச்சி மாயமாட்டோம் - வெறும்

வீணருக் குழைத்துடலம் ஓயமாட்டோம்

என உரக்க முழங்கிடுவார்....

சாத்திரங்க ளொன்றுங்காணார் - பொய்ச்

சாத்திரப் பேய்கள் சொல்லும் வார்த்தைநம்பியே

கோத்திரம்ஒன் றாயிருந்தாலும் - ஒரு

கொள்கையிற் பிரிந்தவனைக் குலைத்திகழ்வார்;

தோத்திரங்கள் சொல்லியவர்தாம் - தமைச்

சூதுசெய்யும் நீசர்களைப் பணிந்திடுவார்;

ஆத்திரங்கொண் டேயிவன்சைவன் - இவன்

அரிபக்த னென்றுபெருஞ் சண்டையிடுவார்.

என மனம் புழுங்கிடுவார்...

அவரது பாடல்களை அனுபவிப்பதோடல்லாமல், அவர் காட்டிய வழியில் சிறிதேனும் நடக்க முயற்சி செய்தால்...அதுவே இந்தியாவின் வலிமைக்கு வழி வகுக்கும்...!

பரதேசியின் டைரிக் குறிப்பு - 18

2011-09-09T04:22:00.024+05:30

ஒரு இடைவேளைக்குப் பின், அன்பு நண்பர், சென்னை வாசகர் திரு ஜி ஆர் ஷங்கர் அவர்களுடன் பேசும் வாய்ப்பு கிட்டியது. இந்தியாவில் இருந்தபோது (நிலைமையைப் பாரு!), மனிதர் ஒரு அட்டவணையை வைத்துக்கொண்டு முன்னிரவில் அழைத்து பேசத் துவங்கினால்.... பின்னிரவு வரை நீளும். அந்த வாய்ப்பு அயல் நாடு வந்தவுடன் பறிபோய் விட்டது!

ரொம்பவே குற்றஞ்சாட்டினார். 'ரஜினி இன்ட்ரோ சாங்...ஆரம்பிச்சு 5 வரைக்கும்வந்து நிப்பாட்டிடீங்க ..அப்பாலிகா...சிங்கர் சுஜாதா... இப்ப.. பச்சக்...சப்பக்... ஊடால...சம்பந்தமே இல்லாம சினிமாப் பாட்டு போட்டு கேள்வி வேற.. நடுவுல காஃபி... மோகம் , ஈர்ப்பு, சிருங்காரம் ...வேற 'ரச'ங்கல்லாம் அனுபவிக்கறதில்லையா? (யோவ், இன்னொஸன்ட் ரசம் பத்தி மூச்சு விட மாட்டீரே!)..ஆக மொத்ததுல haphazard-ஆ இருக்கு...'

'சரி, நீங்கதான் எழுதுங்களேன்...' என்றேன் அப்பாவியாய்...மனிதர் சைலண்ட்!

Haphazard மீனிங் பாப்போமா? (வுடு ஜூட்-ஆ?! அப்போ straightaa மேட்டர்தான்!) இருந்தாலும்... கடோசி-1 போனீங்கன்னா மீனிங் பாக்கலாம்!

யோசித்தால் அப்பிடித்தான் நான் நெச வாழ்க்கையிலும் இருக்கிறேன் என்று தோன்றுகிறது. அமெரிக்கா (சொல்ல வேண்டாமா பின்னே?!) வந்த புதிதில்....ஆன்லைன் சினிமா பார்த்துத் தீர்த்தேன்...நூலகத்துடன் போராடி கொஞ்ச நாள் படித்துப் பார்த்தேன்....பண்பலை வரிசையில் சில வாரங்கள்...எதுவுமே இல்லேன்னா முகப்புதகம்...சில நாட்கள் வேலை பிய்த்துப் பிடுங்கி, போராட்டம்....எதாவது எழுதியே ஆணும்னு பாட்டு வெச்சி எழுதி....(வித்தியாசமாய் இருக்கட்டுமேன்னு மோகம், ஈர்ப்பு, சப்பக்-னு எடுத்ததால அது வில்லங்கமாயிட்டது!) அப்பப்போ நண்பர் / புலவர் / வாசகர் / கவிஞர் ஜே கே-வ டபாய்ச்சி கவிதை கூட ட்ரை பண்ணேன் ...மோகன் சொன்னாரேன்னு 'சுஜாதா' பாட்டுல விழுந்து கெடந்தேன்....கோஸ் கூட்டு / பொரியல், சே கிழங்கு / வெண்டை / பாகல் பொரியல், பருப்பு ரசம் / சாம்பார், பெஸ்டிவல் டேஸ்ல சேமியா / பருப்பு / பால் பாயசம் (அட நெசம்மா!) ....சமைச்சும் பார்த்தேன்...

ரொம்பவே போரடிச்சு 'ஆடி'யும் பார்த்தேன்...! ஆக, ஒரு 'கெரகம்' மாதிரித்தான் கெடக்கேன்!

