கனவுகளை விதைத்துவிடு!

அதிகம் பேசப்படும் 'இன்ஸெப்ஷன்' எனும் ஆங்கிலப் படத்தைக் காண நேர்ந்தது.



எனக்கு ஓரளவுக்குத்தான் புரிந்தது என்று சொல்லிக்கொள்வதில் வெட்கம் ஏதுமில்லை. 'கனவுகளை ஒருவரின் ஆழ்மனதில் விதைக்கமுடியும்' என்கிற கோணம், 'கனவுகளில் சிக்கி வாழ்வை இழக்கும் (அ) இழந்து கொண்டிருக்கும்' கதாநாயகன் என்று கதை நகர்கிறது. தொழில்நுட்பத்திலும், இசையிலும், எடுத்துக்கொண்ட கருவிலும் (புரியாவிட்டாலும் கூட) பிரமிப்பை ஏற்படுத்துகிறது. என்னுடைய சக ஊழியர் அழகாக விவாதித்து, எனக்குப் புரிய வைத்தார்.

சாரு நிவேதிதா(அவரே இருமுறை பார்த்திருக்கிறாராம்! அப்படியென்றால் நானெல்லாம் எந்த மூலை?!) அவர்களின் கோணம் சுவாரஸ்யமாயிருந்தாலும், படத்தை இன்னும் பார்க்காதவர்கள், இதைப் படிக்க வேண்டாமெனக் கேட்டுக்கொள்ளப்படுகிறார்கள்( படம், கதையுடன் விரிவாக விவரிக்கப்பட்டு, ஆராயப்பட்டிருக்கிறது).

இந்தப்படம் எனது தம்பிக்கும், அண்ணாத்தைகளுக்கும், ஜேகே / சந்தர் / நாக் / ஸ்ரீராம் / அபி / சின்ன சுவாமிஜி போன்றவர்களுக்கு நிச்சயம் புரியும் / பிடிக்கும். அதுவும், மனித மூளையினை ஆராயும் அண்ணாத்தை திரு ஸ்ரீதர் அவர்களுக்கு ரொம்பவும் பரிச்சயமாயிருக்கும்.

மல்டிப்ளக்ஸ் அரங்கில், துல்லிய (எ) உயரிய தரத்தோடு பார்க்க வேண்டிய அற்புதம் 'இன்ஸெப்ஷன்'.

பின் குறிப்பு: சென்னை வாசகர் திரு ஜி.ஆர். ஷங்கர் அவர்களுடன் பேசும்போது 'பார்க்கப்போவதாய்' சொன்னார்; பார்த்துவிட்டு என்னதான் எழுதப்போகிறார்?!