Monday, July 15, 2013

(பாடல் வரிகளில்) பரதேசி டைரிக் குறிப்பு - 51


தோழர் பாலா அவர்கள் கவியரசு / கவிப்பேரரசு அவர்களின் கற்பனை ஒன்றாயிருக்கிறது / நன்றாயிருக்கிறது என்று சிலாகித்திருந்தார்.  அதை இங்கு தந்திருக்கிறேன்.


வைரமுத்துவின் வைர வரிகள்:
(நினைவெல்லாம் நித்யா-ரோஜாவைத் தாலாட்டும் தென்றல்)

"வசந்தங்கள் வாழ்த்தும் பொழுது உனது கிளையில் பூவாவேன்.
இலையுதிர்க் காலம் முழுதும் மகிழ்ந்து உனக்கு வேராவேன்."
கண்ணதாசனின் "ஆலம் விழுதுகள் போல் உறவு ஆயிரம் இருந்தும் என்ன? என் வேரென நீயிருந்தாய் அதில் நான் வீழ்ந்துவிடாதிருந்தேன்" என்ற வரிகளுக்கு இணையானவை இவ்வரிகள்.

இது போன்ற இரண்டு பாடல்கள் என்னுள் கொஞ்ச நாட்களாய் உழன்று கொண்டிருந்தன. 

Sunday, July 14, 2013

(ஓடும்) பரதேசி டைரிக் குறிப்பு - 50

எச்சரிக்கை# 4 : வெள்ளி, சனி கிழமைகளில் ப.டை.கு வெளிவராது என்பதைத் தெரிவித்துக் கொள்கிறேன்   (மீதி மூன்று எச்சரிக்கைகள்? - அட! தேடிப் பிடித்துப் படித்துக் கொள்ளுங்கள் வாசகர்களே!)




புகழ் பெற்ற அந்த இந்திய வீரரின் பெயர் தெரியும்.  தங்கப் பதக்கம் ஹாக்கி விளையாட்டில் வாங்கியிருக்கிறார் என்று மட்டும் (தவறாக!) அறிந்திருந்தேன்.  அவரைப் பற்றி முழுமையாய்த் தெரிந்து கொள்ளும் வாய்ப்பு வெள்ளி இரவு கிடைத்தது.

Thursday, July 11, 2013

பரதேசி டைரிக் குறிப்பு - 49

இராமனும், சுக்ரீவனும் செய்த கொண்ட ஒப்பந்தம்

-அண்ணன் வாலியை இராமன் வதைத்து, இராச்சியத்தைச் சுக்ரீவனுக்குக் கொடுப்பது.

-தன் படை கொண்டு சுக்ரீவன் சீதா பிராட்டியைத் தேடிக் கண்டு பிடிப்பது.

இராமன் தன் ஒப்பந்தத்தை நிறைவேற்றி விட, மழைக் காலமாதலால் தேடுவதற்கு அவகாசம் வேண்டுகிறான் சுக்ரீவன்.  இராமன் ஒத்துக் கொள்கிறான்.

மழைக்காலம் முடிகிறது. சுக்ரீவன் கொண்டாட்டங்கள் ஓயவில்லை.  குடி போதையில் கொடுத்த வாக்கையும், போட்டுக் கொண்ட ஒப்பந்தத்தையும் மறந்தே போகிறான்.

பார்க்கும் ஒவ்வொரு காட்சியிலும் சீதா பிராட்டி நினைவில் வர, பிரிவாற்றாமையும் சேர இராமனுக்குக் கோபம் வந்து விடுகிறதாம்.  ஒப்பந்தத்தை நினைவூட்ட இலக்குவனை அனுப்புகிறான்.

Wednesday, July 10, 2013

பரதேசி டைரிக் குறிப்பு - 48

நேற்று போட்ட எச்சரிக்கைகளை மீண்டும் இடுகிறேன்.

எச்சரிக்கை# 1: டைரிக் குறிப்பு என்பதால் தினமும் எழுதி உங்களைப் படிக்க வைத்து, லைக் போட வைத்துப் படுத்தலாம்.

எச்சரிக்கை# 2: வேலைப்பளு அதிகமாகும்போது குறிப்பேதும் விடாமல், உங்களைச் சந்தோஷப் ‘படுத்தலாம்’.