எல்லாரைபோல 'சீரியல்', 'சிங்கர்'னு விழுந்து கெடக்காம, எத்தையோ புடிச்சிகிட்டு அலையாம ..இன்னாத்த தேடி அலையுறேன்?! நாயகன் இஷ்டைல்-ல சொல்லோணும்னா 'தெர்லியே?!' என்னிய மாதிரி வோர்ல்ட்ல எத்தினி பேரு கீறாங்களோன்னு தெர்லியே?! இப்டியே தேடிக்கினு இருந்தா முடிவுதான் இன்னா? அதுவும் தெர்லியே?!

திருப்பி கமலாண்டையே போவோம்... 'அனுபவிக்கோணும்...ஆராயப்படாது...' - ஒரு வேளை இதத்தான் செய்யுறேனோ நானு?!!

கடோசி - 1

haphazard (adjective)

a) lacking any obvious principle of organization

b) characterized by lack of order or planning, by irregularity, or by randomness; determined by or dependent on chance; aimless.

c) disorganized, unsystematic, careless, slapdash, helter-skelter

d) வேண்டாவெறுப்பாக,கண்டபடி, தற்செயலாக, ஒழுங்கீனம், தலைகீழாக, முன் பின் யோசிக்காது

எல்லாம் 'சிக்கு'னு போட்ட சொக்கா மாதிரி பொருந்துது பாத்தீங்களா?! இத்த எழுதும்போது கூட அப்டிதான்...வரைட்டி ரைஸ் மாத்ரி வரைட்டி லாங்குவேஜ்-ல எழுதிகீறேன்!

கடோசி கடோசியா - 1

கொஞ்சம் ஃபோட்டோ-வை உத்து, கரீட்டா பாத்தீங்கன்னா மாட்டரு தெர்யும்... என்னவா... அதாம்பா... ஷட்டர் மேல Haphazard Furor-னு அச்சடிச்சாபுல கீதேப்பா...அதேதான்! அம்புட்டுதான்! சாணி எடுத்தாந்து அப்றதுக்குள்ள...நெசம்மாவே வுடு ஜூட்!

கமலஹாசன் அவர்களின் 'சப்பக்' (அ) 'பச்சக்' பாடல்கள் - 2

2011-09-08T05:20:00.002+05:30

பொன்மேனி உருகி, நிலா காய்ந்து, பூவெடுத்து வைத்தாகி விட்டது....

இனி....

'போதுமா முத்தம்'? அதுவும் நம் கமலுக்கு??! புதுமுக ஷோபனாவுடன் இரவில், வெளியிலா/உள்ளிலா என யூகிக்க முடியாத தளத்தில், இளையராஜா இசையில் எஸ் பி பி, ஜானகி பாடிய பாடலில் 'போதாதே, முத்துச்சரம், நாணுமே, விதிவிலக்கு, காமம் வண்டு' எனச் சரளமான வார்த்தைகளில் வரும் 'சத்தம் போடாத முத்தம்'...அந்நாளைய தொலைக்காட்சியில் 'சென்சார்' செய்யப்பட்டாலும், 'சப்பக்' பாடல் நான்கில்....ரசம் சற்றுக் 'சப்'தான்!

சாதாரணமான கமல், 'பால் நிலா ராத்திரி, பாவை ஓர் மாதிரி' என்று அழைத்தால் 'சுஸ்த்'தாகி...'அழகு ஏராளம்...' என்று பின்னாடியே வந்துவிட மாட்டாரா...?! தர்மாவதி ராகத்தில்...இளையராஜாவின் கொஞ்சும் இசையில்...எஸ் ஜானகி, எஸ் பி பி குரல்களில்....'மீண்டும்...மீண்டும் வா' என்று டிம்பிளை அழைத்துக் 'கதாநாயகியாய்'த தொடங்கி வைத்தது...இன்று 'வடக்கு இறக்குமதி'யைச் சர்வ சாதாரணமாக்கிவிட்டது...! 'சரசக்கலையைப் பழகிப் பார்த்தால் விரசம் கிடையாது' என் வரிகள் சொன்னாலும்....'பச்சக்' ஐந்தாகிவிட்டதே ராஜசேகரய்யா..!.

'என்ன சத்தம் இந்த நேரம்?' என்கிற அதட்டலான தொனி கூட 'மன்னர்' கமலின் நடிப்பில் மென்மையாகி, நம்மைப் 'புன்னகை' க்க வைக்கிறதை நினைத்தால்....அடடா! கடலோரக் கவிதையுடன், பொங்கும் அருவியின் பின்னணியில், தாலாட்டும் இசையில், எஸ் பி பி மென்மையில்....கமலின் குரலினூடே அமைந்த இந்தப் பாடல்....'நெருக்க்க்கக்' காதலர்களுக்கு என்றும் பொருந்தும், கமல் ஸாருக்கு மட்டுமே அமையும் 'பச்சக்' பாடல் ஆறு...!

-'பச்சக்' தொடரும்!

