பரதேசியின் டைரிக் குறிப்பு - 7

யார் அந்த நிலவு?

பாட்டிற்குப் பின்னால் ஒரு சுவாரஸ்யமான கதை உண்டு (ஆதாரம்: மெல்லிசை மன்னர் அளித்த பேட்டி)

மெல்லிசை மன்னர் போட்ட மெட்டுக்கு, நிமிடங்களில் பாடல் வந்து விட்டது கவியரசுவிடமிருந்து! உடனே, திரு டி எம் எஸ் அவர்களைப் பாட வைத்து விட்டார். இனி, சிவாஜி ஸார் அவர்கள் கேட்க வேண்டியதுதான் பாக்கி...

சிவாஜியைப் பாடல் கேட்க வைத்திருக்கிறார்கள் - முடிந்தபின் சிவாஜியிடமிருந்து நோ ரியாக்ஷன். 'என்ன பாட்டு பிடிக்கவில்லையோ?' என்கிற கவலை...கொஞ்ச நேரம் மௌனத்தில் கரைந்த பின் சிவாஜி 'நீங்க போட்டிருக்கிற மெட்டு, கண்ணதாசன் அவர்கள் எழுதிய வரிகள், இதுக்கு மேலே டி எம் எஸ் பாடின விதம் - இதை மேட்ச் பண்றாப்பல நான் நடிக்கணுமே? அதைத்தான் யோசிச்சுகிட்டிருக்கேன். ஒரு நாள் டைம் கொடுங்க...என்னால முடிஞ்சதைப் பண்ணிடறேன்' என்றாராம்! ஒரு நாள் கழித்து, பாடல் எடுக்கப்பட்டதாம்!

அப்படி வந்த பாட்டுதான் இது...படம் ரிலீஸானப்புறம் ஸ்க்ரீன்ல ரசிகனுக்குத் தெரிஞ்சது சிவாஜி மேனரிஸம் மட்டும் ஸ்டைல் மட்டும்தான்...அப்புறமென்ன ஒரே ரகளைதான் போங்க!

ஆகாய Ganges (நன்றி: Hello FM!)

இந்தப் பாடலைக் கேட்டவுடன் எனக்கு நினைவுக்கு வந்தவர் இருவர்....

முதல்வர்....திரு மலேசியா வாசுதேவன் அவர்கள் (என்ன ஒரு ஓபனிங்!)

இரண்டாமவர்...திரு ரஜினிகாந்த் அவர்கள் (மனநிலை பிறழ்ந்து, சரியான பின் நடித்த முதல் படம் இது)

திரு மலேசியா அவர்கள் பாடிய 'அருமை' வெகு ஜனப் பாடல்களின் 'மைல்கல்' பாடல்..கூட எஸ் ஜானகி...கேட்பதற்கு இனிமையோ இனிமை....!

இந்தப் பாடலை எடுக்கும்போது ஸ்ரீதேவி அவர்களுக்கு காலில் அடிபட்டு நடக்க முடியாத சூழல்...உன்னிப்பா கவனித்தால் ஸ்ரீதேவி நடமாட்டம் மட்டுப் பட்டிருப்பது தெரியும்...'உன்னிப்பா' கவனித்தால்தான் தெரியும்...இயக்குனரைப் பாராட்டிவிட்டு, அதற்காகவும் பாட்டைப் பாருங்கள்!

மலேசியா நம்முடன் இல்லை எனும்போது மனம் கனத்துப் போகிறது...அவரது பாடல்களில் அவர் உயிர் இன்றும் உலவிக் கொண்டிருக்கிறது.

பின்குறிப்பு - 'முதல்வர்' - ரஜினிக்குப் பிடிக்காததால், அவர் பெயர் இரண்டாமிடம்!

மலேசியா வாசுதேவன் - RIP

ரஜினியின் அறிமுகப் பாடல்கள் - 4

சிறிய இடைவேளைக்குப் பின் மீண்டும் ரஜினியின் அறிமுகப் பாடல்கள் தொடர்கின்றன...