ஏற்கெனவே இன்றைக்குப் பொங்கித் தின்பது முடிவாகி விட்டது என எழுதியிருந்தேன்.  அதே போல அலுவலக நண்பர், மூத்தவர் திரு பத்மநாபன் ராமானுஜன் அவர்களின் துணையோடு ஜியார்ஜியில் உள்ள அம்மாஸ் ஸ்பைஸி என்கிற இந்தியக் கடைக்குச் சென்றேன்.

Tuesday, July 09, 2013

பரதேசி டைரிக் குறிப்பு - 47

எச்சரிக்கை# 1: டைரிக் குறிப்பு என்பதால் தினமும் எழுதி உங்களைப் படிக்க வைத்து, லைக் போட வைத்துப் படுத்தலாம்.

எச்சரிக்கை# 2: வேலைப்பளு அதிகமாகும்போது குறிப்பேதும் விடாமல், உங்களைச் சந்தோஷப் ‘படுத்தலாம்’.


எடின்பரோவில் ரெண்டாவது நாளா ’வெள்ளக்கார’ பாஷைல வெயில் கொளுத்தறது.  அதிகமில்லை லேடீஸ் அண்ட் ஜெண்டில்மேன் - சென்னைக்கு ரொம்பப் பக்கத்துல இருக்கே பெங்களூரு..அந்த வெதர்தான்.  வெயில் ஜாஸ்தியானதால வளர்ந்த பொண் கொழந்தைகள், அவாளோட அம்மா, அந்த அம்மாக்களோட அம்மா எல்லாரும் கூலர்ஸ் மாட்டிண்டு, லூஸா ட்ரெஸ் போட்டுண்டு, பிரின்ஸஸ் ஸ்ட்ரீட்ல ஹாயா சுத்தறது நம் கண்ணுல பட்டு, நம் மனசைக் காயப்படுத்தறது.  இவாளை இப்படிப் பாக்கும்போது ஆத்து மாமி வேற (வேறா??) ஞாபகத்துக்கு வர்றா (‘ஏன்னா! உங்களை வேலையைப் பாக்கத்தானே அனுப்பிச்சேன்..நீங்க வேற எதையெல்லாமோ பாக்கறேளே - ன்னு ரொம்பச் சாதுவாதான் கேப்பா...பதிலே சொல்ல முடியாது).

Monday, July 08, 2013

பத்மனுக்கு* ஒரு கடிதம் (அ) பரதேசி டைரிக் குறிப்பு - 46

அன்புள்ள பத்மனுக்கு,

நேற்று எடின்பரோவிற்கு வந்து விட்டேன் (மூன்றாவது முறையாக).  ‘ஆண்டி முர்ரே வெற்றிச் செய்தி’ வேப்பங்காயாய் வரவேற்றது :-)

லண்டனும், எடின்பரோவும் 24-களில் ‘சொல்ப’ வெப்பமாய் இருந்தது ஆறுதல்.

என்று ‘அண்டர்வேர் இல்லாமல் இருக்கலாம், ஆண்ட்ராய்ட் இல்லாமல் இருக்கக்கூடாது’ என்று எழுதினேனோ தெரியவில்லை. 

Saturday, June 29, 2013

கண்ணதாசன் பாடல்களில் கடவுள் தத்துவங்கள் - 2

அந்தப் பாடல் எடுக்கப்பட்ட விதம் ஏனோ எனக்குப் பிடிக்கவில்லை.

’விக்’எனப்படும் செயற்கை முடி தரிப்பு, புருவங்களில் அடங்கும் பெரீய்ய மூக்குக் கண்ணாடி, பைஜாமா, ஜிப்பா, மேலே அரைகுறையாய் அங்கவஸ்திரம் (அ) ஷால்... இல்லையில்லை ஏதோ ஒன்று.  அருகிலேயே பேரிளம் வயதில் தங்கை.  ஐம்பது வயது ‘திருமணம்’ ஆகாத அண்ணன், முப்பது வயது ‘திருமணம்’ ஆகாத தங்கையை நோக்கிப் பாடுவதாக அமைந்த பாடல்.  பார்க்க நேர்ந்தால் உடனே சேனலை மாற்றிவிடுவேன். பாசமலர் படத்தில் ‘மலர்களைப் போல்..’ பாட்டமைப்புக்கும் இதற்கும்தான் எவ்வளவு வித்தியாசம்.  சிவாஜியின் வயது உட்பட :-)

இந்தப் பாடலை ‘கண்ணதாசன் பாடல்களில் கடவுள் தத்துவங்கள்’ புத்தகத்தில் ‘பி என் பரசுராமன்’ (அல்லயன்ஸ், ரூ 90) அவர்கள் விளக்கம் அளித்தது கண்டு வியந்து போனேன்.  ‘சே! காட்சிக்காகப் பாடலை இதுவரை கேட்காமல் போனேனே!’ என வெட்கப்பட்டேன்.