பரதேசியின் டைரிக் குறிப்பு - 17

2011-09-06T09:09:00.010+05:30

எழுத்தால் பிழைக்க வேண்டிய கட்டாயம் இல்லாத எழுத்தாளனுக்கு சன்மானம் பெரிசல்ல. பத்திரிகை வெளிவந்த அன்று அதை வாங்கி அவசரமாகப் புரட்டி கதை வந்திருந்தால் அதை பெட்டிக்கடையோ ரெயில்வே பிளாட்பாரமோ அங்கேயே உட்கார்ந்து கொண்டு தான் எழுதியதை யாரோ எழுதியதுபோல் படித்து மற்ற பேர் படிக்கையில் ஓரக்கண்ணால் எட்டிப்பார்த்து அதில் ஏற்படும் சந்தோஷம், இன்பம், மகிழ்ச்சி, உவப்பு, களிப்புக்கு ஈடென வாழ்க்கையில் எதுவும் இல்லை.

அந்த சந்தோஷம்கூட எனக்கு எழுத ஆரம்பித்த ஓரிரு ஆண்டுகளிலேயே விலகிவிட்டது. காரணம் ஆசிரியர்கள் கேட்டுக்கொள்ள நான் எழுதி அனுப்பிய தலைகீழ் முறையில், பிரசுரமாவதில் உள்ள எதிர்பாராத தன்மை விலகிவிட்டது.

ஆற அமர வார்த்தைகளைச் செதுக்கி அடித்துத் திருத்தி...இதற்கெல்லாம் சமயமின்றி எழுத ஆரம்பித்த கதைகள் பல சந்தர்ப்பங்களில் தன்னையே எழுதிக்கொண்டவை. இந்தக் கதைகளில் இளம், புதிய எழுத்தாளர்களுக்கான பாடங்கள் உள்ளன என்றால் எனக்குத் தோன்றுபவை.

1 . என் எழுத்து நடையைப் பின்பற்றாதீர்கள். இதை parody செய்வதுபோல் ஆகிவிடும். உங்களுக்கென்றே ஒரு நடைவேண்டும். அது உங்களுக்குள் ஒலிக்க வேண்டும்.

2 . முழுக்க முழுக்க கற்பனையான எழுத்தில் எழுத முடியாது. இந்தத் தொகுப்பில் உள்ள அத்தனை கதைகளும் நான் பார்த்த, கேட்ட பங்கு பெற்ற சம்பவங்கள். அவைகளை அப்படியே எழுதாமல் பெயர், இடம், காலம் இவைகளை மாற்றி மற்ற நிஜ வாழ்க்கை சம்பவங்களையும் உரையாடல்களையும் கலந்து எழுதியிருக்கிறேன். இந்த முறைதான் என் வெற்றிக்குக் காரணம்.

3 . நிறைய, மிக நிறையப் படிக்க வேண்டும். கதை எழுதுவதற்கு மட்டுமின்றி சில கதைகளை எழுதாமல் இருப்பதற்கும் அது உதவும்.

4. பண்டைத் தமிழ் இலக்கியங்கள் நிச்சயம் படிக்க வேண்டும். அது நம் மரபு மட்டுமன்றி இந்த மொழியின் பல்வேறு வாய்ப்புகளை நமக்குக் காட்டும். நல்ல தமிழ் எழுதப் பழகுவது நல்ல பேனாவை, நல்ல தூரிகையை வைத்துக்கொண்டு சித்திரம் வரைவது போல.

இக்கதைகளை நாற்பதாண்டுகாலம் எழுதிவந்தவன் என்கிற தகுதியில் இன்று இவைகளைப் பற்றி என் எண்ணம் இதுதான். எனக்கு அப்பாலும் இவை வாழும் வலுவான சாத்தியங்கள் உள்ளன.

உயிர்மை வெளியீடான 'தேர்ந்தெடுத்த சிறுகதைகள் - இரண்டாம் தொகுப்பு' நூலின் எழுத்தாளர் சுஜாதா அவர்களின் முன்னுரையிலிருந்து...

எல்லாமே கடல் முத்துக்கள் என்றாலும், ஒரே ஒரு சிறுகதை (கேட்ட கதை) என் மனதை disturb(தமிழ் வார்த்தை?!)செய்து, இன்னும் அகல மறுக்கிறது....

கிருஷ்ணன் என்கிற நபரைப் பார்க்க நண்பன் சுதாமன், மகள் சுகந்தியோடு வருகிறான். ஒண்ணாங்கிளாஸ் நண்பன் தன்னைக் கண்டு கொள்வானா என்கிற கவலை சுதாமனுக்கு. ஆனால், செல்வச் செழிப்புள்ள கிருஷ்ணன் நண்பனை இனங்கண்டு குசலம் விசாரித்து, தன்னுடைய weaknessஐயும் (புடவை துரத்துதல்!) விவாதித்து, நன்கு உபசரித்து, வேண்டிய உதவிகளைச் செய்து, மகள் சுகந்தியை அனுமதிக்காத செயலாளினியைத் திட்டி, நண்பன் இடுக்கண் நீக்குகிறான். வீடு வருவதற்குள், அமைப்பே மாறி, நிலைமை தலை கீழாகி விடுகிறது! 'கேட்ட கதை'யாக இருக்கிறதா??!! கதை முடியவில்லை.