முந்தைய பதிவுகளுக்கு இங்கே சொடுக்கவும்

ரஜினியின் அறிமுகப் பாடல்கள் - 1
ரஜினியின் அறிமுகப் பாடல்கள் - 2
ரஜினியின் அறிமுகப் பாடல்கள் - 3

இடம்# 07
பாடல்# 'பொதுவாக என் மனசு தங்கம்..'
படம்# முரட்டுக் காளை
இசை# இளையராஜா
பாடல்# பஞ்சு அருணாசலம்
பாடியவர்# 'மலேசியா' வாசுதேவன்

எந்த ஒரு கதாநாயகனுக்கும் தான் ஒரு வெகுஜன கதாநாயகனாக அங்கீகரிக்கப்பட வேண்டும் என்கிற ஆசை நிச்சயமாக இருக்கும். அது, மிகச் சிலருக்கே பொருந்தி வருகிறது. பொருந்துவதோடு நில்லாமல், தொடர்ந்து கொண்டே இருப்பது ரஜினிகாந்த் அவர்களுக்கு மட்டும்தான். அதிலும், கமர்ஷியல் ஹீரோவுக்கான அறிமுகப்பாடல் மிக மிக முக்கியம்!

ரஜினி வெகுஜன கதாநாயகனாக முத்திரை பதித்த படம் 'முரட்டுக் காளை'. 'விக்' அணிந்து ரஜினி நடித்த வெகு சில படங்களில் ஒன்று. அதில் வரும் அறிமுகப் பாடல், அட்டஹாசமான பாடல்...

'பொதுவாக என் மனசு தங்கம்
ஒரு போட்டியின்னு வந்துவிட்டா சிங்கம்!'

என்று துவங்கி, 'நெஞ்சுக்குள்ள அச்சமில்லை, யாருக்கும் பயமுமில்லை, வாராதோ வெற்றி என்னிடம்!', 'பொறந்த ஊருக்குப் புகழைச்சேரு, வளர்ந்து நாட்டுக்கு பெருமை தேடு', 'எந்நாளும் உழைச்சதுக்குப் பொன்னாக பலனிருக்கு' என்கிற வரிகளில் பஞ்சு அருணாசலம் மின்னியிருந்தார்.

அந்த வகையில் இந்தப் பாடல் 7-வது இடம்!

ரஜினியின் அறிமுகப் பாடல்கள் - 2

தர வரிசை# 09
பாடல்# 'மனிதன்..மனிதன்..இவன்தான் மனிதன்...'
படம்# மனிதன்
இசை# சந்திரபோஸ்
பாடல்# வைரமுத்து
பாடியவர்# மலேஷியா வாசுதேவன்

இந்தப் பாடலுக்குப் பின்னால் சின்ன சுவாரஸ்ய குட்டிக் கதை.

'வானத்தைப் பார்த்தேன்' என்கிற மற்றுமொரு தத்துவப் பாடல் இருப்பதால், பாடலைச் சேர்க்க வழியில்லாமல் அப்படியே வைத்திருந்ந்தாகவும், ரஜினிகாந்த் தலையீட்டால் 'டைட்டில் ஸாங்' என்றழைக்கப்படும் 'தலைப்பு பாடல்'-ல் ரஜினியின் வாயசைப்போடு வெளிவந்ததாகவும் ஏவி எம் சரவணன் அவர்கள் குறிப்பிட்டுள்ளார் (ஏவி எம் 60 சினிமா, ஏ வி எம் சரவணன், ராஜராஜன் பதிப்பகம்).

வாழும்போது செத்துச் செத்துப் பிழைப்பவன் மனிதனா...
வாழ்ந்தபின்னும் பேரை நாட்டி நிலைப்பவன் மனிதனா...
என்கிற வைரமுத்து வரிகள் வீர்யம் மிக்கவை, எளிதில் புரிந்து கொள்ளக்கூடியவையும் கூட.

அதென்னமோ தெரியவில்லை, சந்திரபோஸ்/வைரமுத்து கூட்டமைப்பில் உருவான பாடல்களில் வரிகளும், இசையும் இழைந்தோடுவது நிச்சயமான உண்மை.

பாடலைத் திரை வடிவில் காண்பதற்கு இங்கே சொடுக்கவும்.