கண்ணதாசன் பாடல்களில் கடவுள் தத்துவங்கள் - 1

    ஒரு மனிதன் வாழ்வை இனிமை என்றான்
    ஒரு மனிதன் வாழ்வைக் கொடுமை என்றான்

என்று கண்ணதாசன் அமைக்கவில்லை.


இப்படி அமைந்திருந்தாலும், அது இராகத்திற்கோ,  தாளத்திற்கோ தகராறு செய்யவில்லை; ஒத்துத்தான் போகிறது.  வேறு யாராயிருந்தாலும் இப்படித்தான் வார்த்தைகளை அமைத்திருப்பார்கள்.

Friday, June 28, 2013

அட! இதுவும் காதல் கவிதைதான்!

1. நான் அவளைப் பார்த்தேன்
அவள் என்னைப் பார்த்தாள்
'குழந்தையை தூக்கிகிட்டு நடங்க' என்றாள்..


Sunday, February 17, 2013

பரதேசியின் டைரிக் குறிப்பு - 45

சொந்தச் சகோதரர்கள் துன்பத்தில் சாதல் கண்டும்

சிந்தை இரங்காரடீ...கிளியே! செம்மை மறந்தாரடி...!


என்று பாரதியார் வருத்தத்தை அப்படியே ராஜ்குமார் பாரதி பாடியதை எல்லோரும் கேட்டிருக்கலாம். பயணத்தின் போது அறிமுகமான நபரின் துன்பத்தினைக் காணச் சகியாமல், ஓடிப் போய் உதவி செய்யும் சாதாரண மனிதனின் கதை ‘பாஸஞ்சர்’ (2009, மலையாளம்).



பரதேசி டைரிக் குறிப்பு - 44

’இந்தியன் ருப்பி’ - சிறந்த மலையாளப் படம் (2011) என்கிற தேசீய விருது. சிறந்த துணை நடிகர் (திலகன்) என்கிற ரிப்போர்டர் விருது.



பரதேசி டைரிக் குறிப்பு - 43

ஏவி எம் நிறுவனம் தமிழில் படம் பண்ணுவதாய்த்தான் பலரும் நினைத்துக் கொண்டிருக்கிறார்கள்.

அவ்வப்போது வேறு மொழிகளிலும் புதுமுகங்களைப் போட்டுத் தெகிரியமாகப் படம் எடுக்கிறார்கள். லீடர் (தெலுகு) படமும் இதில் சேர்த்தி.

Sunday, February 10, 2013

பரதேசி டைரிக் குறிப்பு - 42


 

கலைஞர் டிவி ‘நாளைய இயக்குநர்’ வரிசையில் முதல் இடம் பெற்ற (படம், இயக்குநர், நடிகர்) குறும்படம் ‘தமிழ் இனி’.

பரதேசி டைரிக் குறிப்பு - 41

பாஸேஜ் ஆஃப் இந்தியா என்கிற பஞ்சாபி வகை உணவகம் லீத் வாக் (Leith Walk) பகுதியில் உள்ளதை முதல் நாள் நடைப் பயணத்திலேயே குறித்துக் கொண்டேன்.


சனியன்று மதியம் 12 மணிக்குப் போனால்... திறக்கவேயில்லை. ’சரி, பக்கத்தில் குஷி'ஸ் என்கிற உயர்தர விலை உணவகம் இருக்கிறதே! அங்கு போகலாமே!’ (அட! இதை அன்னிக்குக் கவனிக்கவே இல்லையே!)

பரதேசி டைரிக் குறிப்பு - 40

பில் ரிக் ஸ்ட்ரீட் கெஸ்ட் ஹவுஸிலிருந்து, லோதியான் ஸ்ட்ரீட் அலுவலகம் இரண்டரை மைல் தூரம் இருக்கலாம். போய் வர நகரப் பேருந்துகள் உண்டு. 15 நிமிடப் பயணம். ஆக, எடின்பரோ நகரத்தின் முக்கிய அம்சம் லோதியான் பேருந்து.

பெங்களூரு வோல்வோ, வாயு வஜ்ரா வகைப் பேருந்துகள் சிசிடிவி / டபுள் டெக்கர் பட்டையைக் கெளப்பிக்கொண்டு, மழலைத் துடிப்புடன் அங்குமிங்கும் வழுக்கிக் கொண்டு ஓடுகின்றன.