சுஜாதா பின்குறிப்பை அப்டியே தந்திருக்கிறேன்....

இந்தக் கதை ஒரு புராணக்கதைபோல, கேட்ட கதை போல இருப்பதை, உங்களில் பல புத்திசாலிகள் கவனித்திருக்கலாம்! ஆம். அந்தக் கதை போலத்தான் இது. ஆனால் ஒரே ஒரு சின்ன வித்தியாசம். ஒரு வாரத்துக்குள் இந்தக் கிருஷ்ணனுக்கு சுகந்தியை அனுப்ப வேண்டியிருந்தது.

இன்றைய காலகட்டத்துக்கு ஒன்றும் புதிதான கதை அல்ல இது. ஆனால் 1983-ல்? நம்மை இப்படிப் புரட்டிப் போட, அயர வைக்க சுஜாதா ஒருவரால் மட்டுமே முடியும்!

மங்காத்தா!

2011-09-01T11:56:00.003+05:30

தல ரசிகர்களுக்கு

'போங்கு' -ஆத்தா!

(படம் பாத்தவங்களுக்கு புரியும்!)

மத்தவங்களுக்கு

'மொக்கை'-ஆததா!

கமலஹாசன் அவர்களின் 'சப்பக்' (அ) 'பச்சக்' பாடல்கள் - 1

2011-08-31T08:17:00.007+05:30

அன்றும் இன்றும் கமலஹாசன் அவர்கள் என்றால் நினைவுக்கு வருவது 'நடிப்பு' மற்றும் 'முத்தம்' (?!). மூன்று முறை தேசிய விருது பெற்றாலும், 'சிருங்காரம்' என அழகுத் தமிழில் அழைக்கப்படுவதைத் தனது படங்களில் செருகுவதைக் குறைத்துக் கொண்டதேயில்லை. சராசரி மனிதர்களை பெருமூச்சு விட வைத்தாலும்.... பாடல்களில் ஒரு க(ம)லை நயம் இருப்பதை யாராலும் மறுக்க / மறக்க முடியாது!

அது சரி 'சப்பக்' (அ) 'பச்சக்' என்றால் என்னபா? சரியான பதிலைத் தர மூன்று பேர் மட்டுமே உண்டு...

அரபு வாசகர் எனது அருமை 'பெரியண்ணா' திரு சங்கர் அவர்கள்...

சென்னை வாசகர், அருமை நண்பர், கவிஞர் திரு ஜே கே அவர்கள்...

சென்னை வாசகர், அருமை நண்பர், திரு தியாகராஜன் அவர்கள்...

ஏனையோர்களும் முயற்சி செய்யலாம்!

கமலின் பொன்மேனி சிலுக்காய் உருகுவதைப் பார்த்து ரசிக்காதவர்கள் இங்குண்டோ? 1983-ல் பரபரப்பையும், சர்ச்சையையும் ஏற்படுத்திய மூன்றாம் பிறை காவியத்தின் களங்கம். கமல தனது மெல்லிய நடன அசைவில், சிலுக்கைத் தூண்டுவது போல, 'ஐஸ்' ஜானகி குரலில் அமைந்திருக்கும் பாடல்..அடடா! இளையராஜா இசையில், ஊட்டி குளிரில், ஆடை குறைந்த, அவுட்டோரின் தெகிரிய ஒளிப்பதிவில் இதோ வருகுது 'பச்சக்' பாடல் ஒன்று....

மீண்டும் நிலா...இந்த முறை முழுமையாகக் காயுது..! வேறு யாராய் இருந்தாலும் ஆபாசமாய்ப் போயிருக்கும் பாடலைக் கமல் ஆள்வதைப் பார்க்கும்போது...மனிதருக்கு 'நேரம் நல்ல நேரம்' என்றுதான் நினைக்கத் தோன்றும். களத்துமேட்டை ஸ்டுடியோவுக்குள் அடக்கி, atmosphere-ஐக் கொணர்ந்து (அந்தக் காலத்தில் அப்பிடிதான் எடுப்பார்களாம்!), நெருக்கத்தைப் படம் பிடித்திருக்கும் எஸ் பி எம் அய்யா....பிடியுங்கள் 'சப்பக்' பாடல் இரண்டை...

'காயும் நிலா'வை வீணாக்காது 'பூவெடுத்து வைக்கும்' கமல்....ஸ்ரீதர் அவர்கள் இயக்கத்தில் பல சர்ச்சைகளுக்கு பின் வெளி வந்த, வந்த வேகத்தில் உள்ளே போன படம்...இதுவும் இண்டோரில் எடுக்கப்பட்டது...இதுவும் அம்பிகாவோடு....'பூவெடுத்து' கமல் பின்னால வைத்தால் 'சொக்காமல்' இருக்க முடியுமா என்ன?! ....எஸ் பி பி குழைவில், எஸ் ஜானகி நெருக்கத்தில், மயக்கும் இசையில் அநேகருக்குத் தெரியாத 'சப்பக்' பாடல் மூன்று...

-'பச்சக்' தொடரும்!

பரதேசியின் டைரிக் குறிப்பு - 16

2011-08-29T08:39:00.003+05:30

நான் உறங்கும் நாள் வேண்டும்...

சாய்ந்து கொள்ள தோள் வேண்டும்...

என் கண்ணில் நீர் வேண்டும்...

சுகமாக அழ வேண்டும்...!

நன்றி கவிப்பேரரசு அவர்களே....!நன்றி.. ஒவ்வொரு முறை கேட்கும்போதும் இவை அனைத்தும் நம் கூட இருப்பது போல எழுதியமைக்கு! சோகத்தைக் கண்களை தேக்கி வைத்திருக்கும் மாதவி - அனுசரணையாய் சூப்பர் ஸ்டார் - இதமான ஒளிப்பதிவு/இசை...போதாதா? பார்த்துக்கொண்டே இருக்கலாமே!

மெட்டமைத்த-தென்னவோ எண்பதுகளில்...அன்றும் என்றும் இளமையாய் இருப்பது எப்படி?! இசை 'இளைய'ராஜா - இளமைக்கு என்ன குறைச்சல்...?! அதுவும் ஆர்யா, த்ரிஷா இருக்கும்போது 'சர்வம்'-ம் இளமைதானே...காதலை கதையாகவும் சொல்லலாம்...இது போல கவிதையாகவும் சொல்லலாமே?!

மேன்மையான இசை, வளமான பின்னணிக் குரல்கள், நெஞ்சை அள்ளும் வரிகள்...இருந்தும்...'டிப்பிகல் எண்பது' படமாக்கப் பாடல்களில் ஒன்றாய்ப் போனது துரதிர்ஷ்டம்....ஜானகி அம்மாவின் ஹம்மிங்-ஐ ரசிக்காதவர்கள் உண்டோ இங்கு?!

பரதேசியின் டைரிக் குறிப்பு - 15

2011-08-25T08:44:00.011+05:30

ஈர்ப்பு என்கிற சொல்லுக்கான அர்த்தத்துடன் நமது பதிவைத் துவங்குவோமா?! (வர வர 'மா நன்னன்' வாழ்க்கைக் கல்வி, தொலைக்காட்சித் தொடர் போல...என்னய்யா இது?!)

'ஈர்ப்பு' என்பது பெயர்ச்சொல்.

1. கவர்ச்சி, வசீகரம், மோகனம் (வசீகரன், மோகன் பெயர்கள் இதிலிருந்துதான் வந்தனவோ?!)

2. இழுப்பு (புவியீர்ப்பு - நியூட்டனின் மூன்றாம் விதி?!)

ஆங்கில மொழிபெயர்ப்பு இன்னும் சுவாரசியம்...

1. attraction

2. pull

'ஈர்ப்பு' எனும் வார்த்தைக்குப் பாலியல் ரீதியான அர்த்தம் ஒன்றைப் பின் குறிப்பில் கொடுத்திருக்கிறேன். ஆர்வமுள்ள வாலிப / வயோதிக வாசகர்கள் அப்டியே தாவி பி.கு.-விற்குப் போகவும்!

விருப்பிமில்லாது நடிப்போர்கள் மேல படிக்கலாம்.

முகப் புத்தகத்தில் எழுதியது...

//கவிஞர் தாமரை மீதான மதிப்பு அதிகரித்துக்கொண்டே போகிறது. வாரணம் ஆயிரம் / வி தா வ படங்களில் வரும் ஒரு பாடலில்...ஒரு அரிதான (rare) தமிழ் வார்த்தையை உபயோகித்திருப்பார். எனக்குத் தெரிந்தவரை இந்த வார்த்தையை உபயோகித்த பாடல்கள் இல்லை எனத்தான் நினைக்கிறேன். அது என்ன? - பாடல்களைக் காதுகளிலேயே ஒலிக்க வைத்துக்கொண்டிருக்கும் அன்பர்களே, யோசியுங்கள். அல்லது எனது பதிவுக்குக் காத்திருங்கள்! //

சூர்யா, பெண்களை ஈர்க்கத் துவங்கிய பின்னும் கூட, 'பெண்ணே உன் மேல் பிழை' என அழகு காட்டிப் பாடும் பாடல்....அடடா...என்ன ஒரு இளமை...?!

பொன் வண்ணம் சூடிய காரிகை

பெண்ணே நீ காஞ்சனை...!

என ஆரம்பித்து,

ஏதோ ஒன்று என்னை ஈர்க்க,

மூக்கின் நுனி மர்மம் சேர்க்க,

கள்ளத்தனம் ஏதும் இல்லா

புனைகையோ போகன்வில்லா...