பரதேசி டைரிக் குறிப்பு - 39




எடின்பரோவின் பிரின்ஸஸ் ஸ்ட்ரீட் சென்னை பாண்டி பஜார், பெங்களூர் ப்ரிகேட் ரோடு, நியூயார்க் டைம்ஸ் ஸ்கொயர் போல. சனிக்கிழமை கூட்டம் அநியாயத்துக்குப் பிதுங்குகிறது. கூடுதல் வசீகரம் ரக்பி பந்தயம்.

Sunday, February 03, 2013

விஸ்வரூப தரிசனம் - 2

விஸ்வரூப தரிசனம் - 1 -ஐத் தொடர்ந்து இதோ ...


விஸ்வரூபம் தடை நீக்கப்பட்டதால், படத்தைப் பற்றிய என் பார்வை.

 
கமலின் முந்தைய adventures வெற்றி விழா, குருதிப்புனல், அவ்வை சண்முகி, அர்னால்டின் True Lies, ரஜினியின் பாட்ஷா - சாயல் கண்டிப்பாய் உண்டு.

Saturday, February 02, 2013

காஃபி ஃபில்டர்



இப்போது எழுதிய முன்குறிப்பு:


டிசிஎஸ் பெங்களூரில் 2003 திசம்பரில் இணைந்தாலும், குடும்பத்தை அழைத்து வருவதற்கு ஏபரல் 2004 ஆகிவிட்டது.  அதற்கு முன்பே பெங்களூரில் வீடு பார்த்ததால், சென்னை வீடு காலியாக்கப்பட்டு, சாமான்கள் எல்லாம் பெங்களூருக்கு வந்துவிட்டன.  சென்னையில் சிவா பரீக்ஷை முடியும் வரை, என் மாமா வீட்டில் குடும்பம் இருந்தது.  இனி படியுங்கள்.

ஜயநகர் வீட்டில் சாமான்கள் இறக்கப்பட்டவுடன் எனது முதல் கவலை.  எனக்கிருக்கும் நேர நெருக்கடியில் இதையெல்லாம் ஒழுங்காய் எடுத்து வைத்து, மாமி/மம்மி முன்னால் ‘எப்படி வாழ்ந்து காட்டுவது?!’

Sunday, January 27, 2013

வீ கேன் டூ இட்!

வருடத்தின் முதல் தினம். 
காலையில் கடவுளை வணங்கித் தொழுது, ஸஜ்ஜன் ராவ் சர்க்கிள் முருகன்/ஜயநகர் பிள்ளையாரைத் தரிசித்து, லைட்டா வீட்டில் டிஃபன் போட்டு, பனஷங்கரி வந்து வோல்வோவைப் பிடித்தேன்.
 
எதிரும் புதிருமான இருக்கைகளில் அமரும் வழக்கமுண்டு.  எதிரே உட்கார்ந்திருந்த பெண்ணின் கைகளில் வெள்ளைக் கைகுட்டை.   கழுத்தின் கருகமணி திருமணமானவள் என்று சொன்னது.  கையில் வைத்திருந்த கோட் மருத்துவத்தைச் சார்ந்தவர் என்று சொன்னது.  சிவந்த கண்கள் ‘அழுகிறாளோ?’ 

விஸ்வரூப தரிசனம் - 1

விஸ்வரூப முதல் 30 நிமிடங்களில் அவ்வை சண்முகி, பாட்ஷா சாயல். கதை பின்னோக்கி நகர்ந்து, ஆப்கானிஸ்தான் தீவிரவாதிகள் முகாமில் பயணித்து...அடடா! படத்தை நிறுத்திப் போட்டாங்களே!

யாரும் தகராறு செய்யவில்லை; கல்லெறியவில்லை. இரு காவலர்கள் மாத்திரம் தெரிந்தார்கள்.

கமல்ஹாசன் மெனக்கிட்ட பல படங்களைப் பார்த்து வளர்ந்ததால், புதிதாக எதுவும் தெரியவில்லை. ரொம்ப நாளைக்கப்புறம் ஆடிய நடனம் / பாட்டு அருமை.

1 மணிநேரம் படம் பார்த்து, முழுக் காசையும் வாங்கிக் கொண்டு மற்ற குடும்பங்களைப் போல முழுக்கப் படம் பார்க்காமல் நொந்து போய்த் திரும்பி வந்தோம்.