காதலில் மூழ்கியதை என்றென்றும் கேட்கலாம்...பார்க்கலாம்!

ஸ்ரேயா கோசல் மென்மையில் 'மன்னிப்பாயா' கேள்வி தொடுத்து மறக்கும்படி கொஞ்சும் போது, எங்கிருந்தோ 'திடுக்'கென எட்டிப் பார்த்து, ஏ ஆர் ரெஹ்மான்......

'தொலை தூர வெளிச்சம் நீ...

உனை நோக்கியே எனை ஈர்க்கிறாய்!'

மேலும்... மேலும்... உருகி... உருகி...

உனை எண்ணி ஏங்கும்

இதயத்தை... என்ன செய்வேன்....?

எனக் குரல் கொடுத்து வருடியதை, அதனால் நம் மனம் நெருடியதை மறக்க முடியுமா?! அல்லது சிம்பு, த்ரிஷா-வை 'இச்'னு எச்சப்படுத்தியதை-தான் மறக்க முடியுமா?!

தாமரை அவர்கள், இவை தவிர வேறு எங்கும் உபயோகிக்கவில்லை என இன்று 'மாலை இள(ம்) வெயில் நேரம்' வரை நினைத்திருந்தேன்....இல்லை எனத் தெளிந்த போது 'அங்கே தொலைந்தவன் நானே!'-அம்மணி...கலக்கிப்பிட்டீங்கோ! அடடா! அனைவரையும், ஆமீரையும் கூட, பாடு படுத்திய பாட்டல்லவா இது?!!

அவள் நின்று பேசும் தருணம்...

என் வாழ்வில் சர்க்கரை நிமிடம்...

ஈர்க்கும் திசையை அவளிடம் கண்டனே...!

பின் குறிப்பு:

1. நேராய் வந்தவர்களுக்கு - உங்களுக்கு 'அது' மேல் ஈர்ப்பு இருக்கிறது! - என்ன கொஞ்சம் பொறுமை மிஸ்ஸிங்! (ஹி..ஹி..!)

2. பொறுமையாய் வந்தவர்களுக்கு - உங்களைப் போல் வாழ்க்கையை ரசிப்பவர்கள் யாரும் இருக்க முடியாது - நிச்சயமா உங்களோட 'அவங்க'ளுக்கு உங்க மேல ஈர்ப்பு என்னிக்கும் உண்டு!!!

3. 'என்னடா மோஹம்-ங்கறான், ஈர்ப்பு-ங்கறான், மாமி இல்லை, தனியா கீறான்' எனச் சந்தேகப்படும் சாமானியர்களுக்கு....'எனக்கு 'ஆத்து மாமி', அப்புறமா தமிழ் மேலதான்யா மோஹம், ஈர்ப்பு - வேற மேட்டர் இல்லைய்யா' என 'பாப்பையா' அவர்கள் பாணியில் பணிவுடன் சொல்லி விடை பெறுகிறேன்.

என்றும் சுஜாதா - 1

2011-08-21T08:31:00.000+05:30

படிக்குமுன், சில வார்த்தைகள்...எனக்கும் இசைக்கும் 'அவ்வளவாக' சம்பந்தம் இல்லை. படத்தைப் பற்றிய 'என் பார்வை'-யில் கூட, பாடல்களைத் தொட்டு விட்டுத்தான் போவேன். பாடல்களின் வரிகளை ரசிக்கத் தெரிந்த அளவிற்கு, இசை / பாடகர்கள்-ஐப் பற்றித் தெரியாது. இந்த நேரத்தில் எனக்குத் தெம்பு கொடுத்து 'எழுதுங்க தல, உங்களால முடியும்' என்று எழுதவைத்த திரு மோகன் அவர்களுக்கு நன்றி பல. தொடர்ந்து எழுதி, இனிமையான முடிவைக் கொடுக்க முடியும் என்கிற நம்பிக்கையைக் கொடுத்தவரும் அவர்தான்.

சுஜாதா என்கிற பெயருக்கும் தமிழ் / சினிமா-வுக்கும் நேரடித் தொடர்பு இருக்கிறது.

சுஜாதா என்கிற பெயரில் திரு ரங்கராஜன் எழுத்தில் துவங்கி, வசனம் / திரைக்கதையில் முத்திரை பதித்தது..

சுஜாதா என்கிற பெயரில் அறிமுகமாகி, 'பெண்மை'க்குத் தனி அந்தஸ்தைத் திரையுலகத்திற்கு தந்து, கோலோச்சிய நாயகி..

எனத் 'தமிழ்' இவர்களை நிரந்திர சரித்திர / இலக்கிய / சினிமா ஏடுகளில் தக்க வைத்துக்கொண்டது.

காலன் இவர்களைத் தத்தெடுத்துக் கொண்டாலும், தமிழுக்கு 'சுஜாதா' பெயர் மீது கொண்ட மோகம் ஏனோ குறையத்தான் இல்லை. இவர்களுக்கு ஈடு கொடுக்கும் வகையில்...ஒரு படி மேலே போய் 'தமிழ்', இன்னுமொரு 'சுஜாதா'வைக் கொணர்ந்தது.

ஆம். 'சுஜாதா' என்கிற பெயர் கொண்டு, தனது தேனினிய குரலால் இன்றும் சினிமா இசைப் பிரியர்களைக் 'கட்டு'க்குள் வைத்திருக்கும் 'பின்னணிப் பாடகி' எனும் மந்திர ராணிக்கு இந்தத் தொகுப்பு ஒரு சிறிய முயற்சி, அர்ப்பணம்.

ஒரு சிறிய 'சுஜாதா' முணுமுணுப்போடு துவங்குவோமா?!

சுஜாதா வாழ்க்கையில் நெறைய ஆச்சர்யங்கள்...

-இரணடு வயதில் தந்தையைப் பறி கொடுத்தது..

-ஏழு வயதில் 'பாட்டு'-ப் பணியை துவக்கியது

-பத்து வயதில் திரு கே ஜே யேசுதாஸ் அவர்களோடு மேடையில் இணைந்து பாடியது

-பதினோராவது வயதில் மலையாள சினிமாவில் பாடகியாக அறிமுகமாகியது

-ஹிந்துஸ்தானி இசையில் தேர்ச்சி பெற்றிருப்பது

-ஃபினிக்ஸ் பறவையாய் எழுந்து, தமிழ் சினிமாவை 'ஆளுமை'ப் படுத்தியது

என சுஜாதா வாழ்க்கையில் நெறைய அதிசயங்கள் உண்டு.

கொச்சி கலபாவனில் சேர்ந்து, பயின்ற சுஜாதாவிற்கு பாடுவதென்றால் அவ்வளவு விருப்பம். ஏழு வயதில் சரளமாய்ப் பாடுவது சாமான்யமா என்ன? பாட்டுப் போட்டிக்குத் திரு யேசுதாஸ் அவர்கள் தலைமை என்றவுடன் 'குஷி' தாங்கவில்லை குழந்தைக்கு. 'பாடி'க் காட்டலாம் என்றிருந்தவளுக்குப் பேரதிர்ச்சி. கலாபவன் நடத்தும் போட்டி என்பதால், அதன் உறுப்பினர் என்கிற வகையில் 'சுஜாதா' பாட முடியாதாம்! அழுகை பொத்துக் கொண்டது...பார்த்தார் யேசுதாஸ். 'வீட்டுக்கு வரேன், பாடிக் காண்பியேன்' என்றார். வந்தார்...பின்பு என்ன?

சரித்திரம் எழுதப்பட்டது. இசைக் குழுவில் இணைத்துக் கொண்டார். திரு யேசுதாஸ் அவர்களுக்குச் சமமாய், இசைக் குழுவில், மேடையில், ஜோடிப் பாடல்களை சுஜாதா பாடிய போது...நம்புங்க அய்யா...வயது பத்துதான்!

'திரு எம் கே அர்ஜுன் அவர்கள் இசையில், 'டூரிஸ்ட் பங்களோ' (மலையாளம்) படத்தில் 'கண்ணெழுதி பொட்டுதொட்டு' தான் நான் பாடிய முதல் பாடல். அப்போது நான் ஆறாவது படித்துக் கொண்டிருந்தேன்!' என்று சுஜாதா பேட்டியில் குறிப்பிட்டிருக்கிறார். ஆக, சுஜாதா வாழ்க்கையில் மற்றுமொரு மைல்கல்.

இந்தப் பாடலை வலைத்தளத்தில் தேடித் பார்த்தும் கிடைக்கவில்லை. படிக்கும் அன்பர்களிடம் இருந்தால் பகிர்ந்து கொள்ளவும்.

மலையாளத்திலிருந்து தமிழுக்கு வந்தது எப்படி? அதற்கும் யேசுதாஸ் அவர்கள்தான் காரணம் என்கிறார் சுஜாதா. ராஜா அவர்கள் 'பார்வை'-ல் பட்ட அடுத்த நாள் பாடுவதற்கான வாய்ப்பு....படத்தின் பெயர்...சுஜாதாவிற்குப் பொருத்தமான பெயர் 'கவிக்குயில்'! குயிலின் கானம்...இதோ துவங்கி விட்டது!

'காதல் ஓவியம் கண்டேன், கனவோ, நினைவோ' பாடலைக் கேட்க இங்கே சொடுக்கவும்

Ghazal பாணியில் அமைந்திருந்த பாடலை சுஜாதா ரொம்பவும் அருமையாகக் கையாண்டிருப்பதைக் கண்டு எனக்கு வியப்பு. ஹிந்துஸ்தானி இசையில் அப்போதே தேர்ச்சி இருந்ததா என்பதற்கான தகவல்கள் இல்லை. என்ன காரணங்களினாலோ, பாடல் படத்தில் இல்லை.

சுஜாதா அயரவில்லை. ராஜாவும் விடவில்லை. வாய்ப்பு 'காயத்ரி' வடிவத்தில் வந்தது. முதலிரவை அனுபவித்த பெண்ணின் அடுத்த நாளைய நெகிழ்வான மன நிலை அது....பாடலின் முன் 'ஹம்மிங்', கொஞ்சம் இளமை, மீதம் முதிர்ச்சி என்கிற அளவில் பாடி அசத்தினார். பதின்மூன்று வயதுச் சிறுமிக்கு மீறிய பாட்டு அது.

'இந்த ராகம்'தான், இல்லையில்லை 'ராகமே' இல்லை என ராகப் பிரியர்கள் முட்டி மோதிக்கொள்ளும் ராஜாவின் பாட்டுக்களில் ஒன்று. அதுவும் அதிகாலையில் கேட்டுப் பாருங்கள்! லயித்துப் போவீர்கள்!

இனி வரும் பாடலுக்கு அறிமுகம் வேண்டுமா என்ன? 'எஸ் ஜானகி' என்றேன்...நண்பர் மோகனோ 'தல! நான் கூட ஜெஸ்ஸி-யோன்னு நெனச்சேன்' என்றார்!

பாடலின் முன் ஹம்மிங் (மீண்டும்!), கொஞ்சமாய் மழலை தொனித்த குரலில் 'இசையை அணைத்து'ச சென்றதை யாரால் மறக்க இயலும்?!

'ஒரு இனிய மனது' -ல், இசை ரசிகர்களின் மனதில் சிம்மாசனம் போட்டு அமர்ந்தார் 'இளவரசி' சுஜாதா.

நான் ஒரு ஒற்றுமையை இந்தப் பாடல்களில் கவனித்தேன். மூன்றின் நாயகி / வாயசைப்பு ஸ்ரீதேவி. வெவ்வேறு நிலைகளைக் கொண்ட பாடல்கள் இவை. 'டீன்'களில் இருக்கும் சிறுமி, அதற்கேற்பப் பாடியிருப்பது மிகவும் ஆச்சர்யம் / வியப்பு.

மலையாளத்தைத் தாய் மொழியாகக் கொண்டு, கொஞ்சம் கூட 'வாசனை' வராமல் சுஜாதா முதலில் பாடிய மூன்று தமிழ் பாட்டுக்கள் அவரை இமயத்தின் உச்சிக்குக் கொண்டு சென்றிருக்க வேண்டும். அது நடந்ததா?

-பயணம் தொடரும்

பரதேசியின் டைரிக் குறிப்பு - 14

2011-08-20T09:41:00.015+05:30

நண்பர் திரு தியாகராஜன் அவர்களோடு பேசும்பொழுது, காஃபி பற்றிய பேச்சு எழுந்தது. 'நான் லியோ காஃபி-தான் குடிப்பேனாக்கும்' என்றார்! 'அடடா...!" என்று நாக்கைக் கடித்துக்கொண்டேன். லியோ-வும் நரசுஸ்-ம் நம்மை ஆண்ட காலத்தை மறக்க முடியுமா?

தமிழை உலகம் முழுதும் அறிய வைத்த 'காலத்தை வென்ற ரசனை இதுவே' ரஹ்மானை யாரால் மறக்க இயலும்? லியோ காஃபியின் விளம்பரங்கள் அந்தக் காலத்தில் மிகப் பிரபலம்!

இன்று இதைப் பார்க்கும்போது இவர் என்ன நினைத்துக் கொள்வார்? 'எப்படி இருந்த நான் இப்டி ஆயிட்டேன்?!' அட! நம்ம அர்விந்த் சாமிங்கோ அம்மணி!

என்னதான் வருடங்கள் உருண்டாலும் அதே பின்னணியில் இன்றைய 'காலத்தை வென்ற ரசனை'யைப் பாருங்கள்!

'பேஷ்! பேஷ்! காஃபி-னா அது நரசுஸ் காஃபிதான்...பேஷ்! பேஷ்! ரொம்ப நல்லாருக்கே' என்று சம்பந்தி உசிலைமணி ஆடியதை மறக்கத்தான் முடியுமா? (எழுத மறந்துட்டேனே, மறந்துட்டேனே!)

'பேஷ்..பேஷ்'-ஐத் தூக்கிச் சாப்பிடுவது போல வந்தது 'தேங்காய்' சுனாமி. பிராமணத் தம்பதிகளாய்த் தேங்காய் மற்றும் மனோரமா. விடுவாரா தேங்காய்?! இந்த விளம்பரத்தைப் பார்த்து விட்டு உங்களால் சிரிப்பை அடக்க முடியவே முடியாது!

இதே 'நரசுஸ்' நிறுவனத்தின் இன்றைய விளம்பரத்தைப் பார்க்கும்போது....அடடா...எல்லாம் மாறினாலும் 'பேஷ்..பேஷ்' மட்டும் அப்படியே!